منو يبات وياج؟

**::ملاك::** · 2011-09-11, 11:16

السلام عليكم ورحمة الله

خلونا شوي نسولف عن ال3 أيام اللي نقضيها في المستشفى بعد الولادة،،
خبرونا منو يبات وياكم في الحجرة؟ الوالدة ولا خواتج؟
ولو عندكم بيبي جي تقربيا سنتين،، تخلينه وياج في الحجرة بس فليل يرجع البيت ولا كيف؟

المزيد من آخر المواضيع من نفس القسم:

**سحابة غيث** · 2011-09-11, 11:27

علي حسب عزيزتي
في امهات كبار فالعمر او مريضات يعني لو باتت معاج انتي بتخدمينها مب هي بتخدمج

وفي بنات اهاليهم من قوم الشماليه مثلا وعندها عيال بالمدارس ما تقدر تروح تربي بعيد تضطر تبات بروحها او مع خدامه

عادةً اول بيبي حد من الاهل يبات معاج بس بالثاني والثالث تكون الحرمه تعودت اكثر عن الاطفال وتقدر تتحكم بهم

انا مره بت مع اختي لان امي تعبانه قبل لا اعرس طبعاً

بس الحين خواتي الكبار كلهم معرسات وما اظن وحده بتترك عيالها وتبات معاي مع اول بيبي فيا امي او البشكاره لو اضطريت شو بسوي لازم اراعي ظروفهم بعد

تحياتي لج

**dl3a_uae** · 2011-09-11, 11:37

بالنسبة لي انا بخلي امي تبات وياي
لام هذا اول حمل لي واكييييد محتاجه امي وياي
لان خواتي اصغر عني

**Pink tree** · 2011-09-11, 12:06

أمــــــي

**thariya** · 2011-09-11, 12:26

محد,,,ماعندي بشكارة اصلا,, وامي مريضة وخواتي كلهم معرسات ومشغولات بأمور حياتهم,,
الحمدلله...

***نيويورك*** · 2011-09-11, 12:30

ربي يوفقكن ويسهل عليكن

**ابتسامتي غير** · 2011-09-11, 12:35

امي حرمه عوده مو معقول برقدها عندي واتعبها مع انها كانت مصره بس ما رضيت وخواتي حريم بيوت وعندهم عيال منو بيود عيالهم

فما كان في غير ريلي الله يخليه هو الي كان يبات وياي واييب له لبس وياه ويتسبح عندي ويسير الصبح دوامه لان عطوه يومين بس وانا تميت مال 5 ايام ودامه يبات عندي امي كانت تستلم وتروح البيت بس ما تروح هي وخواتي الا فالليل

**h2h** · 2011-09-11, 13:34

انا كنت ابات مع امي هههههههههههههه

وكنت اساعدها ^-^

وان شاءالله لما بولد طبعا امي او اختي اللي اصغر عني بسنه

وحده من الـ 2 .. بس الاكيد امي خخخ والظاهر امي واختي بيتجاتلون منو يبات عندي

**سوارة** · 2011-09-11, 13:43

عني في كل ولاداتي روحي ما عدا ولاده وحده اخت ريلي فديتها
وعادي ما تفرق عندي كل انسان له مشاغل الحينه

**love rak** · 2011-09-11, 14:09

امي الله اطول بعمرها مع انها مريضه

**ملكة الاحاسيس** · 2011-09-11, 14:14

اخر مرة ريلي بات وياي وكانت احلى ولادة حسيت باهتمامه. وكانت تجربة حلوة

**samah 21** · 2011-09-11, 14:42

يارب تعوضني جنيني اللي راح يااااااارب
ادعولي

**الأماني الكبيرة** · 2011-09-11, 15:06

بتضحكون علي

انا ببجري خدامتي تبات عندي وهي علمتني كيف ارضع البيبي لاني كنت والده قيصري وايدي فيها مغذي

ماخليت امي تبات حرام تسهر وتتعب معايه ولا ام ريلي لانها حرمه كبيره
وانا من النوع اللي يستحي يتعب حد

وبس الحمدلله عدت الازمه على خير

بس بالبيبي الثاني مادري كيف بيكون الترتيب يمكن حد من خواتي تييني واما بنتي بتم عند ابوها وقوم امي بيكون في بيتي ان شاء الله اذا ضبطت الامور

**::ملاك::** · 2011-09-12, 22:31

شككرا ع المشاركة، ننتريا الباقيات

**خيوط ملونه..** · 2011-09-12, 22:54

هذا اول حمل وامي تعباانه اساسا وخواتي كبار محد فايج حقي كل وحده عندها عيالهاا
بجابل رووحي بس هههههههههههـ

الموضوع: منو يبات وياج؟

أدوات الموضوع

عرض

منو يبات وياج؟

المزيد من آخر المواضيع من نفس القسم:

المواضيع المتشابهه

منو مضايقج؟؟؟؟؟؟تبين حد يوقف وياج؟؟

. . . . وبعديــن وياج يا [ كشتي ] ؟

ريلها يبات برع البيت ؟؟

ريلج فالدوام وياج!!

وقت الولادة منو كان وياج؟؟