مشكلتي تعقدت اكثر

[امل نبيل]

السلام عليكم و رحمة الله و بركاته
شخباركم؟ عساكم بخير؟ كل*عام وانتو بخير، وتقبل الله منكم صالح الاعمال..
أخواتي العزيزات هذا رابط موضوعي القديم
http://forum.uaewomen.net/showthread.php?t=973666
جزاهم الله خير الي كانوا يسألون عني، و الحين بقولكم شو صار معاي واتمني تساعدوني جزاكم الله خير

اخر مرة قلت لكم أني كلمت اهله عشان ايوون عندي، كلمتهم 3 مرات و طبعا ما شفتهم ولا حتي اعتذروا بالاتصال و خليت امي تتصل فيهم و تقولهم بس بعد ماشي فائدة و مرة كلمت اخته الكبيرة قلت لها كل شي و هي ساااكتة لانها مو عارفة شو تقول و كلمت امه و بروحها تشتكي انه ما يتكلم بالموضوع ولا يشوفونه واايد و الي عرفته انهم يخافون منه ليش؟ ما ادري
و سبحان الله كل ما ابي اصلي قيام او ادعي والله احس كأن احد يقولي اصبري و تطلعلي افكار.. المهم كلمت امه و قلت لها أني بيي عندهم و طبعا استانست و قبله بيوم جريب الساعة 2 فالليل شفت مسج من اخته تقولي انه سافر العمرة والله حسيت بالغصة و القهر عرفت انه يبي يتهرب و كلمت امه و قلت لها كيف جي يروح العمرة، الواحد قبل لا يروح بيت الله يصفي نيته و يصفي قلبه عشان عمرته تكون مقبوله حتي ع ابوي ما سلم عليه و ابوي وااايد استغرب من تصرفه فقلت حق امي أني بروح عندهم خله يولي انا بسوي الواجب و بودي بنتي وياي و بالفعل رحت و تكلمت و سويت الي علي و رد من العمرة طرشت له مسج كان عادي و ما رد مثل كل مرة و اتصلت فيه و ما رد.

سكت عن الموضوع شوي و احيانا لما ابي مصروف ع طول يعطيني بس بيد اخوه هو ما ايي عشان يعطيني او حتي عالاقل يشوف بنته طرشت حق مسج اشكره عالمصروف و اقوله لا ينسي بنته تراها موجودة و بعد ما رد علي

ابوه في هالايام كان بيسوي جراحة في القلب عمليته كانت صعبة و الحمدالله كل شي مر عالخير والله يا أخواتي انا ما بمدح نفسي ولا بمدح ابوي بس والله وقفنا وياهم وقفة ما ينسونها رغم كل الي صار تمينا وياهم ابوي جزاه الله خير بيوم العملية كان وياهم و كل يومين يمر عليه و اذا ما مر يتصل عليه اقصد ع ابوه و انا كنت اروح عنده و وديت بنتي بعد و طول 10 ايام الي كان فالمستشفي ما شفت ريلي والله مرات ايي في اوقات إحنا ما نكون فيه و احيانا ما يمر ع ابوه
و اخر مرة كلمتهم كلهم و قالولي انه يدور عالشقة ثانية حقنا و انا هذا الي مستغربة منه كيف يدور عالشقة 2 و هو ما يرد علي أبدا كيف جي، قلت لهم قالوا هو جي قال انه يدور لانه مو مرتاح فالشقة الي كنا عايشين فيه يحس بضيجة و يبي يغير، قلت لهم ليش ما يقولي عالاقل اعرف شو يبي يسوي.. كل يوم افكر مليون تفكير مو عارفة شو اسوي الحين انا ساااكتة عنه ما اطرش له شي و لا اتصل فيه حتي أني لاحظت انه ما يدخل الواتس اب ما اعرف شو يفكر فيه

العيد جرب و إحنا جي حالتنا مو قادرة اسوي شي والله مو عارفة شو اسوي لما اسكت احس بركان في قلبي ابي انفجر والله تعبت ابي اكلمه خلااااص ابي افهم منه شو يبي بالضبط
حتي قلت ما بقول شي حق اخته ما بسأل عنه، و اذا عطاني المصروف ما بطرش له مسج، و اهلي الحين ساكتين و اهله يقولولي يدور عالشقة و لما نكلمه ما يرد علينا " ريلي جي طبعه وااااايد كتوم"

أخواتي الله يخليكم قولولي فهموني شو قصده من هذا كله انا مو قادرة افكر و الي عندها طريقة عشان اكلمه او اي شي*
بليييييز ساعدوني شو لازم اسوي*
الي تقولي اصبري والله أني صابرة و صليت استخارة و كل مرة احس أحد يقولي اصبري و الحمدالله متقربة وااايد من الله الحمدالله*
ساعدوني الله يخليكم

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[**أم غزلان**]

الله يصبرج

[A+k]

ريلج وين ساكن روحي له لئن عنده وشلي بنتج معاج
يمكن لو شاف بنته يحن قلبه شۆي

[ام شما11]

الله يصبرج ويهون عليج

[امل نبيل]

