لرقيقات القلوب

**لورين السوداء** · 2011-10-01, 23:12

السلام عليكم الموضوع الي بكتبه وابغي انكم يزاكم الله خير تتفاعلون فيه
موضوعي اتشوفونه اكثر شي في المولات والسناتر ماتلاحظون شلل اولاد صغارمراهقين وكل واحد فيهم مزقرد جنه معرس وفي ايده موبايل ويلاحقون بعد بنات مراهقات لارقيب ولا حسيب صغار بس تعالو شوفو شو مسويات في عمارهم
صدقوني من اشوف هالمنظر قلبي يعورني وخااااااااااصه اذا كانو هالمراهقات مع امهم وانجلط كيف امهم مخلتنهم جذه وحطوا مليون خط تحت كلمة مع امهم كييييف ترضين اتكون بنتج بهالوضع وعيون الشباب تنهشها كيف ترضين انها تطلع من البيت بروج او بعباه ضيقه هل اتشوفينها اصغيره لهذي الدرجه
ارجو منكم التفاعل لانه فيني حره على بناتنا وشبابنا
نبغي نتناقش هل مفهوم الحشمه اتغير عند الامهات

ولا شوالسالفه

المزيد من آخر المواضيع من نفس القسم:

**زيباشو** · 2011-10-02, 00:26

في امهات يقولون توهم صغار ليش اغصبها ،، او اتقول خليها تتمكيج وتعيش حياتها عقب تتزوج ،،،
وايد افكار اثرت علينا من الغرب ،،

ولكن اكثر شي لانهم يقولون صغار خليهم يتهنون بالحرية (اللي للاسف هي مب حرية بل فساد)

ما يعرفون ان معنى الحرية هي الخروج للعلم وللتزود بالمعرفة ،، خروج للقيام بالهوايات ،،
خروج لحفظ القران ، خروج لحضور المحاضرات التعليمية والدينية ،، ها هي الحرية ان لا تكون سجين الجهل ،،
ومب الحرية اللبس الفاضح والضيق وحرية المكياج والتبرج ،،،وحرية البوي فرند والجيرل الفرند والعلاقات المحرمة ها مب حرية ها تخلف واهانة للفتاة

**سفيرة دبـي** · 2011-10-02, 00:29

قبل الخوف من الام
الخوف من الله
الي تظهر جيه ما تستحي و تخاف من الله !!! ليش هالسفور و التبرج
الله يهديهن خصه المراهقات ..
و اتمنى من الام لو شافت بنتها جيه قبل لا ترمسها تكفخها و خلاف ترمسها

الله المستعاان

**هوت شوكوليت** · 2011-10-02, 00:32

المفروض الام تعلم بنتها من صغرها على الاحتشام
وتعلمها ان اللي تشوفه بالاسواق خطأ
ويكون بطريقة فيها مودة مب بالاجبار
اذ اقتنعت البنت كل شي يهون
ومشكورة على الموضوع المهم

**عذاابي** · 2011-10-02, 00:36

لا حول ولا قوة الا بالله

اذاا الأم تشجع عيالهاا وهي ( أم)

شو نقول !!!!

حبيبتي انا مرة شفت وحدة يالسه ويا امهاا في حديقه عامه والبنت ساترة كل شي بس يوم

وقفت انصدمت !!!!!!!

البنت لابسه عبايه الي دارجه هالفترة يعني من تحت مفتوح وقصير وياليت لابس شي تحت

عاريه الين الركبه !!!!!!!

وألام متبرقعه ومحتشمه !!!!

