بعدني ما طلعت

[حياتي انجاز]

شحالكن خواتي ان شاء الله بخير

انا وايد مضايجة انا ساكنة في حجرة في بيت اهل ريلي ويالسين نبني بيت بس بعده ماخلص و ريلي بحكم عمله يسافر واتم روحي مع الصغارية وحاليا ريلي مسافر وكنت يالسهفي الصالةمع خواته تدرون يوم الخميس الكل يتيمع وقامن ثنتين من خواته يتجاسمون حجرتي وكان ريلي قايلهم انا وايد اسافر وما اقدر اخليهم روحهم في البيت و بخلي الحجرة يوم اسافر يتمون فيها طبعا ما سلمت منهن خاصة وحدة منهن تمت تعلق تعليقات تغث انا بكل هدوء شليت نفسي و رحت حجرتي و الله يعلم انا ما قلت لريلي خل الحجرة حقنا و لا شي و اصلا البيت بعده ما خلص يبيله وقت عاد اللي ضايجني اكثر ان ريلي في نفس الوقت اتصل و قلتله مع اني من النوع اللي اغلب الاحيان اسكت ما اقوله هالامور خاصة هو مسافر حسيت اني غصصت فيه و بس شي في خاطري و طلعته و السموحة على الازعاج

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[شما المرر]

الله ييسر لج يـآارب وبيـتج ايخلص بسسرعه ان شاءالله
بس يوم ريلج يكون مسافر استآذني منه وسيري اقعدي ف بيت اهلج
يوم بيرجع بالسلامه رجعي غرفتج الين ما يتجهز بيتـج

والله ايوفقج الغلآ

[خوصه بوصة]

آب آب آب

استغفرك ربي واتوب اليك

سبحانك اللهم اني كنت من الظالمين

[عاشقة اليمن]

الله يكون في عونش اصبري شوبتسوين او روحي عند امش اوخواتش او حد من اهلش ربي يسر امووورش باااارب

[كام]

الله يعينج..

[حبي العراق]

ان شاء الله شده وتزول

[اسيرت شوق]

وليش زعلانه حبيبتي شي طبيعي ياخذون الحجرة يوم بتطلعين منها وبترون بيتكم

وبعدين دامج عندج اصغاريه ما راح تحتاجي لها عندج من يونسج بيكون

لا تعبي نفسج على الفاضي
الله سهل امرج يا رب

[$asamy$]

الله يعينج ويصلح امورج كلها يارب ~

[tresor]

عادي احقــريهم ,, الحقران يقطع المصـران ,,

انا بنظري احسن يوم ما رديتي عليـهن ,,

وبفس الوقت اللي سويتيه صح ,, لا تعتبرينه فتنه او غيـره

من حقج تقولين حق ريـلج اللي يظايج فيج ,,

الله ايسـر امورج يـارب ,,

حبيبتي اذا سافر ريـلج ,, روحي اقعدي بيت اهلج ابرك لج

وحاولي ترجعي لغرفتج بعد بين فتره وفتره لحد ما يرجع ريـلج

وكلها ايـام ويجهز بيتج ,, وبترتاحيـن من الحنه والرنه ^^

[* ام خماس *]

الله المستعاان .. حبيبتي تستوي بين الخواات فماابالج بين الحمياات ؟!! ^_^

خذيهااا بروح ونيه حسنه واحتسبي الاجر عند ربج بصبرج على الكلام

الين ماا يخلص بيتكم وتحصلين على الخصوصيه الي تبينهااا فديتج

كل اسره فيهاا احتكااك بين الحمياات تقربياااا واذا يلسنااا على كل صغيره وكبيرة بنتعب فلااازم نعدي مرة ومرتين

لكن بالاخير راااح تفرج بأذن الله صدقيني ^_^

المسأله يباالهاا صبر ووقت والله كريم حبوبة

الله يسعدج دنياا وأخرة ياارب

[وردة ساطعه]

ما تزعلي حبيبتي
همه لو بيفهمو اكيد انت ما بدك غرفه عندهم
حتى لو زوجك مسافر
يا بتروحي عند اهلك يا احد من اهلك بيجي بيتك
ما في وحده بالدنيا بتحب تقعد عن اهل زوجها
الحمد لله انك بتبني وان شاء الله بتطلعي قريب

[تعب حال]

الغاليه اذا هم ساكنين فالبيت يعني مش متزوجات فمن حقهن يوسعن على عمارهن دام انكم خلاص بتطلعون بيتكم بعد فتره ..
بس الي مش حلو فالموضوع انهم يرمسون جدامج كان المفروض بعد ما تطلعون ياخذونها بس بدون ما يتمون يلمحون..

لكن في حالتهم هم اتوقع انهم لمحولج انهم بياخذون الغرفه لانه ريلج قاللهم انه حتى بعد ما بتطلعون بتم الغرفه الكم..
يعني مثل ما انتوا لمحتولهم وانتوا بعدكم ما طلعتوا من البيت هم حبوا يلمحولكم..
لا تلومينهم فديتج وهذي ردة فعل طبيعيه ^^..
ولا تزعلين منهم لانهم اكيد هم بعد انجرحوا لما قاللهم ريلج انه الغرفه بتم حتى بعد ما تطلعون الكم..
ولازم انتي بعد تلمحيلهم انج مب محتايه الغرفه ولا تبينها ..

[حياتي انجاز]

يزاكن الله خير
على فكرة خوات ريلي كلهن معرسات و كل وحدة في بيتها و بالنسبة لبيت اهلي كلهم مسافرين بعد و ما عندي خوات كلهم اولاد و الحمدلله و بارك الله فيكم و السموحة على الازعاج
اكتفي بالردود

[بنت زاايد]

ربي يسعدج ويخلص البيست اليديد ويجمعج مع ريلج ويسعدكم طووووووووول العمرررر ويلم شملكم دنيا واخرره ويسعدج ويااه

[عالية الغالية]

استغفر الله الذي لااله الا هو الحي القيوم واتوب اليه

لا اله الا الله الملك الحق المبين

سبحان الله وبحمده

سبحان الله العظيم