مشكلتي أم المشاكل

**رياحين الوفا** · 2011-09-15, 18:29

السلام عليكم .. مساا الخير .. حبيباتي العضوات عندي مشكله وحابه أشاركم ومشورتكم فيها.. فلا تردوني خايبه بليييييز
ومشكلتي الخيانه " من اسبوع حسيت أنه ريلي متغير إيي البيت مستانس ولما أتصل فيه يكلمن بعبارات حلوة وهو متشقق .. ما من عادته المهم كشفته أنه يكلم وحده من البنات إلي رمستها وأسلوبها فيه دلع " أنا هنيه ما صدقت تضايقت ما عرفت شو أسوي وقمت أصيح واقول ليش بس ليش والله ما مقصرة فيه قايمه بواجبه " ألحين شو أسوي أواجه ولا أطنش الموضوع وأسوي حركات عشان أسحبه صوبي .. بس هذي مو المرة الأولى سبق وسواها فيني .. ابا اكلمه بس بطريقه يكون الموقف لصالحي لانه مرة واجهته عكس الموضوع أنت ليش تفتشين بموبايلي من وراي ؟؟؟ فاهميني صح.دلوني شو أسوي

المزيد من آخر المواضيع من نفس القسم:

**الشيووخيه^^_** · 2011-09-15, 18:56

تفاااااااااااااااااااااهم اهم شي

**so0ona** · 2011-09-15, 19:23

لا تواجهيه
وعامليه زين عشان يستحي من نفسه
خاصه انه متغير معاج أكيد حاس بالذنب وتأنيب الضمير ويحاول يعوض
أما إذا واجهتيه بصر على غلطه
اشغليه ببيته وفيج وبعياله
ولما تطلعون بالسياره حطي أشرطه تتكلم عن هالسوالف ،،
وخدي لفه وأيد مواضيع نفس موضوعج واستفيدي من تجارب الاخوات ،،،

الله يحفظ لج زوجج ويخليه لج ،،،

**جـاذبـيــّﮧ** · 2011-09-15, 19:31

الله يعينج

**خيوط ملونه..** · 2011-09-15, 19:32

الله يهديه ان شاء الله بصرااحه قهر ><

**طيف الغربة** · 2011-09-15, 19:38

ربي يعينك اختي ويهديه ادعي له انة ربي يهديه ويصلح امره

وان شاء الله الاخوات يفيدوك

**رياحين الوفا** · 2011-09-15, 19:42

هلا والله مشكورين عالتفاعل وعلى إلي ردو علي ... ريحني ردج إختي الغاليه SoOona

**حبي العراق** · 2011-09-15, 20:27

ماوجهه الرجل ماتحصلين منه لاحق ولاباطل الرجال بس تواجيه مايفهمج الحقيقه ؟؟

لااطنشين خيه لاسامح الله باجر الله لايسمعها من حلقي تلف عليه بنت ابليس وتاخذ ريلج منج شو اسويين اذا فاتك الفوت ماينفع الصوت

واجيه بكل ادب وعلى سالفه تلفون ارمسج ليش تفتشين من ورايه اتغدي بيه قبل مايتعشى فيج
وقوليه يعني هذا اللي هامك اني ماعندي رصيد وانت بالحمام عزكم الله واتصلت من امي من تلفونك وبصدفه قريت مسجات يعني انت امامني على عرضك وحلالك وماتامني على تلفونك؟؟
ولاتزودين بكلام معاه مثل ماسويت صديقتي وقال لها اوكي انا اغازل والحين بتصل فيهن جدامج اريد اشوف شو بتسوين ؟؟
واجيه وريحي قلبج ماعندج غير حل
الله يهديه ويكون لج
وانا دايم ادعي اقول ربي اجعلني قرة عين زوجي وابعد عنه بنات حرام اللي يهجمون بيوت ادع دايم