الله يهدي الجمييييع

**وردة ظبيانية** · 2011-10-02, 00:36

وعليكم السلام والرحمة

يمكن الام خاااايفة على بنتها من العنوووووسة
وفي ظنها انه ممكن تزوج بهذي الطريقة

تذكرت قبل 11 او 12 سنة قبل ماعرس طلعت ويا امي شارع الضيافة لكن متغشية ولحقنا واحد خطبني من امي في لحظتها بدووووووون مايشوف ويهي!!!!! ولا حتى يعرفنا من نكون
وطلع من اهلها يقولها عرفنا انا من بوظبي من لحافنا وهو يبى وحده ستير ( بس كانت الغشوة خفيفة) طبعا امي ردته كان صغير ههههه

بالنسبة للشباب تراهم مساكين وهذي طبيعة سنهم وانا يوم اشوفهم في نفسي اضحك واقول ياحليلهم
هم يبون يعبرون عن نفسهم ورغباتهم وماينلامون ( اقصد العزابية)
مو ابرك من انه يركض ورا الآسيويات؟!!!!!
وقت كنت اصغر كنت اشوف هذا الشي غلط
لكن من كبرت اشوفهم مساكين يضحْكون

**اريج الليل** · 2011-10-02, 00:38

اذا كان رب البيت على الدف ضاربا فما شيمة اهل البيت الا الرقص
للاسف البعض يكونون سبب في تشجيع ابناءهم عالفساد و تسهيل دربهم للخراب ..
الله يهديهم ويصلحهم هالشي يحزن القلب والله .. ويهديهم للدرب الصحيح

**برق لمع** · 2011-10-02, 00:42

في امهات للاسف يشوفون ان هالاشياء عاديه وان الزمن تغير الله يهديهن بس

**خيال بلا حدود** · 2011-10-02, 09:29

الام المفروض تكون قدوة حسنه للعيال
وكل شيء يرجع على أساس التربية السليمة على مبادئ الدين
والاحتشام...
بس للأسف الاهل في غفله,, والعيال يضيعون
والله ان قلبي يعوني من أشوف هالفئة من الشباب المراهقين
بنات أو شباب
أسأل نفسي دايما... كيف بيقدرون يفتحون بيوت مستقبلا؟؟
وكيف بيربون عيالهم؟؟ وكيف؟؟ وكيف؟؟
...
مانقول غير الله يهديهم
ويحفظ شباب المسلمين

**تسونامي** · 2011-10-02, 10:04

الله يهديهم ويصلحهم

**mzajeah** · 2011-10-02, 10:12

لا حول ولا قوة الا بالله العلي العظيم
لا حول ولا قوة الا بالله العلي العظيم
لا حول ولا قوة الا بالله العلي العظيم
لا حول ولا قوة الا بالله العلي العظيم
لا حول ولا قوة الا بالله العلي العظيم
لا حول ولا قوة الا بالله العلي العظيم
لا حول ولا قوة الا بالله العلي العظيم

**ام جمعة2009** · 2011-10-02, 10:12

السلام عليكم

انا في شي وايد مستغربتنه

قبل امهاتنا جاهلات مب متعلمات

بس ربونا على الحشمه والخوف من الله واحترام اللي اكبر عنا

بس امهات اليوم المتعلمات والجامعيات

على شو ربوا عيالهم

انا اداوم في مدرسه والله اني اشوف العجب

تبين تكلمين الولد وتقولينله غلط لا تسوي جي

يقولج مالج خص

هذي الكلمه عمري ما فكرت اقولها حق الصغير قبل الكبير لان امي علمتني الاحترام

وللاسف ثاني يوم اتي الام المدرسه محتشره ليش تزعلون ولدي وليش وليش وليش

ابا الها باعلى صوت

يالام المتعلمه المتطوره اتعلمي شوي من امج اللي بادبها وباخلاقها مدرسه

للاسف انغرينا بشهاداتنا ونسينا دينا وقيمنا وعاداتنا

اسمحولي اني طولت لكن في القلب حرقه

**خجولة دبي** · 2011-10-02, 10:37

المشكلة أنه في امهات ما تؤمن بالقضاء والقدر ، تتحرى انه لو تبرجت بنتها بتحصل ريل اسرع، ما تعرف انه نصيبها ببيها لين مكانها، يارب اصلح احوال بناتنا وشبابنا واعصمهم من الفتن.

الموضوع: لرقيقات القلوب

أدوات الموضوع

عرض

لرقيقات القلوب

المزيد من آخر المواضيع من نفس القسم:

المواضيع المتشابهه

حلى القلوب

لأصحاب القلوب القوية فقط (القلوب الضعيفة الرجاء عدم الإقتراب )

فقر القلوب

^_^ صفو القلوب ^_^