مدرسة الإبداع العلمي SCS

[قلبي الصغير]

السلام عليكم

الغاليات بغيت اعرف منو مدخل عياله مدرسة الابداع العلمي الي فالشارجه؟؟؟
واايد اقرا عنها وعن مناهجها بس لين الحين ما حصلت حد دخل عياله فيها؟؟!!

انا ناويه ادخل بنتي الصغيره انشاءالله حضانه او روضه اذا عندهم فهل هي ممتازه فالتاسيس؟؟

اتمنى احصل رد منكم

المزيد من آخر المواضيع من نفس القسم:

• أسباب خوف الأطفال من المدرسة
• اسباب خوف الطفل من المدرسة
• سلبيات التحذيرات الزائدة في المدرسة على طفلك
• علامات جديدة على إصابة الأطفال بكورونا
• التعلم عن بعد تحديات وحلول
• خطوات لتعليم طفلك تحمل المسؤولية
• نصائح لتجنب الأساليب الخاطئة في تربية الاطفال
• خطوات لتحضير حقيبة المدرسة للأطفال
• علاج خوف الأطفال من المدرسة
• اسباب قلة تركيز الاطفال في الامتحانات

[ليمونه1313]

ما اعرف عنها .... انا مدخله عيالي في المدرسه الي عدالها ....بس سمعت انها زينه
والله اعلم... احسن اتسيرين و تجوفين...

[حـ الإمارات ـلا]

السموووحة ما أدري عنهـا شي
وإن شاء الله خواتي ما بيقصرن..



.. حـ الإمارات ـلا ..

[قصة حنين]

مرحبا اختي دخليها ونتي مطمنه والله عندهم اهتمام في الياهل ماتتصورينه ولد اختي كان العام كي جي 1 ماشالله لغته الانجليزيه كيف ووايد مهتمين بالقران عسب صاحبها صلاح بوخاطر ومدرساتهم معاهم طول القت والمساعده والفراشه بس ماعتقد فيه تسجيل للحين عشان الاقبال عليها من كل الجنسيات اتمنى اكون فدتج

[قلبي الصغير]

مشكورين حـ الإمارات ـلا و ليمونه1313 ماتقصرووون

والغاليه قصة حنين......مشكووره حبيبتي على المعلومه انا ناويه اسجلها عالكورس ال2 والي مشجعني في هاي المدرسه اهتمامهم من الناحيه الاسلاميه والانجليزيه مع بعض...
مشكووره مره 2 الغاليه

[moon2000]

انا سمعت زينة

[قصة حنين]

افا عليج اختي تامرين امر وانا لو عدالنا جان ماترددت اسجل ولدي فيها بس بعيدة عنا شورايكم في مدرسة الرسالة العلمية اللي في الشارجة؟؟؟؟؟!!!!!

[Umm Humaid]

دخليها الغالية وانتي مطمنة .... أنا ولدي العام كان KG1 والسنه هاي بيكمل ال KG2 عندهم بعد ..

أنا وايد مرتاحة من المدرسة وأسلوبهم في التدريس واايد حلو .... يركزون على الانجليزي مثل ما يركزون على العربي ... وما شاء الله الياهل يطلع وهو يتكلم انجليزي بطلاق ... وحافظله أكثر من 10 سور قرآنية ... هذا في kg1 بس ... اتمنى اني افدتج ... واذا بغيتي شي ثاني لا تترددين ....