ممكن ترجمة بالاندونيسية

**صدى احاسيسي** · 2011-10-14, 20:02

السلام عليكم

خواتي الغاليات من فترة يبت خدامة اندونيسية يديدة .. مشتغلة سنتين قبل عند ناس في شقة..
مع العلم اشترطت عليها في المكتب انه ما تطلب موبايل خاص.. وتستخدم موبايل البيت اللي يستخدمونه عيالي ..

واول ما يبتها ما طاعت تشتغل اونه البيت عود..اتصلت المكتب رمسوها...

وبعد ما يت بثلاث او اربع ايام حطيت موبايل البيت عندها عسب اتواصل معاها الظهر يوم ترد بنتي من الروضة.. اشوف الموبايل على طول معاها .. سكت عنها.. وتقول خلاص بيلس عندكم..

مرة العيال طلبوا الموبايل عسب يتصلون طول اليوم تمت مبوزة.. شيكت عالارقام مسيفة اربع ارقام دو واتصالات .. وثلاث ارقام اندونيسيا.. وريلها مطرشلها مسجات.. كتبت المسجات عندي.. وخليت الموبايل في الليل في غرفة العيال..

اليوم الثاني الظهر رديت من الدوام اشوف الموبايل في مكانه بس ماسحة الارقام والمسجات ..

بس السبب اللي يخليني ما اعطيها الموبايل.. ما احب تتواصل مع بشاكير انا ما اعرفهم.. يعني هالاربع ارقام اللي مسفيتنهم ما اعرفهم.. من غير المشاكل الثانية اللي تي من ورا الموبايلات..

ياها اتصال من اندونيسيا عطيتها الموبايل وخلته عندها في الحجرة قلت حق عيالي خلاص ما نبي مشاكل.. استخدموا تيلفوني.. لين اخذ تيلفون يديد..

المهم هالرسايل ممكن تترجمونها واكون شاكرة لكم.. ما ابي الترجمة بالحرف بس بشكل عام..
يعني اذا مبين انها مرتاحة عندنا ولا لأ.. تبي تيلس ولا تغير البيت..

1

vi aang krm ning mas anjat aj wra2 ning ortuy,bkt ma2 nywoti mas anjat d grani dnggo sng ora kruan,ngrtia ning posi2 aang pien Imon sra sblke ning posi2 aang

2
Lg tduran aa sndri lg ngpain sendri lg ngpain eneng jp kangen. klo aa mu ngble jam 3/2 mlmd situ

المزيد من آخر المواضيع من نفس القسم:

**نينوتي حياتي** · 2011-10-14, 23:34

يرفع يرفع

**ميجا** · 2011-10-15, 11:03

الغاليه ممكن ادشين من جوجل وتكتبين ترجمة من الانونيسيه الئ العربيه وبيفتحلج موقع اترجمين فيه كل الكلام ماعليج الا تحطين النص ق المكان للمخصص وتضغطين ترجمة
وفالج طيبب بجرب اترجملج اول رساله

**قلوووووب** · 2011-10-16, 20:57

جوجل ما يترجم هالرسايل لانها مكتوبة بلهجتهم العامية مب الفصيحة

**om dana2012** · 2011-10-18, 12:07

بالتوفيق اختي

**shama123** · 2011-10-20, 13:26

رفــــــــــــــــــع

**وردة دبي!** · 2011-10-20, 13:40

الغاليه اذا هاي اولها
ينعاف تاليها
لو اتردينها احسن
او اتبيعينها على اي مكتب
وهاتي غيرها احسنلج
لان هاي شكلها قويه
،، هالموضوع كله اللي اتقولينه كأنج اتعيدين شريط حياتي ويى خدامتي
خليتها وسكت عنها طلع مب امخليه ريال مب متعرفه عليه
والله انصحج نصيحه لوجهه الله ، اذا هاي بدايتها تراها ماتنفع
اختي الغاليه صلي فيها الاستخاره وروحج اصلا بتحسين من صوبها بكره.

**ألماسه2009** · 2011-10-23, 23:53

للرفع

**صحن سلطة** · 2011-10-30, 09:01

للرفع

**بزنس وومن1** · 2011-10-31, 11:48

للرفع

**ام مهره99** · 2011-10-31, 22:00

عزيزتي خليت خدامتي العزيزه أترجم لج المسج وهي تقراه تضحك أقولها شو مكتوب اتقولي ليش منو كاتب هالكلام وفهمتها السالفه قالت هذا كاتب انه هو ينام بروحه وهي تنام بروحها يعني كل حد فيهم ينام بعيد عن الثاني وانه وإحشتنه وبس مافي اي شي يخوف وقالت لي انه واحد من الموجات مكتوب بلهجت اهل المنطقه والثاني بالعامي بس نفس المعنىى يحليه يغازل حرمته لاتحرمينها من سماع صوت بعلها وهاي كل السالفه وريحي بالج *

**صدى احاسيسي** · 2012-01-21, 14:38

المشاركة الأصلية كتبت بواسطة ام مهره99

عزيزتي خليت خدامتي العزيزه أترجم لج المسج وهي تقراه تضحك أقولها شو مكتوب اتقولي ليش منو كاتب هالكلام وفهمتها السالفه قالت هذا كاتب انه هو ينام بروحه وهي تنام بروحها يعني كل حد فيهم ينام بعيد عن الثاني وانه وإحشتنه وبس مافي اي شي يخوف وقالت لي انه واحد من الموجات مكتوب بلهجت اهل المنطقه والثاني بالعامي بس نفس المعنىى يحليه يغازل حرمته لاتحرمينها من سماع صوت بعلها وهاي كل السالفه وريحي بالج *

مشكوووورة الغالية ع الرد.. والله ريحتي بالي..
صار لي فترة طويلة ما دخلت المنتدى.. لظروف خاصة.. والحمدلله على كل حال..

الموضوع: ممكن ترجمة بالاندونيسية

أدوات الموضوع

عرض

ممكن ترجمة بالاندونيسية

المزيد من آخر المواضيع من نفس القسم:

المواضيع المتشابهه

ممكن ترجمة :)

ممكن ترجمة هذا المسج الأندونيسي ضروري

ترجمة اندونيسي عااااجل.. بليز ترجمة حررررررفية لكل كلمة بالضبط!

وين احصل ( كتاب طبخ مترجم بالاندونيسية ) + ( يونيفرورم للخدامات ) في ابوظبي

ممكن ترجمة