النهاردة الغدا ملوخية مين بيحبها زيى؟؟؟؟؟؟

**يشرفنى نقابى** · 2011-09-19, 13:38

اخواتى الجمال الحلوين المقطقطين والمرحين دائما
النهاردة جبت ملوخية هى صحيح مجمدة لانى مش دائما بلاقى الفريش الخضرا بس احسن من قلتها بس ان شاء الله حجيب الفريش واعملها لكم ع العزومة الجاية نيتدى بسم الله:::::

المقادير:كيس ملوخية مجمدة -طمطماية مبشورة -راس توم-كسبرة ناشفة-مرقة دجاج طبيعية( مش مكعب) ربع معلقة صغيرة بيكربونات صوديوم(كربوناتو)

الطريــــــــــــــــــــــقة

هاتى التوم والكسبرة ودقيهم ف الهاون لغاية ما يصرو ناعمين

نبشر الطمطماية بالمبشرة ممكن تعصريها بالخلاط

نحط حلة ع النار ونضيف الطماطم ونص الدقة (التوم والسبرة)بدون دهن ونتركهم لغاية ما يغلو شوية قبل ما ينشفو نضيف المرقة

اول ما المرقة تغلى وتكتسب طعم الكسبرة واتوم والطماطم نصفىها عشان تكون صافية خالية من الشوائب

بعدها رجعى الشوربة ع النار واول مال تغلى ضيفى ربع معلقة البيكربونات(ودى فيدتها انهابتخلى الملوخية متسقطش ف القاع وتكون فاصلة عن المرق لو مش متور عندك حلاص بيمشى الحال بس احنا بنحب الملوخية لفة مع بعضها بدون فصل)

نضيف بعد كدة الملوخية ونطفى النار ونتركها تسيح ف المرق الساخن براحتها (لو الملوخية فريش ضفيها وكملى طبخ ومتتطفيش النار)

هنا بعد ما ساحت وتداخلت مع المرقة

اتركيها تغلى حوالى دقيقتين مش اكتر عشان يكون طعمها لحلو ومتفصلش

طفى النار ع الملوخية وابدئى اعملى الطاشة وهى احلى حاجة ف الملوخية وهى الى بتدى الريحة الجميلة للبيت والملوخية وهى الدقة ضيفى معلقة سمن ع النار ومعاها الدقة

نسبها لغاية ما تصفر مش تتحرق زى كدة

بعد ما تصفر خديها بسرعة وضفيها ف الملوخية ومن غير تقليب غطيها بسرعة عشان تحتفظ بالريحة والطعم الجميل

وبس كدة بقت احلى ملوخية وطبعا هى مش مرضية بالنسبة لى لانى مش متعودة ع المجمدة وهى متوفرة ف مصر فريش دائما بس الحمد لله ان ربنا موفر لنا النعم ف كل مكان غيرنا مش لاقى لافريش ولا مجمد فنحمد ربنا دائما

والطبق دة لشيف شطولاتة حبيتى وكل الخوات الى بيفرحنى ردهم عليا وبيشجعونى ويــــــــــــــــــارب تعجبكم

لو عجبكم الموضوع قلولى عشان المرة الجاية ان شاء الله حنزل القلقاس وما ادراكم ما القلقاس

المزيد من آخر المواضيع من نفس القسم:

**نبض الشارقة** · 2011-09-19, 13:39

رررررررفع

**بنوتـــهـ** · 2011-09-19, 13:43

تسلميين عزيزتي . .

**ميثه المنصوري** · 2011-09-19, 13:53

رووووووووعه وطريقتج وايد سهله حبيبتي

ان شالله بجربها لانها وايد مفيدة

تسلمين ويزاج الله خير

**يشرفنى نقابى** · 2011-09-19, 14:01

ربنا يجازيكم خير وشكرا لمشاركتكم

مع انى زعلانة من الزيارات الكتييرة ومفيش رد

**^الدماني^** · 2011-09-19, 14:02

مييييييين بيحببببب الملووووووووووووووخية ؟!!!!!!!!!!!!!!!

^
^
^
^
^
^
^
^
^
^
^

أنا أنا أنا يا أبله

قال على رأي المثل :

"وقت الكباب صكوا الباب ووقت الملوخية نادوا المدهية "

مع العلم اني مش عارفة يعني ايه المدهية

ورغم ان المثل لا ينطبق على محبي الملوخية اللي زي حالاتي وحالاتك

بصراحة انتي فـــُـــلـــّــــــــــه بطبيخك القمييييييييل ده !

وفي النهاية أهديكي البيتين دول "مع بعض البهارات على جنب"

:

احممم احممم احممم (معليش ! ده انا بأسلّك زوري بس !

)

هات لي فريك هات لي فريك ..........وبسرعة الله يخليك
واوعى تجيـــــب ملـــــوخية .......... لا بطني يمشي عليّه

عشت ليالي هنيه بأحلم بـ ......فريييييييييك ..... بحلم بفريك !

