مشكلتي تعقدت اكثر

**بدر البدو** · 2011-10-30, 18:01

الله ييسر همج

**امل نبيل** · 2011-10-30, 18:45

أخواتي شو اسوي اسكت عن الموضوع ولا اروح لين عندهم و اكلمه؟؟

**احلى اثنين** · 2011-10-30, 18:57

مرحبا اختي
عندج حلين ولازم اتكونين صارمه فيهن
الاول ترجعين شقتج وتعتذرين لريلج وترجعين اتعيشين معاه وانتي بنفسج ترقينه وتقرين في الماي وترشينه في بيتج وتقرين على حتى ملابسه واتشدين حيلج لين يرجع لج لانه الانسان احسن شي هو اللي يرقي نفسه وزوجه وبيته وعياله وحتى لو نام عند اهله نامي وياه خلج ضله لين يتشافى واتحملي

ثاني قرار تحذفين ها الشخص من حياتج واطلعين اشاعه انج تبين الطلاق وانه في واحد متقدم لج يباج ولازم يعرف ريلج انج تبين تبدين حياه بدونه وبعيد عنه

لانه ريلج اما فيه مرض نفسي اوعضوي او وحده في حياته وارجو انج تتقبلين رايي بسعه صدر بسج هم وغم داري بنتج واهتمي فيها بدال ما تكبر وفيها عقد نفسيه من اهمالكم لها واتشوفج بهاي الحاله صراخ وكابه وحزن حرام

**امل نبيل** · 2011-10-30, 20:31

اختي احلى اثنين:
اولا مشكورة ع ردج و كلامج ع عيني و راسي قرار الاول عجبني بس في مشكلة كيف اروح عنده و هو ما يكلمني ولا يدري عني أخاف اروح بروحي
و قرار الثاني ما تحسينها صعبة اقوله هالكلام؟؟ انا ابي أخذه بالسياسة ابي اعرف شو الي في باله و ارتاح

تسلمين اختي ع ردج

و اشكر اخوات الي ردوا علي

**احلى اثنين** · 2011-10-30, 20:45

المشاركة الأصلية كتبت بواسطة امل نبيل

اختي احلى اثنين:
اولا مشكورة ع ردج و كلامج ع عيني و راسي قرار الاول عجبني بس في مشكلة كيف اروح عنده و هو ما يكلمني ولا يدري عني أخاف اروح بروحي
و قرار الثاني ما تحسينها صعبة اقوله هالكلام؟؟ انا ابي أخذه بالسياسة ابي اعرف شو الي في باله و ارتاح

تسلمين اختي ع ردج

و اشكر اخوات الي ردوا علي

عادي حتى لو ما يكلمج انتي عارفه المشكله عالجيه بنفسج بدون ما تتكلمين او اتحاولين اتعرفين شو في باله دامج قريبه ومعاه حتى لو ثواني لازم بتعرفين كل شي وكل شي بيوضح بالرقيه والاستخاره واذا ها قرارج اتوكلي على الله واتحملي كل شي

والقرار الثاني مب لازم انتي اتقولين له يكفي الاشاعه بروحها بتوصل وخلي موبايلج مسكر عشان يحس انج بايعه
واما يتخلى عنج ويطنش واما يربع وراج وهو اللي يتصل ويطلب ترجعين له وفي كل الحالات استخيري والعبد في التفكير والرب في التدبير

**راعية الدار.** · 2011-10-30, 20:49

المشاركة الأصلية كتبت بواسطة حرم المهيــري

الله يشفيه ويكفي الجميع الشر
والله يكتب لج اللي فيهـ الخير ، تاكدي انـ كل شي من الله خير للانساانـ
حتى لو كانتـ مشكلهـ ، بس دايما قولي " الله اكفني ماا اهمني في شأنهـ وما لم اهتم بهـ"

ربي لاحرمج اجر الصبر .. وقلووبناا ويااج

**رؤوس الجبال** · 2011-10-30, 20:50

المشاركة الأصلية كتبت بواسطة زوجة زوجها

امل حبيبتي ريلج مو بمزااجه مافي اب ما يحن لضنااه

ريلج يباله شيخ و واضبي علييييه و افتحي البقره في بيتكم كل يوم

روحي عند اكثر من شيخ

يقولون في شيخ في عجمان

انا معاها بهالكلام وربي يسخره لج

**أم شيخوو123** · 2011-10-30, 21:00

الله ييسر همج......

**امل نبيل** · 2011-10-30, 21:10

بجرب ان شالله عما قريب و ان شالله كل شي يمر عالخير و أبشركم يا رب
هو من نوع الي كتوووووم وااااايد و ما يحب يتكلم مع احد و اذا احد كلماه يسكت و وايد يحطي في قلبه
حتي اذكر قبل كنت انا واسطة بين اهله و بينه اذا كانوا يبون شي منه يقولولي عشان اقوله و الكل يخاف يكلمه و اذا كلموه لازم يحاسبون نفسهم قبل لا يكلمونه