ريلي ساكن في عيمان
و كيف اروح عنده اذا هو هان عليه شهرين و نص ما يشوف بنته ولا حتي كلف يسمع صوتها؟؟ و حتي لما رحت بيت اهله ما كلف ع نفسه يسأل امه كيف بنته و كيف صار شكلها حتي؟؟

[امونه ^^]

انت خلج طبيعيه و عاديه
ليش تحرقين اعصابج .. ترا في نوع من الرياييل يحبون الحرمة الي تم ساكته
وتلبسسهم خلاف هم يدورونها,,
والي فيه الخير ان شاء الله بيصير

[زوجة زوجها]

امل حبيبتي ريلج مو بمزااجه مافي اب ما يحن لضنااه

ريلج يباله شيخ و واضبي علييييه و افتحي البقره في بيتكم كل يوم

روحي عند اكثر من شيخ

يقولون في شيخ في عجمان

[رؤوس الجبال]

امل حبيبتي ريلج مو بمزااجه مافي اب ما يحن لضنااه

ريلج يباله شيخ و واضبي علييييه و افتحي البقره في بيتكم كل يوم

روحي عند اكثر من شيخ

يقولون في شيخ في عجمان

انا معاها بهالكلام وربي يسخره لج

[جيجان123]

عليك بالبقره يوميا

[3yoon 3lya]

ابصراحه موضوعه يحير !! انتي لا تضغطين عليه واايد يعني خليه ع راحته يمكن هو يرجع يتصل بج ولا اطرشين له

مسجات يمكن تهدا الاوضاع ،، بس انتي ما تقولين انه مسحور !! هو تعالج او لا ؟؟ بس ابصراحه وايد طول ع هالحاله

ربي يعينج كثري دووم من الاستغفاار واقراي سورة البقرة وادعيله بصلاتج اللي الله كاتبنه بصير ولا تسالين اهله عنه

ولا شي ما دام قال حق اهله يدور شقة حق كم خلاص انتي اتريي عليه ،، الله يصبرج يارب

[امل نبيل]

بالنسبة حق العلاج ما صار اي شي قبل ع الاقل كان يسوي بس الحين أبدا امه تقول كله يطلع برع البيت و ما يسوي شي حق علاجه حتي اهله الله يهديهم ساكتين عنه و مخلينه ع راحته..و انا حصلت مطوع عشان نروح عنده بس هو ما يرد علي عشان اقوله و قلت حق اهله بس كلام عالفاضي بس فعل ماشي
و عنده اخر مطوع يعرف بس ما ادري ليش جي ساكتين

[3yoon 3lya]

عيل كيف بيرجع لحالته الطبيعيه ما دام هم ساكتين وهو مب مهتم ف عمره،مستغربه منهم والله !! عالاقل خلي ابوج يكلم خاله او عمه عشان يروح يتعالج لازم يستمر

شوفي انتي رمسي الوالد يكلم حد من اهله رياييل يعني ،او حتى اخو ريلج رمسوه عسب يرمس اخوه لانه حرام يتم جيه
محد مضرر فالموضوع غيرج ..

[3yoon 3lya]

الغاالية جربي خلي حد يدخل ف موضوعج عالاقل انتي تقولين حصلتي امطوع مثل ما قلت لج فوق خلي الوالد يرمس حد من اهله الرياييل ايبونه عسب يتعالج ،، شوفي انا احط احتمالين والعلم عند الله سبحانه يمكن هو مسحور او عنده
حاله نفسية تخليه يتصرف هالتصرف وشوفي هل هو محافظ على صلواته ؟؟ انتي اتقولين بداية الزواج كان كل شي اوكي وبعدين اعتفس الحال ؟؟ علامات السحر اتراه هي اتبين فالشخص انتي كنتي اتلاحظين هالشي فيه

[امل نبيل]

والله ابوي مو مقصر معاهم يكلم اخوه العود و اخوه الثاني بس القي كلام والله ما شفت شي، و انا بعد اكلم مع امه و اخواته بعد بس كلام
و دوم يردون علي انهم يكلمونه بس هو ما يرد عليهم ولا يكلمهم... ما دام الغلط فيهم بس انا صابرة و اقول ما عليه مهما كان هذا ريلي
بس تعبت والله من كل شي

[امل نبيل]

اختي والله تصرفاته أبدا مو طبيعية من بعد ولادة بنتي و هو جي و انا ما احس ريلي الي جدامي احس مثل جماد لا مشاعر ولا احاسيس وايد مستغربة منه لما قرا عليه الشيخ قالي ريلج فيه مس من ٦ سنين
و كنت اتابع وياه بالعلاج بس أبدا ما كان يشتكي من شي انا اسمع الانسان الي مسحور لما يتعالج يبين عليه اشيا بس انت ما شفت و لما كنت أسأله يقولي مافي شي ما يحس بشي عشان جي قلت نروح حق مطوع ثاني حتي انه راح العمرة مرتين و انا ككلمة اهله يسوون شي حقه بس بدون فائدة والله كلامي يروح عالفاضي