كيف اتعامل وياه

**وحده من ناس** · 2011-10-31, 15:36

مراحب الحلوات شحالكم

انا عروس مستوي لي شهر من عرست وانا اول وحده معرسه من البيت خبراتي في التعامل مع الزوج احسها مووول ما تصلح يعني مثلا انا اسولف ويا ريلي نفس ما اسولف واقرب ربيعاتي ومشكلة كل شى في حياتي اقوله واسولف له عن ربيعاتي ومرات اسب احسس اسلوبي طفووولي وادري انه غلط بس جد ماعرف كييف اتصرف او بشو اسولف معاه او وش يسوي الحريم

وفي مشكلة ثانيه انا خجووووووووووووووووووووولة ومب جرىئيه ابدا حتى استحي امسك ايده او احضنه يعني كل ها الحركات ما اسويها مب الاني ما احبه بس جد احس قويه وعيب وما اقدر اسوي جي

بليزز ابا نصايحكم بليز بليزز

المزيد من آخر المواضيع من نفس القسم:

**سفيرة دبـي** · 2011-10-31, 16:05

مبروك غناتيه وربي يتمم لج علينا و عليج بخبر و سهاله

والله ماعرف لني روحي افكر شراتج بس ان شاء الله تلقين النصيحه و البنات ما بيقصرن

وانتي غناتي حطي ف بالج انج توج ف هالعالم و انتو الاثنين من عالمين و اجتمعتوا ف بيت واحد

ف يبالكم وقت الين تتعودون ع بعض ولا تنسين الادعيه الي تسخركم لبعض و كونوا مع بعض ف كل شي ..

**ابداااع للتصميم** · 2011-10-31, 18:31

للللللللللللللللللللللللرفع

**totoo** · 2011-10-31, 18:42

أول شي ألف مبروك يالغالية ..
الله يسعدكم طول العمر ويهنيكم ..

ثاني شي .. بالنسبة للسوالف .. عادي ترا مع الوقت بتتعلمي شو السوالف
الي تنفع للزوج وشو السوالف للبنات هههههه
أما الحيا .. ترا الحيا شي حلووو في البنت .. لكن بنفس الوقت لا تكوني خجولة زياادة !
توك متزوجة .. لكن بعد فترة حاولي تكسري هـ الحواجز ..
لأن الزوج ببساطة .. لما يتزوج يكون متحمس و ماعنده احساس بخجل الزوجة ..
و مع الأيام اذا استمرت ع الخجل بتخافي عيونه تطلع برا !
شوي شوي ومع الأيام بتتحسن علاقتكم ان شاء الله
وكل شي بالتدريج .. امسكي ايده بالأول وبعدين بتحسيها سهلة خخ
والله يووفقكم لكل خير يآرب ~

**USA Online** · 2011-10-31, 18:47

ماشاء الله الله يتمم لكي بخير حاولي لاتخبريه كل شي عن ربيعاتك و اهلك فحدود المعقول بس
و بتتعودي عليه مع الوقت ما تستحين منه و الحياء مو عيب بل شي حلو بس طبعا الشي الي يزيد عن حده ينقلب لضده ف حاولي تشيلي الحواجز بينكم بالتدريج و الله الموفق

**حرم المهيــري** · 2011-10-31, 18:58

سولفي معااه بعفويه و خلج ع طبيعتج
بس من رايي ابد ماله داعي تسولفي له عن ربيعااتج هو رياال و ومب زين
لان لاسمح الله حب تصرفاات وحده فيهن وتعلق بشخصيتها من كلامج عنها صعبه شوي فا مااشووف هالتصرف صح وحتى ربيعااتج لاتسولفي لهن وايد وايد عنه لنفس السبب اللي ذكرته

ثاني شي امزحي عادي بس احترميه قدر المستطااع بعدي عن بعض الالفااظ الخاليه من الاحترام مثل جب وغيره هاي الكلمه وايدات يستخدمنها ويقولن من بااب المزح بس انا ماحبذهاا ، ذكريه بعباداته صلاته و الذكر والقران كوني عون له على طاعة الله سبحانه..

وبااقي الاشيا من سلوكياات وواجباات طبعا بالفطره كل حرمه تعرفها لان الحياه الزوجيه ماايبالهاا تعليم ..

