فيني حمى بسبب صدري :(

**جوهره مكنونه** · 2011-10-04, 23:30

السلاام عليكم
من الساعه 5 العصر صدري انترس حليب وعورني وايد وعقبها سخنت .. خذت شاور وبنادول احس حالتي تحسنت .. طبعا فظيت صدري
سؤالي هو لي متى بتم هاي الحمى؟ احسها الحين فعظاامي ظهري يعورني موت وراسي ... متى بتخف؟
ويزاكم الله خير

المزيد من آخر المواضيع من نفس القسم:

**ريـــــــم** · 2011-10-04, 23:38

مبروك ما ياج والحمدلله على سلامتج إختي .. ^_^

ما تشوفين شر إن شاء الله

الحمى بتخوز بس أبدً لا تخلين صدرج ينترس حليب لأنج إنتي بتتعبين ..

لأنج أصلاً ما بتقدرين تعطين النونو حليب وصدرج متروس فل ..

النونو بعده صغير فديته والحليب بيكون واايد عليه وما بيقدر يشرب عدل

وبيتكون له غازات لـ هالسبب .. ،،

حاولي أول بأول يا إنج ترضعين البيبي أو تشفطينه بشفاطة الحليب ..

وأجر وعافية إن شاء الله ^__^

**الزوجة البارة** · 2011-10-05, 01:23

ما اتشوفين شر جوهرة .. انصحج سيري المستشفى وخبري الدكتورة عن حالتج .. اكيد هم اخبر مدام اتقولين ان الحمى في عظامج .. والله يحفظج الغالية ..لانج لازم اتعرفين سبب الحمى ..يمكن موب من الحليب ..

**دلوعة زوجي** · 2011-10-05, 02:09

يُنقل لقسم الامومه والطفوله

**fashions** · 2011-10-05, 05:21

الحمى تجي لما تتركين الصدر ينترس حليب .. اشفطي وبالرضاعه للبيبي يشرب لاتخلينه ..

**bellegirl** · 2011-10-05, 05:58

ربي يوفقج أختي

"من وثق بالله أغناه ومن توكل عليه كفاه "

**تراثنا الغالي** · 2011-10-06, 11:05

الله يعافيج ويبارك لج في ما اعطاج

خذي بالنصايح ولا تخلي الحليب ينترس هو يسبب الحمى وألم بلعظام

**ام علاوي2007** · 2011-10-06, 13:03

حبوبه اذا كان البيبي شبعان ما يبى صدرج
اشفطيه بالشفاطه
وجبيه لين ما ايوع ولدج بتردين ترضعينه من صدرج
واذا حسيتي صدرج وايد محتقن هاتيلج شريحتين ملفوف من الثلاجه وحطيهم على صدرج وين الحلمه خليه يبرد علبه وبخفف الالم والحراره

**السولعه** · 2011-10-06, 20:34

السلام عليكم
الحمدلله ع سلامتج ومبارك ماياج الغالية
الحمى هذي عادية اختي لين يخف شوي الحليب عالاقل يومين او ثلاث والأفضل انج تشفطين وتحطينه في مرضعة معقمة وفي الفريزر لوقت الحاجة يوم بيكون حليبج خفيف خاصة اذا كنتي موظفة بينفعج بعدين تخلينه برع لين يذوب وتحطينه في ماي حار عسب يدفئ ..

بالنسبة للحمى اذا زادت عليج على طول روحي المستشفى لانه الاغلب تكون عندهم حمى نفاس والله يبعدها عنج وعنا وعن الجميع يارب ..

آلام الظهر طبيعية في وقت النفاس الغالية بسبب الولادة خاصة اذا كان المولود ذكر
هذي ان كثر يبي لها 6 شهور لين تروح واهم شي انج تدفين عدل وتلبسين ملابس طويلة بأكمام وتحتها بنطلون عسب ما يدخلج الهوا .. واشربي أشياء حارة تنظف النفاس ..
ربي ييسر لج تربية البيبي والاهتمام به .. *

**شمسة المرر** · 2011-10-06, 17:52

طهوور ان شالله

**AL-jawaher** · 2011-10-06, 18:55

مبروك ما ياج الغاليه

**نهر الحياه** · 2011-10-06, 19:05

انا يتني نفس حالتج مرتين وماتخوز الحمى الا لما عطتني الدكتورة مضاد حيوي

لازم تسيرين عندها تشوفج احتمال في انبوب متسكر ولازم تسوين مساج بعد كل رضعه

الله يعافيج يارب

**جوهره مكنونه** · 2011-10-08, 09:58

المشاركة الأصلية كتبت بواسطة نهر الحياه

انا يتني نفس حالتج مرتين وماتخوز الحمى الا لما عطتني الدكتورة مضاد حيوي

لازم تسيرين عندها تشوفج احتمال في انبوب متسكر ولازم تسوين مساج بعد كل رضعه

الله يعافيج يارب

تصدقين من قبل ما اقرا ردج كنت شاكه فهالشي
ولدي الاول لما كان ينترس صدري ينزل الحليب ويترس القطنه ويخيس ملابسي بس ما امرض .. اما فولدي هذا الحليب ما يطلع وفي وقت ادرار الحليب اماكن الغدد وايد تعورني .. واظن ان السبب هو مزيل العرق .. ولدي الاول يبته فالشتا وكنت وايد مهتمه بالحليب فما كنت احط مزيل ودوم اتسبح

**جوهره مكنونه** · 2011-10-08, 09:55

يزاكم الله خير ما قصرتو فديتكم ^_^

**&_^** · 2011-10-08, 17:25

السلام عليكم
ماتشوفين شر
خذي مشط ومشطي صدررج به
هذي عرووق مسكره عنددج
ووخذذي كمادات دافئه وحطيهااا ع صدررجج
وشفطي الحليب لين يظهر الوصخ الي مسكرررنه بتلقينه مثل خيوووط صفرا
هذا ايي لما البيبي يرضع بشكل خطا

الموضوع: فيني حمى بسبب صدري :(

أدوات الموضوع

عرض

العرض المتطور

فيني حمى بسبب صدري :(

المزيد من آخر المواضيع من نفس القسم:

المواضيع المتشابهه

كله خايفه وضايق صدري وحللت فيني جرثومة معده

اه فيني قهر صدري صغير شواسوي

كيف ذهب الحزن عن صدري بسبب قصص من حولي ؟؟؟

ساعدوني دخيلكم ما فيني حليب وبنتي اتصيح تبا من صدري