دبله وعقد وساعه

**ينت دار الحي** · 2011-10-08, 20:49

البنات الحلوات اللى بيعرسن انشاء الله قريب واللى عرسن من قريب ابغى اعرف شو شكل العقد وبكم ومن وين والساعه شو ماركتها والدبله بكم وشو ماركتها واللى عندها صور تحطلى والله يوفقكم

المزيد من آخر المواضيع من نفس القسم:

**عاشقه امها** · 2011-10-08, 21:13

هلا حبيبتي
انا ملجتي كانت السبوع الي طاف
كانو اهل لاالمعرس يايبنلي الطقم ( العقد + الاسواره+ حلق+خاتم) << كان خفيف

والدبله حقي+ وحقه
وساعه حقي+ وحقه

في العرس هو قالي الطقم انا باخده >>> ارتحت منه
اليوم رحت اشوف الاطقم والاسعر كان الذهب نازل الغرام ب 150
شفت طقم عيبني طبعا مال الاعراس في اقل عن 22000
والسوع انصحج في الماركات خذي اقنور اليديده اتوقع 5000
بس افضل انج تروحين بروحج لانه الاذواق تختلف واكيد بتشوفين اشياء تعيبج اكثر يمكن بسعر اقل

**لأنني مختلفة** · 2011-10-08, 21:20

هلا حبيبتي ..
الاذواق تختلف بس بقولج عن اختي بما ان ملجتها كانت من كم شهر وهي أجرب مناسبة

كل شي كان على اهل المعرس ..
الطقم كان بـ 18 ألف ..
والخاتم بـ 2000 تقريباً ..
والساعة اتوقع بـ 6 الاف ..

عن نفسي ما حبيت لا الطقم ولا الخاتم خاصة تفاوت السعر بينهم ..

فيعني في النهاية انتي وذوقج ومهما اختلف السعر الاختيار الموفق هو الأهم

**كشيخه بوظبي** · 2011-10-08, 21:21

الله يوفقكن

ان شاء الله هكذا تكتب ^^

**@مبدعه@** · 2011-10-08, 21:24

**فن القفطان** · 2011-10-08, 23:05

( مَا يَلْفِظُ مِن قَوْلٍ إِلا لَدَيْهِ رَقِيبٌ عَتِيدٌ ) تذكري أن الله يراك

**the duchess** · 2011-10-08, 23:06

على حسب ميزانيته
في سوع بالمن وكونكورد تحصلينهم على سبعه زثمانيه
وشوبارد وكارتير فوق العشره

وعن العقد الذهب نازل الحينه فرصه اذا ناويه تشترين*

**نسيم الليل37** · 2011-10-08, 23:20

موفقه غلاي

**Meroona** · 2011-10-08, 23:26

اذا انتي عادي وتحسين اهل ريلج ذويقه خليه عليهم .. لان تعب وايد ..

بس اذا انتي حابه روحي سوق الذهب ..

انا كانت شهر 6 ..

كان طقمي متوسط كان عبارة عن شكل الكازو اتوقع ... بـ 13 الف .. مع العقد والسويره والخاتم والحلق ..
والخاتم خذته من داماس مع التعديل بـ 4500 ألماس ..

والساعه خذتها بعد من سوق الذهب .. بـ 2500 ( ألماس ) كلها ..

وساعته خذتها من الراحه مول .. بـ 1000 بعد التنزيلات ..

لو تبين تشوفينه .. خبريني كيف انزل الصورة ..

**نيناريجي** · 2011-10-08, 23:28

انا اهل ريلي خذوا لى طقم جنان من سوق مركز الذهي وساعه بالمين الماس حلوه والكل سالني عنه
والدبه كانت اروع الماس دبلتين منفصلين عن بعض وحده خط عليها فصوص والدبله الثانيه فوقها على شكل حبة كرستاله كبيره

**ينت دار الحي** · 2011-10-09, 04:03

ماقصروا البنات

**rayo0oma** · 2011-10-09, 04:34

عندج محل الانوار في سوق الذهب طقومهم حلوه والاسعار للأطقم الكبيره والراقيه 50 او 40 الف

وعندج سوع شوبارد وكارتير

اما الدبل مادري

الموضوع: دبله وعقد وساعه

أدوات الموضوع

عرض