وين صديقاتي ‏‏!‏‏!‏‏!‏‏!‏‏!‏

**ح’ـبھ أنآني** · 2011-10-10, 07:38

انا بدش فالموضوع بدون مقدمات
انا كنت احب واحد
وابصراحه حبيته من خاطر ‏..‏ دوم اذكره
مع نفسي واذكر سوالفنا وإلي دار
بينا ‏.
ف يؤم صارت مشكله ف طرشتله مسج
قلته إن هلي عرفو اني ارمسك
وهالمسج طرشته من فون أمي
وانا بيني وبين نفسي اقول اكيد
بوقف معاي فهالموقف بقول بتزوجج
أو ع الأقل بقول بتم احبج او اي شي
بس طلع جبان من قرأ المسج ولاطرش
ولاذكرني ولا أي شي
رديت بعد ماصخت السالفه وهلي
ردو فوني ارمسه والله والله اني
كنت احبه ومازلت احبه وقلت بختبره
هؤ شو يعتبرني ف حياته طرشت
له مسج قلت له انا بنخطب ‏.
طرشلي مسج الله يوفقج ‏‏!‏‏!‏
هني انا صدق بديت اتغير
حسيت ان هالحب مب ف مكانه
الصح ‏‏!‏‏! حسيت ان هالشخص ابدن ابدن‏!
مب مهتم فيه بس كان يتسلى وبس
لين يؤمي وانا احاول انساه بس
دوم ايي عبالي اما هو ولاسأل ولا
دق جنه يتريا هالفرصه ‏‏!‏‏!‏
تكتمل معاناتي عقب مافترقنا قلت
بتقرب من صديقاتي بمشي وقتي
معاهن بس كل ماطرشت مسج
حق وحده اتخبرها عن حالها وشو
امسؤيه طاف محد رد عليه ‏‏!‏‏!‏
قبل كنا دوم نتراسل ونسأل عن بعض
احين من شهرين وثلاث شهؤر محد
منهن اطرش أي مسج ‏.
اصلا هالبنات ماكانن صديقاتي المقربات
كلهم معرفه سطحيه بس ولاوحده
كنت انا وياها قريبات لدرجة اشكيلها
حالي وشو صار فيه ‏..‏ بس كان بينا
سوالف فالمسجات وبس اما الحين
لامسج منهم ولاغيره ‏.
انا يائسه من حياتي لاخر درجه
صعب اتكون وحيد ف هالدنيا
كنت اعتبر هذاك الأنسان كل حياتي
وماكنت احس بهالتعاسه والحزن كله
اتقربت من ربي بس بعد ماحسيت
اني قربت منه عدل عشان جي احس
اني مبتليه
رغم هالدموع وهالحزن وهالوحده
اثق ان الله بعوضني خير
احب اقولكم اني ماظهر من البيت
الانادر جدا نادر لأن هلي عندهم
كل شي ممنؤع حتى الدراسه منعوني
منها عشان تقاليد جديهم متعششه
ف راسهم
صعبه حياتي ف ظل هالفراغ ‏
والوحده وماعندي اي اخت فالبيت
كلهم عرسو ‏

ارجوكم كل وحده تدخل تدعيلي
ان الله يفرجها علي لأن صدق وصلت
حدها عندي

المزيد من آخر المواضيع من نفس القسم:

**bellegirl** · 2011-10-10, 07:56

ربي يوفقج أختي ويسر أمرج ويثبتج ^_^

ومبروك عليج توبتج وهذا درس لج ولغيرج

الحين أختي الصديقات بييون مع الوقت ..

أهم شي تشتغلين على دينج وتنمين ايمانج وتزيدينه

بكثرة الذكر ,, حضور مجالس العلـم الي مافيها شبهـة ^^!

