قرووب %نظام التخفيف والرياضة المستمرة%

[غلا نفسي]

[CENTER]السلام عليكم ورحمة الله وبركاته

ابدا موضوعي بذكر الله سبحانه وتعالى بقولي لا اله الا الله وحده لا شريك له, له الملك وله الحمد وهو على كل شي قدير, واللهم صلي وسلم على سيد المرسلين سيدنا محمد صلى الله عليه وسلم وبعد.
مساء الخير خواتي العزيزات شحالكم عساكم بخير وعافيه طبعا انا عضوه اعتبر يديده في هذا المنتدى ماصارلي فتره طويله فيه لي مشاركات بسيطه وكانت في قروبات الرجيم طبعا اكثرها لانه مافي وحده منا ما تعاني من السمنه ولكل وحده سببها .........المهم ندخل في صلب الموضوع حبايبي انا اختكم غلا حبيت افتح قروب والي اتمنى اني احصل منه المشاركات الطيبه منكم والهدف من هذا القروب هو التشجيع ثم التشجيع ثم التشجيع ونحط كمن خط تحت هالكلمه لانه الكل يبا يضعف والكل يتحمس بس تيه فتره ويتكاسل وينسى الهدف الي هو يباه فالغرض من هذا القروب انه الكل يشجع الثاني ويهون عليه مسيرته طبعا التشجيع هو شي اساسي لنا لتعدي المرحله بس بعد فيه عامل اكبره من الي هو (الارادة والعزيمه)اذا توفرو في نفس الوقت نحن بنكون حطما الهدف الي نباه واكثر ..........خواتي انا حبيت اسمي هذا القروب بهذا الاسم لاني انا انسانه صار لي مده طويله في عالم الرجيم ماخليت رجيم وماخليت جاي ولا شورت ولا كريم ماستخدمته خخخخخخ كنت مستودع تجارب ما شاءالله عليه ههههههههههه اللهم لا حسد بس الحمدالله ماوصلت للحبوب او الابر او العمليات لين اهنيه واستووووب......اكتشفت من الرحله الطويله في عالم الرجيم انه اصح وانفع طريقه هي التخفيف مش الحرمان او التقيد بوجبات معينه كلنا مانحب التقيد ونمل بسرعه عشان جيه تشوفين عمرج اسبوع وبديتي تملين او تتكاسلين لانه نحن مانحب الشي الروتيني نحب نغير فليش نتعب نفسنا ونتعب نفسيتنا ويانا دام الحل سهل ......خواتي اسمحولي اني بطول وياكم في الكلام بس انا حابه اوضح لكم شوه الاشياء الي مريت فيها وشوه هي تجاربي عشان الكل يستفيد قبل لا نبدا الخطوه اليديده .جربت كل انواع الرجيمات رجيم التمر ولبن رجيم الكيماوي رجيم الشوربه الحارقه و.......الى اخره نزلت ماقولكم مانزلت بس ودرته ورديت لاني حرمت جسمي من وااايد اشياء تفيده هذا الغلط الي نحن نسويه نبا شي ينزلنا بسرعه بس مانفكر اذا له مضره او لا طبع اختكم بعد هالتجارب الفاشله جاسها التحبط والياس وصل لمرحلة الكأبه ليش بعد كل هذا التعب مافيه نزول اواستقرار وبمعنى رضى عن النفس أهنيه بدية اول خطواتي اني يلست اجلب النت فوق تحت اسوي بحوثات لين دخلت هالمنتدى وشتركت بعدها دخلت ع قسم السمنه وكل يوم ايلس عليه بساعات لين ما قريت عن تكسير الدهون ورحت على طول اسال قلت مب خسرانه شي حزتها كان وزني 113 بنات هذا كان وزني ورحت وانا شاده حيلي خخخخخخ وطبعا كلي ثقه وشاقه الحلج ماشاءالله انه غلا راح تبدا حياه جديده دخلت وقابلت المدربه شرحتلي شوه هو التكسير قلت هو واحد اثنين ثلاثه وانه لا تحطين املج انه هو يكون الدافع الاساسي لنزول هو مساعد بس عليج بنظام صحي هو التخفيف وليس الحرمان منها يابنات بديت برجيم التخفيف كملت شهر في الجلسه نزلت تبارك الرحمن في خلال هالشهر 5كيلو ورديت بعد جددت نزلت 3كيلو بس هذا كله مش من التكسير لانه اغلبكم يعرف انه التكسير هو يقلل السولولايت وينزل الدهون ويرتب الجسم ويشده انا كنت اخفف من اكل مع الرياضه المستمره وكثرة شرب الماي هذا له دوووور كبير كثرووو من الماي و نزلت نزول صحي من دون تعب ولا مرضى بعدها حبيت اشجع اكثر دخلت في قروب اهنيه مع خواتي في المنتدى وكملت معاهم لين نص رمضان وبنفس النظام ونزلت والحين انا وزني 100والله الحمد نزولي كان اشوي اشوي في الاسبوع كان كيلو او نص ومرات بالجرامات مع هذا كنت استانس وناقز لاني بذلت جهد بس ماراح ع الفاضي وهذا النزول تعرفون شوه كانت فايدته انه طول رمضان كنت اكل اكل عادي مخففه ولا كنت احرم نفسي من شي والله ياخواتي والله ع كل كلمه شاهد كيلو واحد مازدت في شهر رمضان مارديت الي نزلته كنت العب قبل الفطور بس ع الخفيف بس كنت اكل بالمعقول بس مازدت الزياده الي تردج دبل من الرجيم الحرمان بعد العيد لانه ماشاءالله عيد ورحلات ومناسبات زدت والله الحمد تقريبا 600غرام بس .....السموحه منكم خواتي على الاطاله بس حبيت اوضح بعض الاشياء وخبركم بتجاربي طبعا القروب راح نبدا فيه باذن الله اذا كان فيه اقبال من باجر ان شاءالله .

