مجرد فضفضه

**رفيعة الشأن** · 2007-08-02, 16:15

السلام عليكن يابنات وحريم المنتدى

في موضوع مضيق خلقي وهو ان زوجي صاير يتدخل في امور في البيت مب من اختصاصه مثل شو بنطبخ اليوم والتدقيق وايد على هالموضوع لدرجة اني الصبح اتم راقده عشان مايسألني شو بيكون الغدا مثلا..وشئ ثاني يهتم بالخدامتين(اثيوبيات مايتشاهدن) اهتمام مبالغ مثلا عند الغدا وقبل مانبدأ غدانا يعطي الاوامر(حطي سمج زياده حق الخدامات...حطيلهن دياي) ويحشر الدنيا..اللي يشوفه يقول هالخدامات ميتات من اليوع...مع انهن يحطن غداهن ويانا ويتغدن نفس الوقت...يعني هالموضوع يومي

بصراحه لاعت جبدي...وشئ ثاني بعد لو خدامه منهن كلمتني وطلبت زياده في الراتب مثلا يوم اخبره مايمانع ويقول حاضر ولو الشور عندي مابعطيهن على مزاجهن...الخدامه تشتغل حسب الراتب الموجود في العقد والزياده هاي راجعه لنا احنا...المهم انه يخالفني الشور ويغيض بي.

ومن الامور المضيقه عليي انه صاير يدقق في خروجي(حسره علي ما اظهر من البيت الا لحاجه وبشوره) متى بتطلعين وامتى راده وليش اشتريتي كل هالأشياء!!!!

بصراحه هالشي يديد عليي في المعامله..ويوم سألته ليش يدقق علي وين سايره ومتى راده...قالي تبيني

اخليج تسيرين وتردين على كيفج!!!!!!!!!!!!!!!!!!

انطميت وسكت وقلت اكيد في شئ مضيق خاطره والسكوت عنه احسن حل.
سامحوني طولت وهذربت زياده بس الحمدلله احس براحه عقب هالفضفضه.

المزيد من آخر المواضيع من نفس القسم:

**فيء** · 2007-08-02, 16:37

ريلج يشتغل و إلا لا ؟؟

شكله فاضي وما عنده شغلة يسويها

**رفيعة الشأن** · 2007-08-02, 16:48

المشاركة الأصلية كتبت بواسطة فيء

ريلج يشتغل و إلا لا ؟؟

شكله فاضي وما عنده شغلة يسويها

ههههههههههههه ماشاء الله عليج ..هيه نعم الحبيب متقاعد قبل السن التقاعدي يعني اتقاعد قبل سن الأربعين.

فعلا فاضي وماسوى له اي بزنس.

**فيء** · 2007-08-02, 17:10

الأحسن تيلسين وياه ، وتكلميه عن الأمور اللي يحبها ، وتسئلينه .. حبيبي شو بغيت عالغدا؟؟

حياتي شو رايك في كشختي؟؟

حبيبي وايد أحبك ، ياترى تحبني مثل ما أحبك؟؟

وشغلي وقتج و وقته بالطلعات والليالي الرومانسية

قولي له بعدك شباب ، شو رايك نسوي شهر عسل ثاني؟؟

شو رايك ناخذ العيال في سفرة للعمرة مثلا؟؟

وأهم شي يشغل نفسه بطاعة الله ، ساعديه عالخير وربي يعينج

**رفيعة الشأن** · 2007-08-02, 17:30

المشاركة الأصلية كتبت بواسطة فيء

الأحسن تيلسين وياه ، وتكلميه عن الأمور اللي يحبها ، وتسئلينه .. حبيبي شو بغيت عالغدا؟؟
اختي فئ يوم اقترح شئ يخالفني ويسوي اللي يباه

حياتي شو رايك في كشختي؟؟

كشختي صارت موضوع مسلم به بمعنى مايحتاي يعطيني رايه لأنه واثق من كشختي ويكسل يجبر خاطري بكلمه.
حبيبي وايد أحبك ، ياترى تحبني مثل ما أحبك؟؟
بيقولي سؤال بايخ
وشغلي وقتج و وقته بالطلعات والليالي الرومانسية
المشكله اني رومانسيه وهو لا...يرفض اي باب للتغيير
قولي له بعدك شباب ، شو رايك نسوي شهر عسل ثاني؟؟
ههههههه يضحك يوم يسمع هالكلام اصلا هو معيز بعمره من زمان
شو رايك ناخذ العيال في سفرة للعمرة مثلا؟؟

الحمدلله خذنا العيال واعتمرنا من شهر

وأهم شي يشغل نفسه بطاعة الله ، ساعديه عالخير وربي يعينج

في هالشئ هو مب مقصر ولله الحمد.

يزاج الله خير اختي فئ على مشاركتج لي في هاي الفضفضه.

**قلبوة** · 2007-08-02, 17:55

حاولي اتقوليله يفتحله مشروع صغير لانه هو الحين متعود على الشغل ودامنه متقاعد فيحس انه ماله لزمه يبا يفرض سيطرته على اي شي

**وحيدة زماني** · 2007-08-02, 17:57

مدري شو اقلج....بس الله يعينج ..

**صبح وليل** · 2007-08-02, 18:09

+
::::

ذكرتيني بريلي يوم يكون في اجازة سنوية...يالله كيف يشل البيت على راسه وأبوي بعد نفس الشي...

أكيد ريلج ملان وما عنده شغلة ياي الحينة يحط فضاوته فيج...

تحمليه ترا كلهم جيه يوم يكونون ملانين

رتبيله يلسة سنعة ورمسيه بالزين...وان شاءالله كل شي يرد مثل ما كان واحسن

::::
+

**Um-Rashid** · 2007-08-02, 18:38

اول شي الغاليه لا تلومينه لانه متقاعد وهذا حال الرياييل لو تقاعدوا يتدخلون في كل صغيره وكبيره وهذا كله من الفراغ الحل انج تقترحين عليه بدل قعدة البيت انه يسويله بزنس او شغله يمضي فيها وقته ..

ثاني شي لا تتضايقين لما يسألج ريلج وين رايحه ومن وين يايه لانه ريلــــــــــج ومســـــؤل عنج اكيد من حقه يسألج ..

ثالث شي قعدي معاه وباسلوب حلو اسئليه حبيبي في شي مضايجك ومن هالسوالف .. ولا تنسين خلي كلمه حبيبي وعمري وحياتي على لسانج على طول .. ومدام هو متقاعد سافرو شهر عسل يديد بروحكم او اقعدوا ليله او ليلتين في فندق بروحكم طبعا وكثري من الليالي الرومانسيه ^_^ ..

الموضوع: مجرد فضفضه

أدوات الموضوع

عرض