ولدي و البامبرز

**بسمة فجر** · 2011-10-29, 18:01

السلام عليكم حبوبات
موضوعي باين من عنوانه
أنا هالفترة أعلم ولدي على ترك البامبرز عمره سنتين و سبع شهور
الحمد الله خطينا خطوات كبيرة و لله الحمد
بس في مشكلة وحدة مب قادرين نتغلب عليها
ولدي إلذا يبى يسوي كاكا يقول و أوديه الحمام بس ما يقدر يسوي ما أدري ليش يتم يحاول بس ما يقدر
لازم ألبسه البامبرز و عقب يسوي
تعبت من هالموضوع
أهل الخبرة عطوني خبرتكم
شو الحل

المزيد من آخر المواضيع من نفس القسم:

**بسمة فجر** · 2011-10-29, 19:25

وينكم يا أمهات
أفيدوني هذا أول ولد عندي
فيث انتظار حلولكم

**ام شما11** · 2011-10-29, 22:36

مـع المحاولات بدون بامبرز بيتعود
طولي بالج عليه

وان شاءلله بيتعود مع الأيام

**white-flower** · 2011-10-30, 18:04

هلا اختي .. اعتقد انه السالفة مطولة لانح اشوي اتاخرتي عليه يعني كان المفروض اتعلمينه وهو اصغر اشوي من يكمل سنة ونص .. لانه البيبي كل ما يكبر يتعلق بالبامبرز اكثر ويتعود عليه وايكون أسهل حقه من الحمام..
الحين لازم اتفهمينه انه خلاص ماشي بامبرز ولازم ايروح الحمام .. غلط انج اتردين اتلبسينه البامبرز.. حتى لو تقعدين ساعتين بالحمام لين ايخلص أو كل اشوي اتودينه الحمام
واذا اتخافين يسويها على نفسه .. بتلاقين عند مذركير اندروير قطن بس مبطن من داخل بنايلون .. والسالفة فديتج يبالها صبر لين يتعود..

**راضية بالقضاء** · 2011-10-30, 22:12

والله يا اختي انا مشكلتي اصعب ... انا ولدي عمره 3 ونص ومو طايع يخبرني ما يحب يسويها الا بالبامبرز
والله اني تعبت ومو عارفة شو اسوي معاه

**::So CuTe::** · 2011-10-30, 23:09

تمي ميلستنه على الدبليو سي ووطولي بالج عليه وآخر شي بيتعلم

^__^

**الوردة الجورية** · 2011-10-31, 08:18

خليه يطول واصبري عليه حتى لو كمل عشر دقايق عادي
اصبري عليه
اذا قال بامبرز قولي له ماشي بامبرز خلص
وممنووووووووووووع البامبرز طول اليوم والمساء
مسموح بس بعد مايروح الحمام قبل النوم والصبح اول مايقوم على طول الحمام
يعني البامبرز بالليل بس احتياط مب عشان يتبول فيه خاصة الصبح

**نادية ال علي** · 2011-10-31, 08:55

طــولـــي بـــالـــج عليـــه الغـــلا
يبـــالـــه وقـــت

**βĔŇt ûǻĘ** · 2011-10-31, 08:55

فوووووووووووق

**أم كنه** · 2011-10-31, 11:34

اختي انا مانفع ويا بنتي غير يوم الدكتورة كلمتها انه عيب ولازم نروح الحمام ونخبر ماما ومانسوي في ثيابنا وانتي كبيرة وعمرها من عمر ولدج

شوفي انا مريت بهالتجربه واذكر العودة يخاف الياهل منها مايعرف كيف يطلعها فكنت اقولها ماما سهل بوش بوش واسوي حركات جدامها عشان تحس بامان فجربت احط فازلين من ورا وقلتلها ماما بيساعدج الفازلين ومن بعدها كانت اول محاوله وشو استانست هي فرحت ومن بعدها ولله الحمدلله كانت الامور طيبه جربي هالشي وان شالله تدعيلي

**ام حلا 1** · 2011-10-31, 17:17

الله يعينج صراحة

**بسمة فجر** · 2011-11-01, 18:44

مشكورات حبوبات كل اللي ردو علي
الحمد الله بدأ يسوي في الحمام
بس بعد معاناه تصل إلى يومين
بس الحمد الله في تطور
إن شاء الله يستمر التطور و يتحول إلى وداعا بامبرز

الموضوع: ولدي و البامبرز

أدوات الموضوع

عرض

ولدي و البامبرز

المزيد من آخر المواضيع من نفس القسم:

المواضيع المتشابهه

البامبرز

ولدي و البامبرز ..

البامبرز

ممكن طريقه .. أخلي ولدي بدون حفاظ ( البامبرز)

كيف أعق البامبرز عن بنتي