**هديل حمدان** · 2011-09-15, 20:36

اختي حطي يدج علي الويع
وشوفي شو هو السبب الرئيسي الي
يخلي ريلج يسوي علاقات محرمه
هل هو قلة الوازع الديني
هل انتي مقصره بحقو ومب مهتمه فيه
يعني الريال يحب الأنثي الي تكون فيها كل صفات الحريم
الطيبه الحلوه الدلوعه الفيلسوفه العاشقه صاحبة الابتسامه
مب راعية النكد والغم شوفي انتي مهتمه بعمرج
زين هيه او لا
هل ريلج من النوع الي كان له علاقات وايد قبل الزواج
هل ربعو لهم تأثير عليه
هالبنات الي يكلمهم من وين يتعرف عليهن
في وايد اشيا المفروض تكوني عارفتنها
وهذا ريلج انتي اخبر بالطريقه المناسبه
الي يرجع فيها لج
خلي دايما يكونلج اسلوبج الخاص بج
حتي تعالجي اي ثغره بعلاقتكم الزوجيه
كوني واثقه دائماً من عمرج
الله يسخر لج ريلج ويجمع بينكم علمحبه

**AL-jawaher** · 2011-09-15, 20:39

لاحول ولاقوه الا بالله
‏*‏.‏*‏
‏

**مالتيزرس** · 2011-09-15, 23:14

لا تفاتحيه فالموضوع ، طنشي وخلج ريلاكس ، واكشخي واتعدلي وصبغي شعرج وقصيه ولبسي اللبس الغاوي ، وخلج جدية وجامدة فتعاملج معاه لا تضعفين جدامه خلي شخصيتج قو ولا تدقين عليه احقريه وجوفي كيف بيركض ورراااج وخلي اجاباتج هيه ولا . عقب بيحس ع عمره واطلعي تكشتي روحي عند ربعج أهلج ونصيحة لا تهجرينه فالفراش لأنه فيه عقاب

**كلي_جاذبيه** · 2011-09-15, 23:35

خليه على راحته ماسمعنا بريال اتغير عقب ماواجهته زوجته بالعكس يزيدون بخرابيطهم ويعاندون وخذيها من الاخر مهما سويتي بيخونج الا اذا كان عنده وازع ديني يمنعه عن الحرام

**وردة ساطعه** · 2011-09-15, 23:51

الله يعينك
والله انا حاسه فيك
بس همه هيك الرجال اغلبهم( ما بظلم كل الرجال)
والله ما بعرف بشو انصحك
إما انك تواجهيه عشان يوقف ويخاف انه يخرب بيته
او انك تعملي حالك ما بتعرفي وتحسسيه انك كتير واثقه فيه
يمكن يستحي من حاله
واحيانا اذا الوحده واجهت زوجها اكثر من مره ممكن يكلح
يبطل يخاف منك لأنك خلص كشفتيه
انت شوفي حسب شخصية زوجك
بس ما تقلقي صدقيني اغلب الرجال إلهم هيك حركات
ومصيره بيرجع لزوجته واولاده
الله يهديه ويخليه ما يشوف ولا يحب غيرك انت
اللهم آمين

**~بنت الخليج~** · 2011-09-16, 01:21

المشاركة الأصلية كتبت بواسطة so0ona

لا تواجهيه
وعامليه زين عشان يستحي من نفسه
خاصه انه متغير معاج أكيد حاس بالذنب وتأنيب الضمير ويحاول يعوض
أما إذا واجهتيه بصر على غلطه
اشغليه ببيته وفيج وبعياله
ولما تطلعون بالسياره حطي أشرطه تتكلم عن هالسوالف ،،
وخدي لفه وأيد مواضيع نفس موضوعج واستفيدي من تجارب الاخوات ،،،

الله يحفظ لج زوجج ويخليه لج ،،،

الله يفرج همج وهم كل مهموم

**عالية الغالية** · 2011-09-16, 10:41

اللهم لك الحمد كما ينبغي لجلال وجهك الكريم وعظيم سلطانك,اللهم لك الحمد حتى ترضى ولك الحمد إذا رضيت ولك الحمد بعد الرضا ,و لك الحمد انت نور السماوات و الارض و من فيهن,و لك الحمد انت قيوم السماوات و الارض و من فيهن,و لك الحمد

الموضوع: مشكلتي أم المشاكل

أدوات الموضوع

عرض

مشكلتي أم المشاكل

المزيد من آخر المواضيع من نفس القسم:

رسالة شكر

المواضيع المتشابهه

بعض المشاكل و الأعراض المتنوعة التي تتعرض لها الحامل,الحلول المقترحة لهذه المشاكل

ابي راييكم في مشكلتي زوجي يختلق المشاكل وانا سويت فيه مقلب تعالووو ابا رايكم....

تكفووون ساعدوني ،،،،، مشكلتي غيييييييييير عن كل المشاكل

في بيتنا مشكله اقراي شوفي المشاكل الله يبعدنا جميعا عن المشاكل