(مع الاعتذار لعبدالحليم حافظ في "بحلم بيك" )

**يشرفنى نقابى** · 2011-09-19, 14:08

والله عسسسسسسسسسسسسسسسسسسسسسسل هههههههههههههههههههههههههههههههههه
ضحكتينى والله مع انى كنت زعلانة من قلة الردود مع ان فى اكتر من20زيارة بس بجد شكرا ع الشعر الرئع دة
ومتخفيش الملوخية مش حتمشى بطنك

**^الدماني^** · 2011-09-19, 14:16

المشاركة الأصلية كتبت بواسطة يشرفنى نقابى

والله عسسسسسسسسسسسسسسسسسسسسسسل هههههههههههههههههههههههههههههههههه
ضحكتينى والله مع انى كنت زعلانة من قلة الردود مع ان فى اكتر من20زيارة بس بجد شكرا ع الشعر الرئع دة
ومتخفيش الملوخية مش حتمشى بطنك

سيبك منهم ده ما فيش غيري ....

قيمة ومركز ووظيفة ميري

همّ لو كانوا سمعوا المثل الشامي اللي بيقول ........

"أكلوا الملوخية وصاروا أفندية "

...... ما كانش ده بقى حالهم

ما تزعليش يا حبيبتي من قلة الردود لأنه معظم الزيارات بتكون من خارج المنتدى

اصبري عالبنات شوية

تلاقيهم يا عيني دلوقتي ...

اللي بتشتغل
واللي في الجمعية
واللي في المطبخ .....
واللي بتتتابع (مع أسامة أطيب)

استني لغاية بالليل وانتي تكسبي

**كنافة بالقشطة** · 2011-09-19, 14:20

يـــــــــــــــا ســـــــــــــــــلام انا بموت فالمولوخية اوووووي اوووووووي اوووووووي

انا امي مصــــراوية ودايما بتعمل لنا ملوخية وساعات بتعمل ملوخية بالجمبري دي تحفة بصراحة

تسلم ايديك يا جميل

**يشرفنى نقابى** · 2011-09-19, 14:49

شكرا يا الدمانى (بس معناة اية اسمك) انتى شكلك ليكى جزور مصرية

**يشرفنى نقابى** · 2011-09-19, 14:51

تسلمى ويارب يخلى لك الوالدة يارب

**~ مَلِـﮓ ~** · 2011-09-19, 14:54

انا بحب الملوخية تسلمين على الطريقة الحلوة

**^الدماني^** · 2011-09-19, 15:38

المشاركة الأصلية كتبت بواسطة يشرفنى نقابى

شكرا يا الدمانى (بس معناة اية اسمك) انتى شكلك ليكى جزور مصرية

معنى اسمي حتلاقيه على الرابط ده

http://forum.uaewomen.net/showthread.php?t=770878

أبدا ! أنا ما ليش جذور مصرية ولا حاجة لكني بأموت في أي حاجة ليها علاقة بمصر حبيبتي

وعشان كده !
وبرضه عشان مجهوداتك الواضحة في القسم "اللزيز" ده

بأهديكي مواضيعي دي

:

يا عيني على جمالك يا مصر

http://forum.uaewomen.net/showthread.php?t=887952

^الدماني^ تقدم : أقوى مرشـّـح لرئاسة الجمهورية

http://forum.uaewomen.net/showthread.php?t=909854

**m!s$.CaNdy** · 2011-09-19, 18:23

رووووووووووووووعه وانااا اتااابع طبخاااتج

وبخاااطري ف بسكوووويت مصر وانتووو تسمووونه كيك الصراااحه روووعه انا اطلبهااا من حرمه كل عيد

وبخاااطري اعملللهااا بنفسي

**يشرفنى نقابى** · 2011-09-19, 18:28

مع ان المواضيع رائعة وطرحك ليها اكتر من ممتاز بس بجد حسيت شوية بحسرة ممكن عشان انا من البلد دى وعارفة هىت اد اية جميلة بشعبها لكن حكوماتنا اظهرتنا بشكل مختلف خالص ووسائل اعلامنا كمان لكن والله لو تعيشى وسط الناس حتلاقيهم حاجة تانية خاااااااااااااااااااااااااالص بجد احنا شعب اغلبة محترم ومتدين ميغركيش الى بتشوفية بالتليفزبون دة اسوأما فينا وليس كل ما فينا لكن الحمد لل

معلش قلبتها نكد بس غصب عنى ممكن يكون الى شاف مواضيعك اخدها بهزار لانهم مش مصرين لكن انا ابتسمت وبكيت ولكى كل التقدير ع طرحك للمواضيع بدبلوماسية وجمال وارجو ان نكون اصدقاء

بس ع فكرة انتى المسؤلة قدامى محدش يتريق ع المصرين بدل ما اجيبلك بلطجية التحرير وشبيحة الاسد ومرتزقة القذافى هههههههههههههههههههههه

الموضوع: النهاردة الغدا ملوخية مين بيحبها زيى؟؟؟؟؟؟

أدوات الموضوع

عرض

النهاردة الغدا ملوخية مين بيحبها زيى؟؟؟؟؟؟

المزيد من آخر المواضيع من نفس القسم:

المواضيع المتشابهه

دجاج محشي و ملوخية ورق

انا النهاردة مزاجى رايق وهقولكوا احلى كلام من الاخر

اكلة سمج زوجج بيحبها

ملوخية باللحم

سليس الدجاج باللبن والروب (وجبه سحور خفيفة بيحبها زوجج)