شي شفته وستفزني

**ام البنــات** · 2011-10-13, 10:16

مرحبا بنات ,

بدش بالموضوع على طول امس انا كنت في المكتبه ويوم وصلت عند الكاشير احاسب كان جدامي ريال لابس بنطلون وكاب وخادمه ومعاهم بنوته يمكن عمرها 14 او 15 سنه وثلاث بنات اكبرهم 8 سنوات واصغرهم 4 سنوات المهم البنت الصغيره كانت متزلعه اتصيح تبى تشتري لعبه ويالسه تتلصق بالريال وحالتها حاله اختها الكبيره اتقولها تعالي وانا يالسه اطالع واقول في خاطري ما شاء الله ابوها عنده صبر وساكت

المهم وين الصدمه ؟؟؟؟
انه الريال طلع مب ابوهم طلع دريووووووووووووووووووووووووول لا والحبيب بعد يوم دفع مب كاش لا بالفيزا وحياتكم والله اني انصدمت قلت وين نحن؟؟؟ لي ها الدرجه نعتمد على الدريول والخادمه؟؟؟؟؟؟؟؟

انا ما اتكلم على البطاقه انا اللي قهرني انه اللي يشوفه اتقولون انه ابوها كيف يتحضنها ويحاول يرضيها ؟؟؟؟؟؟؟؟؟؟؟؟

وين الاهل معقوله انه ما عندهم وقت انه يقضون حاجات ابناءهم ؟؟؟؟؟؟؟؟؟؟؟

اوكي انقول مرات انه الام عندها ضروف والاب يشتغل في اماره ثانيه ما عليه

بس الدريول يحل مكان الاب !!!!!!!!!!!!!!!!!!!!!!!

ادري انه البعض بشوف انه الموضوع عادي وما فيه شي بس انا اتكلم من نظري انه ها الشي غلط والله غلط .

معلومه الدريول ترى مب اسيوي.

والله يهديه يا رب ويحفظ ها النبات

والسموحه منكم اذا تعبيري ما كان واضح

المزيد من آخر المواضيع من نفس القسم:

**@مبدعه@** · 2011-10-13, 16:10

اذا الدريول مب اسيوي يمكن يكون عمهم او خالهم !!!

الصراحه ما اقدر اتخيل ناس بفرون عيالهم عالدريول والبشكاره

بتيني صدمه عصبيه

**عسولة البرشا** · 2011-10-14, 12:41

والله في ناس بس يبون عيال وايفرونهم اللهم ياكافي
ماعندهم ضمير حسبي الله عليهم

**بنوتـــهـ** · 2011-10-14, 12:44

وااايد من هالامثله منتشره . .

الدريول البابا
والخدامه الماما

عادي جدا اللحين

**tmyz** · 2011-10-14, 12:49

الله المستعان === و الله صدق الواحد يتحسر على الوالدين الي ايبون عيال و هم ما يتحملون مسؤليتهم === عيل ليش اتيبونهم == زينه مثلا و لا علشان يقال انه في عائله فلانيه === صدق الله المستعان

**راعية فزعة** · 2011-10-14, 12:53

إللي يسوون جذا بعيالهم ما يستحقون نعمة العيال,,,,لا حول و لا قوة إلا بالله...

**بدر البدو** · 2011-10-14, 13:13

لا حول ولا قوة الا بالله

**أم عبـد الرحمن** · 2011-10-14, 13:30

الله المستعان

**~بنت الخليج~** · 2011-10-14, 13:32

الله المستعان

**رضآٳڪ يٳ ربٳه** · 2011-10-14, 13:54

لا حول ولا قوة الا بالله

**فدييت قلبه** · 2011-10-14, 14:11

لا حول و لا قوة إلا بالله ..

و الله حراااااااااااااااااااااااااااااام

شو من قلب عند هالأهل اللي مخلين عيالهم عند الدريول و الشغالة ؟؟!!

هذيلا أمانة و لازم يحافظون عليهم مب جيه فارينهم و لا يدرون عنهم !!

هممم و الله شفت وااااااايد من هالحالات و اللي رمت أنصحهم نصحتهم بس الردووووود اللي تيني تكون قاسية خصوصا من القرايب

ف قمت أتفرج من بعيد و قلبي يعورني .. بس أسكت

**مالتيزرس** · 2011-10-14, 14:26

No comments

**مريوم هيثم** · 2011-10-14, 14:26

لا حول ولا قوة الا بالله

**سهم الليل** · 2011-10-14, 14:34

الله يستر.. خاصة ان هناك اطفال قد تتعرض للتحرش من قبل السائق
والاهل الله يهديهم عادي ولا شاغلهم هالموضوع وماادري من وين يايبين هالثقة الزايدة !
(كلكم راع وكل راع مسؤول عن رعيته)

**lailee** · 2011-10-14, 14:44

اللهم لا تسلط علينا بذنوبنا من لا يخافك ولا يرحمنا

الموضوع: شي شفته وستفزني

أدوات الموضوع

عرض

شي شفته وستفزني

المزيد من آخر المواضيع من نفس القسم:

المواضيع المتشابهه

الريال الي شفته فالحلم نفسه شفته ع الواقع

أحد شاف الى شفته ..!!!!

والله العظيم شفته يا خواتي شفته ...صدقوني.... شفته

اه من اللي شفته!!