كل وحدة تخبرني تروح الصالون شو اتسوي؟ مع ذكر الاسم والموقع ^_^

[كشخة عرب]

السلام عليكم

طبعن الموضوع باين من عنوانة

يلا كل وحدة تخبرني تروح الصالون شو اتسووي مع ذكر الموقع والمكان ..

يعني ؟؟

الشغل اللي اتسوية :........ والسعر :...... يستحب .. عشان البنات يستفيدن .

اسم الصالون: ........

الموقع :...... يعني فاي امارة فهمتوو؟؟






انا احب اروح صالون بتافيا فالعين احس شغلهم نظيف وحلو ..
بس اسعارهم غالية ..



يلا ياحلوات نبي تفاعل

المزيد من آخر المواضيع من نفس القسم:

• نصائح لمنع شحوب البشرة في رمضان
• اهم فوائد غسول الوجه للبشرة
• فوائد زيت بذور العتب السحرية للبشرة حصري
• افضل ماسكات ماء الورد للعناية بالبشرة الدهنية
• افضل نوع سيروم للبشرة الدهنية
• روتين العناية بالشفايف
• فوائد صابونة الكركم للبشرة وطريقة استعمالها
• ابرز فوائد زبدة الشيا السحرية للبشرة حصري
• ابرز فوائد كبسولات فيتامين (E) للبشرة
• افضل ماسكات قشر البرتقال للعناية بالبشرة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[roo7]

أحب الصوالين .. لني أحب دوم أكون متعدلة و كاشخة .. أروحلها بشكل أسبوعي، أو كل اسبوعين بالنسبة للأظافر و البلو دراي اذا كنت ابا اسوي حركة بشعري
أما الصبغ و القص كل 3 شهور بحب نمو الشعر
الفيشيال و المساج متى ما حسيت عمري أحتاجلهم
و ما احب اروح لصالون معين.. كل مرة أنوع.. و اغير .. يعني اصبغ هالمرة بصالون و المرة اللي بعدها صالون ثاني و جيه ..

الشعر (قص و صبغ و رينساج و بلودراي)
زواري - رويال ميراج دبي
فرانك بروفوست امرتس مول دبي
توني اند غاي امرتس تاورز
باستيل ريتز كارلتون
جاك ديسانج كمبنسكي و برج العرب
باتشي اند لوتشي قرية البري
فيزيومينس ابوظبي
جو رعد ابوظبي
سسترز
الأسعار : ( 100 - 5000) بحسب المكان و الدريسر و الخدمة و اذا فيه برودكت اشتريه

الأظافر ( مانيكور و بديكور و مرات برافين بوليش او مينكس او كريستال ..الخ)
تيبز اند توز - دبي و ابوظبي
ان بار - بامرتس تاورز
ان ستايل نيلز سوق حميرا أو دبي مول
نيل سبا - دبي مول
باستيل قلته فوق
نيلز بأي فرع ألقاه جدامي
الأسعار : (50 - 500) درهم بحسب التريتمنت او المينكس

الوجه و الجسم (فيشيال و مساج و حمام مغربي او تركي)
تشي سبا ابوظبي
انانترا سبا صير بني ياس و قصر الامارات قصر السراب
اي سبا فندق ياس
ويلو ستريم سبا فيرمونت
السبا اللي بفندق الريتز كارلتون
أمريتا سبا فندق رافلز
أرماني سبا
ماندارا سبا و السبا اللي بأتلانتس اسمه شويكي أو ما اذكر شو اسمه
واايد فنادق رحت السبا مالها على مدى السنين بس هذا اللي تذكرتهم
(الأسعار: (150 - 3000) بحسب الخدمة و المكان .. و ساعات آخذ باكيج يطلعلي ارخص

[فن القفطان]

انا أحب اغير كلما يفتح صالون جريب اسير اجرب خدماتهم

[امل نبيل]

انا من دبي
بين فترة و فترة اروح اسوي بديكير و مانكير عند صالون "رد دور" شغلهم نظيف و خدماتهم ممتازة و حتي حق حمام كريم بعد اوكي عندهم و اسعارهم مناسبة

اما عن صبغ الشعر و قصه: اروح صالون جويل او صالون روتس أرتحت من شغلهم و اسعارهم اوكي

اما عن سشوار لازم اروح صالون نظيف و موثوق فيه

[mischocolat]

حلو الموضوع يابنات واشوفه مفيد وايد
بس ارجو الالتزام بالقوانين وعدم التشهير باي مركز او صالون اوالاساءه لاي جهه
خلوا المشاركات تكون باسلوب راقي ولبق
OK?

[غرورعبدالله]

سوالف مكياج و قص شعر عند مورا
وبصراحه ما اذكر سعر قص الشعر بس المكياج على 450

الحف والاظافر عند بيوتي كونكشن فشارع الشيخ زايد وجربت عندهم بلو دراي بصراحه حلو وايد شغلهم حبيته وفنانين وكل اسبوعين اروح عندهم احف
الاسعار معقوله , انا اخذ عدة اشيا مثلا البلو دراي على 90 , صبغ الحياة على 60 اعتقد الحف 50 او 70 شي جي

[ام شوق وعزوز]

مرحبا أنا من راس الخيمه

1- الحواجب والويه تشقير عند صالون عصمت يطلع 60
2-واكس عند صالون غدير يطلع جسم كامل بحدود ال250
3-أظافر ايفاري ب200
4-صبغه وقص كل 5شهور ريفيرا يطلع ب700لانه شعري طويل
5-مساج عند سندس ب200كل شهرين حسب المود
6-حنا صالون غدير ب400بالشهر مره
7- تشقير للجسم عند شاميه مره كل شهرين 150
8- تسريحه وميك اب صالون حلاكي ب500-800
بث*_^

[شاطرة انا]

السلام عليكم انا من العين ودوم أسير صالون غاردينيا صارلي على هاي الحالة أكثر من 3 سنوات
يسوون كل شي يخص الشعر والبشرة
خدمات الشعر أسعارها على حسب طول الشعر _صبغات-هايلايت-تمليس-كراتين
خدمات البشرة يسوون ماسكات حسب نوع البشرة _ذهب-شوكولا-عسل-لولو-الطين الاخضر
وعندهم وايد خدمات ثانية أهم شي معاملتهم وايد حلوة وترتاحين يوم تشوفين النظافة والتعقيم
سامحوني ماكد خبرتكم عن أسعارهم لنهم يسوون خصم خاص لزباينهم الجديمين

[أأم اليازيه]

السلام عليكم ورحمة الله وبركاته لو سمحتوا خواتي منو تعرف ام زايد المغربية لتكسير الدهون والمساج الي بالعين ياليت تعطيني رقمها وجزاها ربي كل خير

[مامة عملر]

موضوع ممتازز ومفيد جدا

تسلم ايديك