بنت اخوه زووووووجي

[أم نواف عادل]

مشكلتي مع بنت اخو زوجي*

هاي البنت تصير بنت اخو زوجي يعني زوجي عمها مشكلتي معاها انها وايد فري تلبسجدام زوجي ويوم اكلمها تقولي والله عمي خليص ابوي !! وانا اقرب له منج!! و ماتهميني وسكوتي مب يعني اني خايفه منج سكوتي بكيفي
وتحط ايدها ع خواصرها اقووولها :*حتى لو كان عمج بس عيب تقول*كيفي و صبعها صوب راسها وتقولي حمدي ربج خذناج اضحك و*
اقول فخاطري *والله الحمدلله مب انتي اللي خذتيني زوجي الللي خذني*
ودعيت عليها لين ياها التهاب بسبة عياده واحد هندي عياده رخيصه راحتها والاغراض ماكنت معقمه دشت العنايه وانتشر لالتهاب و بغت اتموت عقب اتسامحت منها يوم زرتها وحسبت انه طااح الحطب لكن للاسف !!*
عقب ماتعافت قامت وايد تفرض نفسها واراءها علي وقمت الاحظ انه هو ياخذ برايها اكثر مني مثلا قبل ايام كنت بروح السوق وهي كانت يايه بيتنا شافتنا نازلين بنطلع قالت وين بتروحون قلنا لها طالعين قالت حق عمها ورفجه خذني معاك بروح سبلاش اتشرى قالها اوكي ويوم طلعنا اول شي اشوفه شااخط الدرب يبا يلبي لها طلبها ومودنها هي : قلت لريلي يعني انته الحين مودني ولا مودنها وهي تطالعه فالجامه وتجلّب عيونها *وتتبسم ، *قالي : ماعليه تشري من نفس المحل نزين انا فرضا مابا كل شي من سبلاش !!؟
المهم دخلنا نتشرا وهي من ترفع ايدها تبا تاخذ غرض كم العباه ينزل لين الكوع وهو يشوف وساكت انزين رمس بنت اخوك خل عندك غيره ع اهلك اشوي !! وهو مول*
و اي حفله اسويها او عزيمه تي تتعمد تي من قبل الحفل بفتره وتم تحوس ف البيت اونه تحط لمسات الحفله و بفستانها المزلط وتسريحتها ومكبها وريلي يتم يتمدح فيها ومبقق عيونه و يطالعها من تسير لين ترد ويطالعني ويقولي لازم تضعفين
هي تدرس فالكليه فدبي ماخذه تربيه اطفال او شي من هالنوع وتتلسف تبانا نربي ولدنا الصغير ع كيفها و ولدي الصغير اشوي دلوع ف كان يصيح وانا اسوي له حلييب ف مره يالسين الظهر وهي تدرس جان يقولها افحصي ولدي ليكون متوحد ويضحك معاها عنبو تتطنز ع ولدك !! عشان بس تضحكها رحت شليت ولدي ودخلت حجرتي وتميت اشربه المرضعه و قعدت اصيح لين افتر راسي اخر شي يوم دخل يقولي خربتي يلستنا بزعلج الماصخ قلت له بروح بيت اهلي هني تم يترجاني اتم وتميت

و اونه ماعندها من يوديها الجامعه حضرتها *ف مخلتنه هو يوديها وهو يتاخر ع دوامه عشانها وياينه كذا انذار من الدوام عشان هالبنت الحين وهو مستعد يضحي بعمره عشانها ماعرف هالريال كيف *

ويصارخ علي قدامها و يووووم ، تروح ايي يتاسف ساامحيني ويحبب ع راسي شالفاايده .. قدامها بويه ووراها بويه ثااني*

انا مابا حل معاها ابا حل مع ريلي*

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية