بنتي نامت ساعات

**دانات دبي** · 2011-09-20, 02:10

فديتها. صوتها رايح. ساعدوني. بليز

**Om Rodah** · 2011-09-20, 02:38

واعيها و ارضعيها يمكن تعبانه بعد التطعيم و الصياح

**LadyinSilk** · 2011-09-20, 11:35

عزيزتي ....

ماعليها شر ان شاء الله .... ومافيها شي اذا نامت 6 او 7 ساعات .... هالشي ممكن يجلب رقادها وتنام بالنهار وتصحى بالليل مثل ماستوى مع بنتي بس من كملت الثالث الحمد لله اعتدل رقادها ... خليها تنام وقت ما تبى وتنش وقت ما تبا ... اللهم شليها كل 3 ساعات وعطيها الحليب وحتى ان ماشربت ماعليها شر ان شاء الله

انا بنتي عمرها ثلاث شهور ونص ومريت باللي تقولينه ... انا من النوع اللي اسوي اللي يريح بنتي وما امشي على كلام اللي تقول لي لازم ومب زين وماعرف شو ... وتاكدي من شي واحد اذا كنت متوتره بنتج بتتوتر معاج لانها تحس فيج .... خليج ريلاكس يوم بتشلينها او ترضعينها وشوفي كيف بتكون هاديه

اذا لاحظتي انها تصيح وايد فيمكن يكون غازات اجلبيها على بطنها وبترتاح ان شاء الله

لاتخافين اذا صوتها رايح او مبحوح من كثر الصياح .. صح يعور القلب بس ماعليها شر ان شاء الله بترد عاديه ....

يوم بتطعمينها المره اليايه عطيها ادول .4 قبل لاتظهرين من البيت وعقب ما تردين من العياده حطيلها كمادات دافيه على مكان التطعيم وكل اربع ساعات عطيها ادول .4 بس وجيكي حرارتها وان شاء الله مابتيها الحراره وعقب 12 ساعه من التطعيم عطيها كل 6 ساعات و عقب 24 ساعه اذا مافيها حراره وقفي الادول ... انا جي سويت مع بنتي والحمد لله مايتها الحمى ولا صاحت

وطبيعي ترقد وايد عقب التطعيم وبتكون مكسله مال يومين وعقب بترد لطبيعتها ان شاء الله

البيبي في هالعمر مابيصيح الا اذا كان يوعان ....... او يباله تبديل حفاظات ... او فيه غازات...او فيه رقاد وبس.... سوي هالاشياء وبين فتره والثانيه احضني بيبيتج لانهم وايد يرتاحون يوم تحضنينهم يحتاجون حنان واهتمام وايد

والله يحفظلج بيبيتج

**السولعه** · 2011-09-20, 16:27

لازم ترضعينها كل ساعتين اختي لانه الاطفال يعتمدون على حليب الام وحليب الام يكون خفيف بسرعة يووعو ن

واذا اخرتي الرضاعة الياهل يجيسه هبوط بسم الله عليها

وكل 4 او 6 ساعات تعطينها أدول عسب يسكن الألم والحرارة و عليج بالكمااداات الساخنة مكان الورم

**فخوره ب بلادي** · 2011-09-20, 21:04

تأكدي من الحراره

**--أم سيف--** · 2011-09-20, 22:07

ما فيها شي ان شاء الله يمكن الادول رقدها وعشان تعبانه من التطعيم خلج حاظنتنها وبعد التطعيم يعور وفي الليل اذا ما نشت وعيها ورضعيها ما تشوف شر فديتها

**حلاوهـ** · 2011-09-21, 04:09

الادوول رقدها وبعدين هالشي طبيعي
الله يعافيها

**sa7el** · 2011-09-21, 11:09

واااايد عادي،، لا تقطعين رقادها،، بروحها بتنش إن ياعت أو خيست

خليها تنام و أنتي ارتاحي

**BenToooH** · 2011-09-24, 01:19

ولدي عالشهرين بدا يفرق رقاد النهار عن الليل وشوي شوي صار فالليل يرقد بالساعات 4-6 ساعات الحمدلله ويعطيني فرصة أرتاح
سألت الدكاترة قالوا عادي وبالعكس أحسن أخليه يرقد ع راحته لأني اذا عودته ينش كل ساعتين للحليب بيلعوزني لو كبر
((الياهل لو يوعان بينش وبيصيح ))
أهم شي لاحظي ع بنتج فالنهار ((يعني غير هالساعات اللي راقدة فيهم)) ترضع بشكل طبيعي ومتكرر أكثر
والوزن يزيد بمعدل طبيعي

بس بما انج مطعمتها جيكي حرارتها دوم والأحسن تعطينها دوا حرارة كل 4-6 ساعات حتى لو مافيها .... لين يوم أو يومين بعد التطعيم
وانشالله ماعليها شر

الموضوع: بنتي نامت ساعات

أدوات الموضوع

عرض

المواضيع المتشابهه

قصه فتاه نامت مع شاب فى غرفه واحده

ساعات للداومات ساعات موديل 2010 ساعات نسائية ساعات متوفرة عندي بس

ساعات للداومات ساعات موديل 2010 ساعات نسائية ساعات متوفرة عندي بس

توفت بنتي بعد 3 ساعات من الولادة