كل شي غالي و عقب يقولون المهر غالي شو بينا نحن ؟

**شوشي الحلوه** · 2012-03-25, 02:56

ربي يعينج
انا صدق من البحرين
بس صدق دبي غاليه وااايد
حتى صوالين دبي وااايد غاليه
بوظبي الشارجه اهون
وصدقتي بكل كلمه قلتيها

**ونتر** · 2012-03-26, 01:20

كل شي غالي بسبة الايجارات قبل كل شي

**قارورة العسل** · 2012-03-26, 01:50

الله كريم

**خوخة راك** · 2012-03-26, 03:16

الله المستعاان
المشكلة الرياال المتوهق فالموضوع هاا لانه هو اللي بيدفع
مهر+زهبة+تكاليف العرس + اشياء تعجيزية من بعض اهالي العرايس
والله حراام عشان جي الشباب ما يفكرون يعرسون
اللي ياخذ من برا واللي يسير للحرام والخ.....
اما العروس تقدر تمشي امورها باعتدال بس منو الممول الريال يحلييله
حتى المكياج اللي بيتم عالويه 3 او 4 ساعات صار 4 او 5 آلاااف والشعر ما يفرق عنه
اتمنى ايي يوم ونشوف حل للغلا فالقاعات وامور الزوااج

**مهرووووووه** · 2012-03-26, 07:18

الغاليه..

انتي من اي اماراه؟؟ لأن احنا ف بوظبي عندنا فرق بين المهر والزهبه..
المهر للعروووس وماادق منه شي.. اقصد ماتتشرى منه هذا حقها وهذا يختلف بين كل عايله والثانية.. اللي يعطي 50 الف واللي يعطي 10 الالاف واللي يعطي 20 ألف..
والزهبه هي الفلووووووس اللي تتزهب منها وتشمل كل شي.. فيه حد يقووولج الفستان والثياب (والمخور والجلابيات وقمصان النوم) والاطياب والنعول والشنط والعبي والفوط والفراش على العروووس
ومثلا هل المعرس عليه الصاله والبطايق والتصوير والذهب!!

وبعدين كل وحده لازم تكووون ذكيه.. وتحاول انها ترتب نفسها على قد مقدره عليها!! يعني ماتذبحه ذبح!! مب لازم تشتري كل شي
تاخذ الاشياء الضروريه والباقي تخليه بعدين!! يعني بدال ماتشتري لج 30 قمصان نوم.. خليهم 20 او اقل
بدال ماتشتريلج 10 نعول اشتري لج 7 او 6... بدال ماتفصي لج 10 عبي سوي لج 8 او 7 عبي وهكذا..

**ليندااااا** · 2012-03-26, 11:46

uupppppppppp

**Methany** · 2012-03-29, 00:04

الله يعيين ويووفق الجميع , هو كل واحد كيفه والمسأله شخصيه بحته يعني فمحد يقدر يفرض رايه عالثاني , بس نحن يعي عاداتنا وتقاليدنا ترفض انه زواج وبدون عرس هالشي مستحييل عندنا سوائن البنت او الريال من عندنا بس بدوون مغالاه وكل شي حلو ومناسب للطرفين ...

بس احين عندنا فالصيف انشاءالله عرس اخوي وفعلن الاسعاااااار جدن غاااليه الواحد مايعرف من وييين اييب ولا كيييف يعرس بصراحه رغم ان البن واهلها ناس مافي منهم ومش مترشطييين ومعندهم غييير الي تبوووه سوووه حتى حرمت اخوووي كل ماخيرها فشي تسال عن الاسعار وجي وتاخذ الشي الحلو والي سعره مناسب يعني في ناااس وبنااات واهااالي متفهمييين بس مع ذالك تطلع تكااااليف جدن غااليه وهذا من تجاار الاعراااااس .... يعني سعر القاعه غير الكوشه وغير مقهوين رجال وغير مقهوين حريم وغير المهر وغير الذبايح وغير البطايق وغير التصوير وغير ليتات القاعه المفروض ببلاش وغيير الطباخيين وغير الديجي وغير وغير وغير بس الواااحد شو يسوي مطر لهالاشياء ولو خذت الشي الي يقولوله ارخص شي بس فالواقع هووو بعد غااالي ...

بس اتمنى يجدو حل لهالمشكله والله يوفق الجميييع ويسهل اموورهم واعراسهم ويوفق كل الازواج والمقبلين عالزواج واتمني تدعوون الله يسهل عرس اخوووي ..=)

وادعووولي بالريل الصالح :$

**(خيماويه)** · 2012-03-29, 01:26

الله المستعان

**بهلولة** · 2012-04-01, 08:23

الله اعلم وين بنوصل بهالغلا

**فنون الحب** · 2012-04-01, 11:01

حاولي انج ماتكثرين واايد في الزهبة لان جسمج بيتغير عقب الزواج
واذا على فستان العرس سيري السعودية يومين
وبتحصلين فساتين اعراس روعة وباسعار مناسبة لج ولاخواتج
حاولي انج ماتكثرين مشترى لانه عقب العرس ريلج بيتشرى لج

والله يوفقج ويتمم على خير ^^

**قصة** · 2012-04-02, 10:41

مع احترامي لج غاليتي
لكن كل اللي ذكرتيه صح بس لأنج ما تسيرين إلا أماكن محددة أو أماكن لها اسم براق وهذا اللي يقصون فيه على البنت خصوصا ان اي وحدة تتمنى عرسها يكون كشخة نفس اختها ونفس ربيعتها ونفس بنت جيرانهم،،
لو بغيتي صالة رخيصة بتحصلين مب شرط فنادق،،
لو بغيتي فستان بسعر مناسب دوري وبتحصلين،، لازم مصممين يعني؟!
ترومين تتخلين عن بعض الكماليات اللي أصلا ما لها داعي غير زيادة المصاريف،،
في أشيا نحن نتحكم فيها حتى لو السوق غالي،، بس سيباله حسن تصرف،،

الله يوفقج ان شالله،،

**^منايا^** · 2012-04-02, 12:09

ابصرااحه الي مخليني استغرب مكيااج عروس 5 ومافوق !!!!!!!!!!!!!!!!!!ع كم ساعه واخر شي يسيير بالماي!!!!!!!!!!!!!!!!!!

**سنع ليوا** · 2012-04-02, 13:42

ربي يعين كل شي غالي الصراحه صادقة يا ختيه

**سهارى1** · 2012-04-02, 15:03

كلامج صدق مليون بالميه كل شي غالي إلي تقول عرس في البيت منو يسوي عرس في البيت الحين وبعدين تكاليفه اغلا بوايد من عرس الصاله وبنج الذباح الفواكه وووو يعني بعد يكلف يعني الي يحط مبررات يشوفها قبل تصلح ولا لا وعقب يرمس والسموحه من الجميع

**جنان الفجيره** · 2015-04-07, 01:29

احسن شيئ تفرش حصير وتلبس ثوب ابرك لها وخلاص

الموضوع: كل شي غالي و عقب يقولون المهر غالي شو بينا نحن ؟

أدوات الموضوع

عرض

رد: كل شي غالي و عقب يقولون المهر غالي شو بينا نحن ؟

المواضيع المتشابهه

عطر غالي

مهري غالي غالي غالي ... وانا .....؟؟؟؟؟

ادورين خرز لبناتج وكل ما تسيرين السوق يقولون مخلص وبعد غالي عندهم تعالي عندي انا عندي

يقولون البيض غالي عيل تعالوا نتعلم ::طريقة تلوين البيضـ و بالصور::