شغالتي الاندونسيا حلقت شعر راسها ؟؟!

**خيوط ملونه..** · 2011-09-09, 21:28

السلام عليكم ورحمه الله وبركاته .
بدخل بالموضوع ع طوول ..
انا عندي شغاله اندونسيا من اربع شهوور . .
طيبه وحبوبه ونظيفه ولا تسوي شي بس لها حركااات غبيه ولا نفسيه ماعرف بالضبط ؟؟!
مثلا اليوم حلقت شعر راسهاا كاااااااااااااامل ؟؟ اقولها ليش تقول ماقدر امشطه كل يووم

اقولها حراام كان حلوو وطويل ونااعم تقول عاادي بكره يطلع

وبعد بالليل دايما تترك غرفتها وتروح تنام بالمطبخ وتفرك وجهها بفكس وتقوم الصبح تقول عيوني تعورني اقولها بوديج المستشفى تقول لا ماما مستشفى مافي زين وتروح تحلق حواجبها كامله بموس ..><
بنات والله بديت اخاف منهاا واايد .!
تعبتني نفسيا قمت اوسوس اخاف اربي والسببه هي
احس فيها حاله نفسيه
ماقدر اسفرها انا حامل ومحتااجه حد ينظف لي البيت اتعب بروحي
بناات عاادي حركاتها ولا شو

المزيد من آخر المواضيع من نفس القسم:

**شعاع امل** · 2011-09-09, 21:32

**حلاوة الإيمان** · 2011-09-09, 21:33

تصرفاتها غريبة و مريبة!

الافضل تسفريها لانها مسببتلك توتر و ضغط نفسي كبير

و حاولي تدبري وحدة ثانية غيرها حتى لو بدوام جزئي Part time

**شما سعيد** · 2011-09-09, 21:42

لا تخلينها عندج ممكن تضرج ,ويمكن ساحره شكلج ما تعرفين عن علومهن وخرابيطهم وسحرهم ومنكرهم ! أنا ما أخوفج بس والله خايف عليج لأنه ياما مرن علي ولين قبل يومين ورجعتها المكتب

**نسيم الليل37** · 2011-09-09, 21:47

تدهن ويههـآ بـ فكس ؟

انا اذا حطيت قطره ويهي يولع !
كيف هذي بعد

الله يعينج .. ديري بـآلج ع روحج

سبحان الله وبحمده

**محنية روايبها** · 2011-09-09, 21:50

هههههههههههههههههههههههه
ههههههه والله أني مت من الضحك
سفريها احسن لج اختي هاي بروحها روع

**Nunnok** · 2011-09-09, 22:00

كان عندنا خدامه اندونيسيه ف يوم محد يدري عنها دخلت الحمام
و يوم طلعت منه مافي ولا شعره ف راسها كلنا استغربنا منها
ويوم سالنها قالت حر وهي ما تتحمل الحر ونفس الشي كانت تفضل
تنام فالمطبخ بس شغله الفكس مادري والله اول مره اسمع عنها
بس خدامتنا كملت عندنا سنتين و ما جفنا منها شر

**روووز ماااري** · 2011-09-09, 22:20

بسم الله

هاي تبا تيننبج ..

عن عمري ما استحمل اللي عليهن حركات غريييبه ..

**still night** · 2011-09-09, 22:38

حبوبة نصيحة رديها المكتب شكلها فيها شي نفسي مب طبيعية تحملي على نفسج وضناج منها وفي خدامات وايد ان شاء الله تتوفقين مع وحده احسن عنها ...

**رتوـش** · 2011-09-10, 02:07

انا قلت من الشوب dتحلق شعرها بس صدقها بكرة يطلع ههههههه

اما الفكس عادي يموتون عليه الاندونيسيات

**فراولة_** · 2011-09-10, 02:25

لوووول

هالجنسيه يحبون يهتمون بعمرهن
وانا سامعه انهم يحفون الحاجب بموس عشان يغلض
والشعر بعد

يعني كل هالامور عنايه جماليه
الظاهر مستغله وجودها بعيد عن اهلها خخ
سالي عن هالجنسيه هالحركات شوتعني عندهم؟

**بنت_الدارر** · 2011-09-10, 02:39

سفريها بدون تردد.....مريضه نفسيه خدامتج

**شوشو_24** · 2011-09-10, 02:52

الله المستعان
حركات مب طبيعية

**#وجدان#** · 2011-09-10, 08:44

؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟
ههههههههههه
حركاتها غريبه .. لو خدامتي بخاف منها بصراحه
الله يكون بعونج .. اذا ما تبينها قدمي ع غيرها واول ما توصل الثانيه سفري الي عندج

***وردة بيضاء*** · 2011-09-10, 09:47

اختيه لا توسوسين

ولا تنسين هذولي ناس من بلدان ثانية و لهم عادات و تربية غير عنا

و أسفة اقول حق اللي تقولج سفريها ( حرام قطع الأرزاق )

الله يعلم بظروفها

و هي تقول لج انا حلقت شعري عسب ما اتم امشطه وايد حتى ما تقصر فخدمتج

يعني عسب خاطرج قصت شعرها

و عن النوم فالمطبخ برايها

ترا اذا كانت مداومه بالسعوديه ينومونهم بالمطبخ و يمكن هي متعودة على هالسالفة

يمكن بعد اتخاف نومهتها اتطول اذا رقدت فالغرفة و تضايجين منها من جيه ترقد فالمطبخ عسب اتنش من وقت

اما ان حلقت شعرها أو حواجبها ترى يمكن فقريتهم جيه يسووون . و ما يحاتون شعورهم مثلنا و اتأكدي عقب جم من يوم بتشوفين الصلعة اختفت

و ترى فيه منهم اللي تسوي هالحركة عسب يطلع لها شعر يديد و هي بعيد عن اهلها

فلا تظلمينها و لا تقطعين رزقها دام انج ما شفتي منها شي

الموضوع: شغالتي الاندونسيا حلقت شعر راسها ؟؟!

أدوات الموضوع

عرض

شغالتي الاندونسيا حلقت شعر راسها ؟؟!

المزيد من آخر المواضيع من نفس القسم:

المواضيع المتشابهه

كل وحده ما حلقت عيالها تتفضل

بليززز ابا حلقت خواطر

حلقت شعر ولدي !!!؟؟؟

بنات منو ما حلقت شعرها من صغيرة