الاستغفار أختي طول اليوم وقد ما تقدرين ومتى اذكرتي استغفري

خلي الجو في غرفتج ايماني إيجابي يدعو للتدين والثبات ^_^

سوي نشاطات في يومج سواء رياضـة أوهوايـة , صلـة رحم , زيارة دور الأيتام , دور العجـزة , التصدق على فقير

مساعدة محتاج ,, ارشاد الغير مسلمين للإسلام

استغلي وقتج وتوبتج وابدئي هالصفحـة البيضـة في حياتج بأعمال خير

ومن خلال مزاولتــج لهالأعمال أكيد بتمرين بصحبـة صالحـة أختي

سواء في مجالس الذكر أو دور تحفيض القرآن وغيره كثير ^_^

والله ينور قلبج بالإيمان

۩ ۩۩ ۩۩ ۩۩
*•.¸.•* بِسْمِ اللهِ الْرَّحْمَنِ الْرَّحِيمِ •¸ .*•
قُلْ هُوَ اللَّهُ أَحَدٌ ۞ اللَّهُ الصَّمَدُ ۞ لَمْ *•
يَلِدْ وَلَمْ يُولَدْ ۞ وَلَمْ يَكُن لَّهُ كُفُوًا أَحَدٌ *•
*•.¸.•**• صدق الله العظيم *•.¸.•* *•
۩ ۩۩ ۩۩ ۩۩ ۩۩ ۩۩ ۩۩ ۩۩

**% دلــــع %** · 2011-10-10, 08:35

الله يفرج عليج الهم و الغم يا رب .. ..

حاسه فيج حبوبه .. ..

**ماحد شراتي** · 2011-10-10, 08:38

يالله !!!!!
الله يعوضج خير حبيبتي واعتبريه درس بحيااتج ..بس هلج ليش حرموج من دراستج؟ ما حاولتي تكلمين حد من خواتج عسب يقنعهم؟ صدقيني يمكن هالشي يكون نقطة تحول بحياتج..وان شاءالله بتتعرفين على صديقات يكونن لج عون فهالدنيا..

**m2lak..uae** · 2011-10-10, 08:48

الله يفرج عليج ويسر امرج يا اختي الغاليه حاولي ان تشغلي وقتك والله يعنج

**ح ـوؤور** · 2011-10-10, 09:42

آلسلـآم عليكم ورحمة الله وبركاتهـ . .

شحآلج آلغآليه؟

شي زين لما ودرتيه ولـآ إنج تتعلقين فيهـ أكثر . .

عن آلصديقآت يروحون و إييون غيرهم الغاليه لـآ تحاتين الدنيا بعدهآ بخير أنآ بكون صديقتج و في وايدات اهني

بيكونون صديقاتج لـآ تحاتين هالشي لـأن وايد سهل :] . .

وخليه هالشي لج درس ولـآ تعيدين الدرس اللي يتعبج حبيبتي . .

ربي يحفظج من كل شر ويوفقج ويستر عليج ويسعدج ويرزقج بالزوج الصالح عآجلـاً غير أجلـاً . .

**سفيره الامل** · 2011-10-10, 10:07

الله يوفقج حبيبتي واحنا كلنا خواتج والله يرزقج بالزوج الصالح ويفرج همج وايسر امورج

**فرحة عمر** · 2011-10-10, 11:11

ان بعد العسر يسرا

اشغلي وقتج باي شي ثاني اتعلمي من النت دامج تقدرين تستخدمينه ..