**كازميه** · 2011-10-30, 21:31

السلام عليكم اختي انتي ظالمه نفسج ظلم كبير
تتصلي على شيخ ثقة واسأليه هل أنا يصيبني إثم اذا طلبت الطلاق من هالشخص
وبعدين صلي الاستخارة في الطلاق الله سبحانه وتعالى هو أدرى باللي هو لج خير
هالايام اللي نحن فيها من افضل الايام
انسي ريلج فيها وابدئي الاستخاره في امر الطلاق اذا خير لج الطلاق الله بيسهله لج
واعرفي ان فييه خيييييييير
وأما اذا ما فيه خير لج الله ليبعد عنج فكرة الطلاق وامر الطلاق
اما انج ظالمه نفسج لهالدرجه حراااام والله. انتي تبين هالريال
أنا حاسه فيج بس يمكن هو مو نصيبج
يمكن الله يعوضج خير منه انتي اجتهدي في هالايام
واسأل. الله العلي العظيم انه يعوضج خير عصبرج
وكمان تواصلي ويا الشيخ اللي يعالجه ولو تقدرين تأكدي. من عالشيخ ان كان ثقه
واسالي الشيخ عن حالته

**امل نبيل** · 2011-10-30, 21:46

اختي كازميه:
مشكورة ع ردج حبيبتي
و انا سألت اذا بكون آثمة اذا طلبت الطلاق و طلع الجواب لا لاني تاذيت نفسيا منه و شرعا حرام من سنتين و نص و هو مو متقرب مني أبدا حتي مسك ايد ما شي
و عندي واحد من الأهل يداوم فالمحاكم و قالي ع طول بيطلقوني منه
بس رغم كل هذا صليت استخارة و سبحان اللت بعد استخارة تيلي افكار عشان اتقرب منه و احيانا احس احد يقولي اصبري شوي و انا صابرة عشان بنتي بس و انا قلت له هالكلام
و بالنسبة للعلاج وقف نهائيا امه تقولي ما اشوف شي منه قبل ع الاقل كان يتمسح بالزيت و يقرا سورة البقرة بس الحين لا..حتي اهله ساكتين عن هالشي ع الاقل يقدرون يسوون شي لو شي بسيط مثل يشغلون قران او يشربونه ماي مقري

انا هذا الي حارق قلبي أحيانا اقول كفيه ومالي شغل فيهم و احيانا اقول مهما كان هذا ريلي و ابو بنتي

**سامبا سامبا** · 2011-10-30, 22:08

الله يعينج

**كازميه** · 2011-10-31, 13:51

والله احس انتي صابره على شو مادري اختي الاستخاره هي مو احاسيس
الاستخاره انج تسعين في الامر اللي استخرتي فيه انتي الحين لازم تسوين اجراءات الطلاق وطالبين بحقوقج كلها واذا في الطلاق خير. اعلمي علم اليقين ان الله سبحانه وتعالى بيتمم الامر وبيسره ويسهله على طول
اما اذا كان الطلاق ما فيه خير الله بيعسر الامر وبيصرفج عن الطلاق بشي ما او بيمنع هالطلاق
اللي انتي تحسين فيه هذا هوى نفس والنفس ما تعرف وين الخير لها ابد
اختي انتي اجلسي مع اهلج كلهم اجمعيهم. وتشاوروا كلكم في امر الطلاق وخلي كل واحد يدلي برأيه هذي هي المشوره وبعدين الوالد بعد ما يستمع لآراءكم يقرر اللي يشوف فيه الخير
بعد ما تكونين مستمره بالاستخاره
هذي هي المشوره الله امر الرسول يشاور اصحابه في بعض الامور اللي كانت تهم المؤمنين
مع ان الحكم لله الله قال وشاورهم في الامر. وقال وأمركم شورى بينكم والشورى فيها خير كبيييير
والاستخارة هي انج تستعينين بالله في امرج ليدلج الطريق الصحيح
اختي نحن ابد ابد ما نعرف وين الخير. يمكن نشوف الخير في امر وهو شر
انتي ما قصرتي وصبرتي كثير وسويتي اللي عليج وزياده
لا تضغطين على نفسج وااااايد انتي تضربن نفسج وبنتج. واهلج ويمكن تضرينه هو بعد
اذا اصطح ويرجع لج بإذن الله او يعوضج الله خير منه
أنا مو قصدي أني افرق بينج وبين ريلج بس احس انتي تركضين ورأ سراب

**امل نبيل** · 2011-10-31, 17:23

صح كلامج اختي و احيانا احس أني فعلا اركض ورا السراب
بس جم مرة قعدت مع اهلي و خصوصا ابوي و دوم يقولي اصبري و اقوله لين متي يقولي ما عليه اصبري شوي "ابوي احيانا ما يقولي كل شي و هذا الي أخاف منه" و هو متواصل مع اهله و يقولون له نفس الكلام أني اصبر و خصوصا لما ريلي قالهم يبي ينتقل بشقة يديدة

**حرمه يديده** · 2011-10-31, 17:31

الله يهديه يا رب و يصلح امبينكم ..

الموضوع: مشكلتي تعقدت اكثر

أدوات الموضوع

عرض

المواضيع المتشابهه

مشكلتي تعقدت اكثر (( 2))

مشكلتي ~ أظافري ~ تعقدت !!

عـــروض الصيف ،،،اشتري اكثر و احصلي على اكثر X اكثر "" مكياج من احلى الماركات """