افكار لانشطة الحروف اشياء بسيطة للكيجي :) متجدد

**ilqa6wa** · 2011-10-24, 15:54

موضوع متجدد

مرحبا خواتي

بما اني كنت اسوي لبناتي وفي الغالب احتار وادور في كل مكان

عن افكار فتذكرت هالاسبوع وانا اسوي لبنوتاتي الله يحفظهن

شي يرمز للحروف اللي لهالاسبوع

فقلت انا عمري مانزلت مواضيع في هالقسم خل اصورهن واحطهن يمكن غيري يستفيد

و ان شاءالله كل مالقيت مجال بحاول انزل حسب المتوفر

طبعا الحروف اللي سويتهن هالاسبوع حرف الثاء والجيم

نبدأ بحرف الثاء

ث ثوب

يبت قطعة وقصيتها على شكل كندورة بسيطة

وهي مجلوبة خطتها بخيط وابرة

بس على الطرفين وسويت لها فتحة من فوق

عدلتها وكويتها شوي

جسفت الطرف السفلي على داخل بالكواية

بعد خيطته بابرة وخيط

يبت الباربكيو ستك
وخشيته داخل الكندوره ولصفته بمسدس الشمع

وهذي النتيجة

أما الجزر فسويته بالورق الملون ولصقته بمسدس الشمع
مثل ماباين في الصورة

وهذي النتيجة النهائية

المزيد من آخر المواضيع من نفس القسم:

**ابداعه تايم** · 2011-10-24, 18:44

يسلووووووووووو

**أم كنه** · 2011-10-25, 07:53

ماشالله عليج افكارج حلوه

حق اي مدرسة !!!

ياريت عاد يقدرون تعب الام والنشاط اللي يطرشونه اليهال

نتريا باقي الاحرف

**@مبدعه@** · 2011-10-25, 08:02

شغل حلو ومرتب

**سويدية 83** · 2011-10-25, 08:06

بالتوفيق ,,

**شيخه29** · 2011-10-25, 08:08

اللهّم اغننا بحلالك عن حرامك ،

وبطاعتك عن معصيتك ، وبفضلك عمن سواك ،

اللهّم لا تكلنا إلى أنفسنا طرفة عين ،

اللهّـــم آميـــن .

**ilqa6wa** · 2011-10-25, 08:14

مشكورين هذا من ذوقكم

ام كنه لروضة الزايدية في العين

خسارة وايد سوالف كنت اسويها واطرشها بس ماكنت اصور

بس بشكل عام احب اذا سويت مجسم او اي شي يكون حجمه صغير

البنات يستانسن على هالسوالف سواء للحروف او الارقام الاشكال الهندسية والألوان بعد

**ilqa6wa** · 2011-10-27, 21:36

اللهّم اغننا بحلالك عن حرامك ،

وبطاعتك عن معصيتك ، وبفضلك عمن سواك ،

اللهّم لا تكلنا إلى أنفسنا طرفة عين ،

اللهّـــم آميـــن .

**mero_rose** · 2011-10-27, 22:10

الله يعطيكى العافية
و يباركلك فى بنوتك

**شانيل82** · 2011-10-27, 22:21

ما شاء الله حلو
ابدعتي
بارك الله فيج

**حورية فوشية** · 2011-10-30, 00:28

ما شاء الله عليج

ابداااااااع

راوينا ابداعاتج في حرف الخاء واللي بعده

حتى لو بالكلام بس

ما شا الله عندج افكار حلوة

**sunlight1** · 2011-10-30, 08:56

ما شاء الله عليج انا ولدي اخذ نفس الكلمات بسويله هذي الفكره تسلمين حبوبه

**ilqa6wa** · 2011-10-30, 08:59

العفو خواتي شرفني وجودكم ومروركم على موضوعي

حرف الحاء اصلا المدرسة طالبين فعاليات للحج والصلاة

وان شاءالله لي عودة ويا الصور

وحرف الخاء عندي كم فكرة برجع ويا الافكار بعد شوي

**أم شيخوو123** · 2011-10-30, 09:29

رووووووووعه......

**::So CuTe::** · 2011-10-30, 09:35

وايد روعه الصراحه ^^ ماشاءالله عليج وايد متعبله

مجهود مميز منج وأكيد البنوته تستانس فيهم وايد جدام مدستها وربعها ^^

الموضوع: افكار لانشطة الحروف اشياء بسيطة للكيجي :) متجدد

أدوات الموضوع

عرض