وربي يوفقج دوم يارب ونسمع منج الاخبار الطيبة,,,

**ليالي 2006** · 2011-10-10, 12:34

الله رااح يعووضج اللي فيه الخير ان شاء الله

ولالا يتاسين هذا الشيطاان يوسوس لج

ويقووولج شووفي الحين انتي بفراغ ومافي شي تسوينه

عشان يحلي لج الغلط ووتطيحين في الغلط مره ثانيه

خلج اقوووى من جذيه

وولاتصلحين الغلط بالغلط .. والله يقووويج ان شاء الله

ويبعد عنج كل حراااااام يارب

**فللة** · 2011-10-10, 12:59

الله يفرج عليج ويسر امرج

**جمر بارد** · 2011-10-10, 13:27

قوي علاقته بالله

ما بدورين هم

**شيطونة** · 2011-10-10, 14:00

الله يوفقج وييسر لج
حلو انج تعلمتي من غلطج وان شاء الله توبه نصوحه

حاولي تشغلين نفسج مع أمج صيري صديقتها
تنافسوا بحفظ القرآن .... تعلمي منها طبخات
شوفي طبخات من النت وطبقيها
أقنيعيها انها لازم تسوي رياضة المشي عشان عظامها والهشاشة والضغط والسكر
وأمشوا مع بعض في الحوش أو اشتروا ماكينة مشي اذا عندكم مكان في البيت
خلي الوالدة تزور أهلكم اللي عندهم بنات من عمرج عشان تتعرفين عليهم ويصيون هم صديقاتج

**om salma** · 2011-10-10, 14:14

اول شي مبروك على التوبة
ثاني شي ان بعد العسر يسرا
ثالث شي انا عندي استعداد اكون صديقتج عبر النت صحيح ما ادخل المنتدى كثير بس ما يمنع اصير صديقة لد
رابع شي تعرفين ان حتى انا صديقاتي مع ان بعضننا كانت بيننا صداقات قوية بس للاسف نفس الشي مسوين طاف للمسجات والاتصالت بس تدرين ليش؟؟؟؟؟؟؟؟؟؟؟؟؟ اكتشفت لان عندهم بلاك بيري واللي عندهم بلاك بيري خلاص يتواصلون عن طريق البرودكاست وينسون المسجات وماعاد يدخلون المسنجر الا من رحم ربي ،، انا نفس الشي يايتني حالة اكتئاب محد يرد علي ومسوين لي طاف ووالايملات خلاص نسوها بس ربي معاي وماينساني
بعدين طالما عندج نت مايهم الباقي حتى لو حرموج من الدراسة والشغل خلج ع النت والمنتدى يشغل وقتج
تعلمي كروشي ادخلي اليوتيوب وتعلمي كيف تسوين كروشي كيف تحطين مكياج الخ اشغلي وقتج باي شي حتى لو قراءة القصص ولاتنسين االاهم قراءة القرآن كل يوم اقري سورة البقرة لو تقدرين ولو ع الاقل جزء
وربي بيعوضج خير وان شاء الله تعرسين وتنتقلين لحياة جديدة مليئة بالحب والاطفال
للعلم انا نفس الشي اختي بعيدة عني ودايم وحيدة خاطري يكون عندي اخت بنفس سني اظهروياها مكان ما اروح مع العلم اني متزوجة بس بعض الاماكن ماينفع اروح فيها مع زوجي خخخخ شفتي كيف هاي مب معاناتج بروحج

**loveing blue** · 2011-10-10, 14:34

الله يفرج عليج الهم و الغم يا رب

**وجدان الفجر** · 2011-10-10, 19:16

الحمدلله الغالية على رجوعج للحق,( وعسى أن تكرهو شيئاً وهو خير لكم), هذا العلاقة كانت غلط وهذا الشخص ما يستاهلج وحمدالله إنج تخلصتي منه .والصديقات بتكسبيهم مع الوقت ما مشكلة, بس دايماً قولي يارب إزرع محبتي في قلوب الناس ~, يارب أعني على مساعدة الناس ونفعهم , يارب أرزقني الصحبة الصالحة , يارب أجعلي في عيني صغيراً وفي أعين الناس كبيراً. ونحن كلنا خواتج, ربي ييسر أمرج ويرزقج الصحبة الصالحة الخالصة لوجهه, آمين.

الموضوع: وين صديقاتي ‏‏!‏‏!‏‏!‏‏!‏‏!‏

أدوات الموضوع

عرض

وين صديقاتي ‏‏!‏‏!‏‏!‏‏!‏‏!‏

المزيد من آخر المواضيع من نفس القسم:

المواضيع المتشابهه

فقدت اعز صديقاتي

ساعدوني.... يا صديقاتي....

.......صديقاتي .............

صديقاتي .....