بجر ومحتارة

**بلبولة سلومي** · 2011-10-24, 18:26

السلام عليكم ورحمة الله وبركاته
مرحبا خواتي العزيزات

ما بطول عليكن بدخل ف الموضوع ع طول ...

أنا حامل وبجر والحمدلله وما عندي خلفية وايد ف هالموضوع فبغيت أسألكن جمن سؤال ..

سؤالي الأول : في بنات يقولن عن كريم خاص ف حلمة الصدر نستخدمه أثناء الحمل شو شغلته هالكريم بالضبط شو يسوي وهل هو مفيد ولا ضار وشو اسمه ومن وين أحصله ؟؟؟

سؤالي الثاني : أنا ألحين بعد اسبوعين بدش فالسادس والدكتورة الي أراجع عندها تعطيني بس حبوب اسمهم folicron كرتونه لونه أصفر وأحمر ... يعني بس هاذا بتعطيني اياه ماشي حبوب ثانيه مثل فيتامينات أو كالسيوم أخاف ينقصني شي وايد أفكر فالهشي ؟؟؟

سؤالي الثالث : أقدر أصبغ شعري ف نهاية الثامن ولا ؟

سؤالي الرابع : بليييز بليييز الي تعرف حرمة اتييني البيت عشان أفصل عندها حق النفاس بليز اطرشلي رقمها .. أنا من العين .. بس بنات أباها أسعارها رخيصة لنه مادية ريلي وايد وايد ضعيفة ماباها غالية فديتكن ساعدني ؟؟؟

الله يرزقكن الجنة ويريح بالكن

المزيد من آخر المواضيع من نفس القسم:

**ابداااع للتصميم** · 2011-10-24, 18:32

لللللللللللللللللللللللرفع

**بلبولة سلومي** · 2011-10-24, 19:09

رفع
رفع

**بنوتة طلال~** · 2011-10-24, 19:13

حبيبتي أنا أستخدم زبدة الكاكاو للبطن والصدر
وايد بتحصلينها وبعضهم يستخدمون زبدة الشيا فديتج
الكاكاو بتحصلينها فالجمعيات الكبير تقريبا ب 26 درهم جيه..

بخصوص الحبوب طلبي من الدكتورة كالسيوم خاصة لو كنت مقصرة
فالحليب يعني لو ما تشربي حليب طلبيه بتعطيج أو بتنصحج فيه نفسي ><

وغير جيه بخصوص الجلابيات أنا أشوف دامج من العين
روحي الشارع العام صوب عابد والظاهري والمخزن للأقمشة وخذي قطع
هادية وخفاف بتحصلينهم رخاص إن شاءالله وفصليهن تانتيل وشغل خفيف بما
إن مادية ريلج ضعيفه حبيبتي ما بيكلفج وايد
بس بعد العيد روحي لأن أحين مغليين أسعارهم
وربي يوفقج ويتمملج على خير^^

**بخوت المريه** · 2011-10-25, 10:04

اول شي اللي اعرفه انه من الخامس تبتدين....تسوين مساج لحلمة الصدر بزيت الزيتوووون..((انا استخدم زبدة الكاكاو))

ثاني شي بالنسبه للحبوب لازم كالسيوم واللي انتي تاخذينهن ((حديد)) ولازم بعد فيتامينات....بس اسالي الدكتوووره ليش ماتعطيج
أنا ماعطتني فيتامينات لان حجم البيبي اوكي قالت مابا اعطيج عشان مايزيد وزنه واااايد

ثالث شي ....ورابع شي......ماعندي فكره ان شاء الله البنات يفيدنج

الله يسهل عليج وعلينا

**::ملاك::** · 2011-10-25, 10:18

حبوبة،، الكريم عشان ما اييج تشققات يوم ترضعين ،،

بالنسبة للفيتامينات،، الدكتورة تعطيج اللي تشوفه يناسبج على حسب فحوصاتج

بالنسبة للصبغ سألي الدكتورة،،

وعن الجلابيات،، مممم شيء جاهزات بس مادل مكان في العين

**بلبولة سلومي** · 2011-10-26, 19:01

مشكورات فديتكن ماقصرتن والله
بس توقعت مساعدات اكثر

**عمة الزين** · 2011-10-26, 20:35

مرحبا عيوني

أنا من الشهر الرابع بديت اسوي مساج بزيت الزيتون للصدر و البطن والأرداف لان هالمناطق هي اللي معرضه للتشققات واهم شي ادوامين عليها لين مالله يسهل عليج وتولدين

وعالحبوب اللي تاخذينهن اهم شي الفيتامينات و احسن بعد لو تاخذين معاهن حبوب الكالسيوم لان جسمج يحتاج له وايد هالفتره وفوق هالحبوب بعد أخذ حبوب زيت السمك وايد مفيدات ونصحتني بهن الدكتوره

وهذا اللي اعرفه فديتج سمحيلي ماجاوبتج ع الباقي

**fashions** · 2011-10-27, 04:14

افضل كريم لصدر زيت الزيتووووووووووون واطحني حبه سوداء ملعقه كبيره وحطيها بوسط علبة زيت الزيتون ودهني فيها .. ثاني شي على حسب حالتك تعطيك الدكتوره اهم شي تستمري على الفيتامينات واسألي الدكتوره عن حبوب الكالسيوم لانها زينه يصرفونها باواخر الشهور هي والحديد .. ولاتنسي يوميا مو اقل من 3 اكواب حليب او لبن او زبادي عشان الكالسيوم
ثالث شي
بالنسبه لي صبغت بنهاية الشهر التاسع .. لكن الأفضل ماتصبغين تركها افضل..
رابع شي
في بنات واااااااااايد بالمنتدى يفصلون وشغلهم حلو ومميز شوفيلك حد منهم ..خلصي تجهيزاتك من بدري افضل عسب ترتاحين .
الله يهون عليك يارب ويسهلها وتشوفي البيبي بأحسن صوره اللهم آآآآمين .
دعواتك لي

الموضوع: بجر ومحتارة

أدوات الموضوع

عرض

بجر ومحتارة

المزيد من آخر المواضيع من نفس القسم:

المواضيع المتشابهه

عروس ومحتارة !!!!!!!

ابي افصل ومحتارة

عرسي جرب .. ومحتارة ..

ابا اخذ لاب توب يديد ومحتارة

عرسي قرب ومحتارة