ولدي ما يرقد من ليلتين

**أم هداوي** · 2011-10-05, 03:59

ولدي خبلبي ما يرقد من ليلتين ،، كانت فيه حمى وخلاص راحت من يومين ،، مايرقد حتى نص ساعه تعبني احسني بتخبل ميته من التعب ،، لو فيه شي جان بيتم طول اليوم متضايق ويصيح ،، بس بالعكس يلعب عادي ، هو اسنانه الثنين اللي فوق بيطلعن وسوتله حمى من فتره غير الحمى اللي يته من كم يوم لانه كانت احتقان ،،
شو اسوي والله تعبت

المزيد من آخر المواضيع من نفس القسم:

**bellegirl** · 2011-10-05, 04:19

ربي يوفقج ويعينج وعسى ربي يهديه أختي

"من وثق بالله أغناه ومن توكل عليه كفاه "

**أم هداوي** · 2011-10-05, 21:48

تسلمين عالرد اختي

وينكم رد واحد بس ؟؟؟؟؟؟!!!!!!!

**تراثنا الغالي** · 2011-10-05, 22:36

حبيبتي الله يعافيه لج يا رب

والإحتقان يطير النوم من لكبير كيف لصغير

أنا يوم عيالي صغار ادهنهم بزيت السمسم بقاعة القدم وتغطيها والظهر ويطلع عنهم البلغم مع البراز وانت بكرامة

وتقدري تكتبين بالجوجل فوايد او تجارب استخدام زيت السمسم

الله يعافيه لج يا رب

**(ياسه)** · 2011-10-05, 23:03

حبيبتي كل اليهال جيه ويتعبون وايد لما يبدون تظهر اسنانهم ويختلف طفل عن طفل
فاذكر ولدي الكبير كان ما ياكل ابد وحتى ضعف وكانت اتيه حمى اما الصغير عذبني والله كان بطنه يحله لدرجه انه احمرة منطقة الحفاض ويصرخ لما ايلسه او احركه

فهذي المرحله اتمر بكل الاطفال والطفل يعاني والام اتعاني فتحمليه شوي وهذا ماييلس اكثر من اسبوع على حسب علمي ولازم اتودينه عند طبيب اطفال عشان تتاكدين اكثر وترتاحن

والله يعافيه لج

**وردة ظبيانية** · 2011-10-05, 23:06

السلام عليكم اختي

اذا الحين مافيه شي الله يحفظه غير السهر ويلعب وحرك اعتقد عادي

ولدي الله يحفظه نفس الشي

بس ممكن من الحليب الصناعي لان امي تستغرب ان عيال هذا الزمن مايرقدون بس نشيطين
وممكن اذا ترضعينه طبيعي تكونين انتي تشربين منبهات مثل القهوة والشاي والشوكليت والبيبسي..

الله يطمن قلبج عليه

**(ياسه)** · 2011-10-05, 23:08

فديته الله يكون في عونه

**أم هداوي** · 2011-10-05, 23:30

تسلمن عالردود
أنا اعطيه حليب بروجرس من يبته من غير الطبيعي ،، اما منبهات كوفي وسوفت درينكس فأنا موووول مب ويا هالمشروبات ،،
الله يعين يارب

**بنات العين** · 2011-10-12, 01:45

حبيبتي سألت يدوه عن ولدج تقول ان اغلب اليهال عقب ما يخوز عنهم المرض يصيحون لان سبحان الله اتعودوا على المرض و الحل انج ادلعين ولدج و تعاملينه مثل ما كنتي اتعاملينه وهو مريض احضنيه و بوسيه و عقبها بتشوفينه اهتدى و صار احسن

و تقولي بالنسبه لأسنانه اذا السن الي فوق طلع قبل الي تحت هذا معناته في شر في طريقج ولازم تعقين ولدج من مكان بسيط الارتفاع
مثال: ان ابوه يكون واقف وماسك ولدج وانتي يالسه عشان تيودينه وبهالطريقه الشر بيخوز عنج
ههههههههههههههههههههههههههههههههههههههههه ادري بتقولن شو هالخرفات بس شو اسوي يدوه حلفتني اوصل المعلومه

الموضوع: ولدي ما يرقد من ليلتين

أدوات الموضوع

عرض

ولدي ما يرقد من ليلتين

المزيد من آخر المواضيع من نفس القسم:

المواضيع المتشابهه

كيييييييييييييف اخليه ولدي يرقد ف شبريته

ولدي بيكمل شهر و بعده ما يرقد اكثر عن ساعه :( ؟؟

ولدي يحب يرقد على جهه وحده ساعدوني(4شهور)

ولدي مب راضي يرقد بروحه ابا الحل

ساعدوني..ولدي ما يرقد وكله يصارخ