اساسيات هذا القروب حبايبي اللانتضام والالتزام الشديد وماله هذا الرجيم مده معينه مفتوح لين تحسين نفسج وصلتي للي تبينه الي حاسه عمرها قادره ادش وتشارك بيومياتها لتشجيع حياها الله نحن مانبا نضغط على حد مافي رجيم معيا هو تخفيف من الاكل والاكثار من شرب الماي مع الرياضه المستمره شوه ماكانت من رياضه نبدا الاحد لين الخميس بيكون اخر يوم في رجيم و بيكون لكل اسبوع يوم الجمعه هو يوم كسر الرجيم تاكلين الي في خاطرج بدون التزام لازم نكسر في هاليوم عشان الجسم ينصدم من نظامج ويرد يحرق اكثر طبعا نحن طول الاسبوع نخفف من الاكل اما الجمعه مافي تخفييف كلي ع راحتج عشان تحسين بالفرق مع الايام اذا تعودت معدتج على التخفيف راح تخلين الجمعه بعد تخفيف لانج تعودتي ....فخلي اختي شعارج لكل رجيم هو الابتسامه القناعه والرضى عن النفس اذا توفرت هالاشياء ماراح تتحبطين او تنظرين لنفسج بيأس او تراجع شوه ما كانت النتيجه ابتسمي وقولي الي ياي احسن باذن الله .......فنقول
بسم الله الرحمن الرحيم

اول مشتركه في القروب هي: غلا نفسي
الوزن السابق :113
الوزن الحالي 100
الهدف :65

التسجيل مفتوح لين الساعه 12:30 فليل اتمنى الكل يشارك وحياكم الله

[RIGH

[/RIGHT] [/CENTE

المزيد من آخر المواضيع من نفس القسم:

• اهم أسباب تراكم الدهون في الظهر وطرق التخلص...
• بغيت خلطة تسمين
• حيل ذكية لخسارة الوزن بفعالية وفي وقت قصير
• اسرع طريقة للحصول على بطن مسطح
• اهم أسباب ثبات الوزن أثناء الرجيم وطرق...
• احذري هذه الانظمة فهي تخسس لكن تدمر
• رجيم قاس جدًا سريع المفعول لنسف الدهون بالجسم
• تعرفي على رجيم الكورن فليكس
• تعرفي على جدول في السعرات الحرارية للخضروات
• افضل حمية غذائيّة لإنقاص الوزن بسرعة