ماشي إسلوب!

**حرم النقبي** · 2011-10-28, 16:45

الله كريم شو بنقول بس غير الله يصبرلنا عليهم وفي النهايه مانبى غيرهم على كل اللي يسونه..ربي يحفظ شبابنا وشوابنا وامهتنا وشباتنا من كل شر..

**جنون الكون** · 2011-10-28, 17:25

والعكس صحيح ^^

**قايده الغزلان** · 2011-10-28, 20:50

والله انج صادقة رياييلنا مب رومانسيين وجي لا

شوي فيهم دفاشة

بعدين اللي ريلها جنتل على قولتها والله شي طيب تحمد ربها

بس عاد معظم الردود تأيد الموضوع وانا بصراحة يوم ادخل هالقسم بالذات يضيق علي صدري واطلع

كله مشاكل والله يعين الزوجات على ازواجهم

واللي تقول ما سمعتوا من الطرفين ترا الحرمة القوية اللي هيه مسيطرة على زوجها ما بتشتكي منو اللي بيشتكي اللي صايحة منه الويل ومب عارفة كيف تتصرف

**رغم حزني** · 2011-10-28, 21:30

عاد اخوي يالله بس ماشى سلوب وكل يوم ظراابه معاه سواء
انا ولا حرمته

**Ana Uniqe** · 2011-10-29, 16:17

صدق الي قالت حقيقتهم تطلع مع حريمهم نحن شو ذنبنا نعاني ):

**المياسه 2** · 2011-10-29, 16:54

اهم شي يكون الاحترام بين الزوجين
ممكن يصير زعل او نقاش بس بدون ما ينزل اي طرف من قدر الثاني
لانه في النهايه بيرجعون عاديين ويا بعض
بس على ادناة الدون بيذكرون الالفاظ اللي تبعدهم عن بعض لو كانت قويه
دايما الانسان يتعوذ من ابليس عشان ما يهدم حياته
ولو اي حرمه فهمت ريلها انهم ممكن يتعرضون ل عاصفه فالمفروض تكون عاصفه بارده بدون اتربه

وحتى ما توصل هالعواصف لهدم البيوت

وانا في رايي انه مب كل الرييل فيهم دفاشه او ما عندهم اسلوب
لا تنسون ضغوطات الحياه احيانا تأثر

اما لو رمسنا عن الاخوان اذا تغير الاخو فجأه من جنتل لين دفاشه لو معرس احس السبب الازمات اللي يتعرض لها ويا حرمته ولو مب معرس يكون ربعه السبب

ما ادري شو مفهوم انه يكون جنتل على رمستكم
؟؟

**مثلي قليل** · 2011-10-29, 17:40

صااااااادقه دفاشه حتى مع أهلهم وجافين
ونبل حلوجنا لو نشوف أفلام تركة ومدبلجه لأن مايصير عانا حتى مايعرف الرومنسية لو تصكين عليه دار بروحه وتقوليله أخذ راحتك وتصرف برومنسية وذرابه ومحد بيشوفك.... مايعرف

**مـــــريم** · 2011-10-29, 21:07

المشاركة الأصلية كتبت بواسطة Perfetto

التربيه تلعب دور كبير ..

ريال من وهو ياهل .. وهله مربينه ع الشده .. وتحمل المسؤوليه !
وميالس الرياييل والشيبان في يمعاتهم .. ولا مجابل الحلال في العزب ..
ويافلان خلك ثقيل تراك ريال .. ومن هالأمور ..

لازم من يعرسون .. مب متعودين على هالأمور فتحصلين منهم جفاف في البدايه ..
ومن عقبه الوضع يصير عادي .. !

شيء منهم العكس .. هلهم راصين عليهم من البدايه ..
ومن يعرسون .. تحسينهم شرات اليهال .. يحبون يلعبون .. طفوليين بإسلوبهم ..
تحصلينه بيعيش طفولته ويا مرته .. لأنه جدام هله إلي كان يبونه يكون ثقيل ما عاش هالشيء ..
وكله يا من التربيه الأوليه إلي هم شبوا عليها !

ومب كل وحده قالت عن ريلها .. تراه جذا وجذا .. نحكم ع الكل !
وياكثرهن الحريم إلي الإنوثه في صوب وهن في صوب ..
وأرمس من واقع أشوفه !! .. أبسط كلمه وهي ( تخسي ) !!
مستغربه كيف الحرمه تقولها ؟!!! .. لكن البعض عندهن هالكلمه ع لسانهن دوم ..
بالله عليج الريال من يسمع مرته بهالإسلوب !! .. شو بيقول ؟!
الشين موجود .. فينا وفيهم .. والزين موجود ولله الحمد فينا وفيهم ..

التناقض يجذب .. الريال بدفاشته والحرمه بإنوثتها .. أشوفه شيء جميل ! =)
وفيهم الخير والبركه شباب الامارات بحول الله ..

لاهنتي ..

**قنيصة شوا&ـين** · 2011-10-30, 02:16

المشاركة الأصلية كتبت بواسطة جواهر الصحراء

بالعكس انا ما اجوفهم جيه ، ماشاء الله عليهم ذربين وجنتلز ههههههههه

انا اتكلم عن شباب راك بحكم شغلي وصار بينا بعد اجتماعات مع شباب في امارات ثانية وبعد والنعم فيهم ، ماشا ءالله عليهم ذووق واخلاق

شكلج مثل ما قالت الاخت اللي قبلي معصبه وحطيتي حرتج فيهم ههههههه

ههههه طبيعة الدوام تجبرهم يتكلمون بكل هداوة
ههه تلقينهم برع ويا ربعهم وحريمهم دفاشة ..
اذا كانو يكلمون هصيييع بتشوفين كلامهم ما في احلى عنه عشان يقردنوهن .. هههههه
ما عليييج منهم
..
بس هذا ما يعني انه ما في شباب زينين ..
مثل البنات في منهم دفاشة وفي منهن هاديات ..إلخ ..
وأنا اشوف الحرمة بعد تلعب دووور هي عليها اترخي أعصاب زوجها بكلامها واتحاول اتخليه ما يكبر المسائل وهي صغيرة وما يعصب على كل شي ...
...
والحمدلله على كل حال

**فنون الحب** · 2011-10-30, 08:36

الدفاشة تظهر ويا حريمهم وخواتهم

لكن جوفيهم مع حريم وبنات برع قمة في الذرابة !

**بدر النساء** · 2011-10-30, 12:08

يعتمد على اسسلوب الطرف الثاني....... عامل كما تعامل ههههه

يمكن حرمته همجية وماعندها اسلوب..... بالتالي ينعكس الاسلوب عليه

**شهد الظاهري** · 2011-10-30, 12:14

بـ ـإالعكس ـأاشوفهم ـأاغلبيتهم ذربين ورآاعين موآاقف بعد .. ( رآاي )
لـآاهنتي .. ))

الموضوع: ماشي إسلوب!

أدوات الموضوع

عرض

المواضيع المتشابهه

ماشي جحال .. ماشي شباصه ملونه .... ماشي جاكيت ملون

ماشي صور

ربط تسليم شهادات نتائج الامتحانات باسترداد الكتب المدرسيةيعني اذا ماشي كتب ماشي شهاده