والله يسعدج

*** ام خماس *** · 2011-10-31, 19:02

هلا الغاليه .. العفويه احسن طريقه للسوالف بين الزوجين

وبعدين رااح تتعودين على ريلج والمستحى بيقل بالمستقبل ^^

الله يسعدكم عنوووني

**الأحلام الملونة** · 2011-10-31, 19:11

الله يكتب لك الخير يارب

أولا لزم هو يساعدك لكسر الخجل

وثانيا مش مطلوب تتعاملي معة كما تتعاملي مع الأخرين وخاصة بالسوالف عن الأهل وعن صديقاتك

وثالثا لزم تعبري عن مشاعرة ومحبتك بطريقة طبيعية الحنان والمحبة مش محتاجة دروس محتاجة تعبير

الحضن والقبلة ولمس اليد من الأمور التلقائية عن التعبير فلا تحرمي نفسك بدافع الخجل بالعكس عودي

نفسك على التعبير هذة أحلي فترة ومنها تقوي العلاقة وأساس للمستقبل لأنك لو بقيتي على هذة الحالة

تصير طبع ما ترومي تطلعي منة ومع الوقت يقتصر التعبير على الدقائق الحميمية وتصبحي فقط متلقية

وهذا يملل الرجل جهزي نفسك بالملابس والأستعداد النفسي بالجلوس لجوارة وملامستة بمحبة ومودة

وخذيها نصيحة كف اليد معبر جدا بلمس وجهة بمحبة مداعبة شعرة ولمس أكتافة أجعلي من يدك مادة

للتوصيل وأثناء اللمس خلي كل تركيز مشاعرك بهذة اللمسة وسوفي تجدي العجب لأنها سوف تنقل

للطرف الأخر كل المشاعر --- ربي يوفقك ويكتب لك حياة سعيدة

**بنت الشوامخ** · 2011-10-31, 19:31

امممم
شوفي سوالف الرياييل غير عن الحريم
يعني حاولي تشوفين شو المواضيع اللي يحب يسولف فيها وناقشيه فيها
لاتتكلمين عن ربيعاتج ماله داعي الا اذا كان من دون اسم ومب دوم يعني مب كل شي ينقال
سبحان الله انا عكسج ودي ريلي يعرف اكثر عن نفسي واسولف بشكل عفوي بس ماقدر!

اممم وعن انج تستحين من ريلج هذه بسيطه يبالها تدرج وشوي تدوسين ع الحيا
مثلا حاولي مره جي وهو عدالج انج تمسكين ايده انتي بادري وشوي شوي الموضوع بيسهل مع التعود

الله يوفقج

**مثلي قليل** · 2011-10-31, 19:46

هههههههههههههههههههه اهم شي انه عيب تمسكين ايده
لاحبيبتي حلالج كله مو ايده وبس ومع الوقت كل شي بيتغير لاتحاين سوالفج واسلوبج راح تتغير مع الوقت

**3yoon 3lya** · 2011-10-31, 22:45

ألف ألف ألف مبروك الله يديم السعاده يارب ويهنيج ، ما عليه يختي مع مرور الايام بتعودين عليه بس ماله داعي

اتيبين طاري اربيعاتج ،، موفقه يارب

**امونه ^^** · 2011-10-31, 22:53

المفروض هالحاجز ينكسسر حزة الملجة

**آيشدو أحمر** · 2011-10-31, 23:51

مبروك والله يسعد أيامكم لو تبين مساعدة أنا حاضرة راسليني على الخاص

**أبحث عن ذاتي** · 2011-11-01, 08:02

غناتي اكبر غلط تسوينه انج تسولفين له عن كل شي .. في اموور ما تنطرى جدام الزوج والاخص سوالف الربيعات والبنات .. خلج طبيعية وهذا ريلج حلالج .. مع الوقت بتتعودين .. والله يوفقج ويسعدج

**طاغية الأنوثة** · 2011-11-01, 09:46

ألف مبروك الغالية
هالشي طبيعي انج تخجلين لأنج توج معرسه بس أهم شي لا تطولين على هالحال ولا ترى بتندمين اتدرجي في حركاتج ومواقفج ويا ريلج يعني يوم يرد من الدوام بطليله الباب في أول يومين سلمي عليه واللي بعده بوسيه واللي بعده حضنيه يعني بالتدريج
بالنسبة للسوالف عادي كلميه في أي شي يخطر فبالج بس أكيد مب مشاكل اهلج وسلبياتهم أو حتى أهله كل شي حلو عن اهلج واهله قوليه وبالنسبة لربيعاتج ما احبذ تتكلمين وايد عنهم ترى الأذن تعشق قبل العين احياناً بس ممكن تذكرين موقف بايخ عن البنات يكونن فيه شريرات هههههههههههه

الموضوع: كيف اتعامل وياه

أدوات الموضوع

عرض

العرض المتطور

كيف اتعامل وياه

المزيد من آخر المواضيع من نفس القسم:

المواضيع المتشابهه

مـا اعرف كيف اتعامل وياه :(

ريلي ومب عارفه كيف اتعامل وياه ><

كيف اتعامل ويا .......؟

كيف اتعامل وياه ...قهرني واايد.تعبت

مقبلة على زواج إن شاء الله انصحوني بلي تعرفونه ابااعرف كيف اتعامل وياه واهله واكسبهم