ليش ابا افهم !!!!!!!!؟؟؟؟؟؟

**نجودالامارات** · 2011-09-10, 15:03

السلام عليكم

شحالكم؟؟؟

والله انا ماعرف شقول بسبب زي المدارس

يعني ابا اعرف اشحقه الوزاره ما يوزعون القطع فالمدارس.. وناخذه ونوديه عند اي خياط ونفصل براحتنا

توني راجعه ممن الخياط اللي في فرع الجمعيه اخر الدنيا ووو لازم لازم لازم نخيط عندهم بالغصب

عنبوووووووو والله العظيم مقاس بنتي شبرين العرض جيه مقاس بيبي او طفل مسوي

وماشاءالله عليها هي صحه فيها وماشاءالله ثاني اعدادي مب يهال هم

الخياطه اللي حاطين حق المدارس ماتشوف يعني لهدرجه لعب

ولا بعد يوم تتصلين عشان نسال مخلصين او لا يفرون السماعه وتمين بساعات تتصلين يعطينا مشغول او طايحه السماعه اشحقه يعني

ليش نتعذب بسبب هالخياطين اللي ينفرض علينا غصب عنا ليش

كل وحدة تشتري القطعه من المدرسه وتفصل عند الخياط اللي متعوده تروح

يعني ليش وزاره التربيه مانعه هالشي بس عشان ياخذون البيزات لهم ونحن نتبهدل ونراكض من

هالخياط ولا بعد يبالي ساعه رايحه وساعه يايه والقياس الحين مب زين لازم ارجعه حق اخر الدنيا

بس يفكرون في نفسهم والبهدله حقنا ليش

اتمنى يغيرون هالنظاااااااااااااااااااااااااااااااام

الله المستعان

وحسبي الله ونعم الوكيل

المزيد من آخر المواضيع من نفس القسم:

**تسونامي** · 2011-09-10, 15:51

العام كان اقمشه كان احسن بس هلسنه وفروها جاهزه لاكن القياسات غلط والخياطه تمشي
اما عن الاتصالات للمدرسه حدث ولا حرج ........

**آه من الآه** · 2011-09-10, 16:44

الله لا يوريج ملابس الثانوية شو سووا فيها ><
و الإبتدائية جنهم يونفور مال الشغالة ..~
إلي أقتنعت فيه شوية ماآأغل الإعدادية بس ..~

و عقولة رافعين خشوفهم علينا ><

**M!$S MU$K** · 2011-09-10, 18:20

‘‘
نحن مدرستنا ثنوي و إعدادي ، عطونا القطع و ما لزمونا بالخياط ، بس أهم شي ما يكون موديل مخالف
مادري ليش مدرسة بنتج مسوين جي ، أحس غللللللللللللللللللللللللط ،

**ساحره العين** · 2011-09-10, 18:31

وين هالنظام في الامارات كلها ولا اماره محدده

**بنت الرحمانيه** · 2011-09-10, 18:32

نحن هذا مراييلنا من من كمن سنه > مال الثانويه
يعني امغيرين اللي عندكم و امسوينه شراتنا
و عنا نحن انروح و ناخذ القطعه من اي محل يبيع قطع مدارس
و انوديه اي خيااط
الله يعينكم ..

**نجودالامارات** · 2011-09-10, 19:25

هلا فيكم اخواتي

قبل هالنظام ماشي وعقب ردوه من يديد والسنه اللي طافت خذينا القطع بروحنا اشترينا من النوع الزين

والحين غيرو الالوان قبل كحلي كان احسن واستر للبنات وحتى لونه ماتغير كنا نقدر نستغله ونلبس البنات هسنه على الاقل شكله مرتب ونظيف ماتغير بس هم يبون نخسر عالفاضي المدارس يبون بيزات الحين اعدادي ولون وردي ورمادي ليش يهالو هم

ولازم تشترين القطع من عندهم وتتدفعين حق الخياط اللي بفرع الجمعيه صوب الورقاء او مردف هناك والمدرسه اسمها الخنساء الاعداديه للبنات في دبي صوب الحمريه وبعد بنات مدرسه الالفيه الخاصه

ليش هالبهدله ليشششششش

كل مره يسون شي ثاني

واللي تبا تتاكد من كلامي تتصل حق مدرسه الخنساء او تقابل اي ولي امر وتشوفون المشاكل اللي بين الخياط والمدارس عنبوووووو

والخياط اللي بالجمعيه اسمه زهره المدني ماعرف يقولون مال وحدة من المدرساااات اوووونه

هي تبا بيزات ونحن نتبهدل

حسبي الله عليهم والله قهررررررررررر

حتى رحت وبدلت ملابس بنتي والله العظيم يالله يالله حصلت قياس زين بس طويل وخذيته الخياط اللي عدالنا تم يضحك يقول شو هذا كله خياطه غلط غلط عنبووو شو هااااااااااااااا

واللي بناتها في الخنساء والالفيه ياريت ادش وتقولنا شو صاير هناك كله بالخياط ضرابه ومشاكل مع الخياطين والمدارس

**هوى بالي** · 2011-09-10, 20:00

نحن مدرستنا في دبي .. ناخذ القطع من عندهم و نخيطها وين ما نبا

**معذبة قلوب** · 2011-09-10, 22:35

نحن بعدنا ما استلمنا الزي والبنات بيداومون ب كندورة مخورة هههههههه الزامي هذا اكيييييييييد بس في مدرسة كدرا للتعليم الاساسي والثانوي منطقة راس الخيمة قسم بالله مصخرة

**فراشه_وردية** · 2011-09-10, 23:08

اب اب اب

**أم حمدة2008** · 2011-09-11, 00:26

الحمدلله في مدرسة عيالي آآآآخذ الزي جاهز وعندهم كل المقاسات أوكييييييييييييي والله يعييييييينكم يا بنات

**برق لمع** · 2011-09-11, 00:49

الله يخليكم على المصخره الي سووها في توزيع الملابس في الشارجه
مذله وفوضى
ووقفي في الطابور حر وموت جنج في طابور مقصف عشان يوم ايي دورج يقولولج القياس مخلص

الموضوع: ليش ابا افهم !!!!!!!!؟؟؟؟؟؟

أدوات الموضوع

عرض

ليش ابا افهم !!!!!!!!؟؟؟؟؟؟

المزيد من آخر المواضيع من نفس القسم:

المواضيع المتشابهه

ابي افهم هذا حسد ولا شو

ابا افهم ليش !!!!

شي شي بس ابا افهم..