مظايجه (عيدميلادي)

[ALAYAH224]

مرحبا بنات شحالكم

بنات اليوم ابصراحه فيه ظيجه غير شكل من ريلي .. ما اتوقعت انه بيتصرف في يوم عيد ميلادي جذه اتخيلوا بنات اليوم عيدميلادي ومول ما سوالي سالفه بس قبل شويه يايني يقولي كل سنه وانتي طيبه وها بعد انا الي مذكرتنه امس ان باجر عيدميلادي والله قهرني انا توقعت بفاجئني بهدايا وبيعزمي على عشا اقل شي ......والله مقهوووووووره منه وانا مسكينه ايمع له ومسوتله ميزانيه خاصه حق الهديه الي باخذله في يوم عيدميلاده لان عيدميلاده قريب في شهر 8 بس ابصراحه مول ما يستاهل حتى ما يستحي يقولي اصبري اتريي الهدايا الي يمكن تتيج من خواتي بخبرهم ان عيدميلادج اليوم اتخيلوا والله يوم كلمني بهالاسلوب فيه صيحه بس صاده ابويهي الصوب الثاني عن انفجر من
يعني انت ريلي وانا اتريا الهدايا من خواتك ابصراحه والله ما يستاهل شي انا الي ما عندي سالفه ايمع له وافكر شوه اخذ له بس والله واااااااااااايد مظايجه

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[dubai85]

ماعرف شو اقولج ^_^ بس تعرفين يوم عيد ميلاده زهبيله هديته وصدقيني يوم بشوفها بيستحي

[^legend^]

احسه يحاول يسوي عمره مب مهتم..بس مسولج مفاجأة ..انتظري شوي


لوووووووووول

[nuno]

ماعرف شو اقولج ^_^ بس تعرفين يوم عيد ميلاده زهبيله هديته وصدقيني يوم بشوفها بيستحي

صح حبيبتي خلج احسن
والريايل مايعرفون من نفسهم يبالهم فتره لين مايتعودون على هل سوالف

ربي ايوفقج

[عيون_الورد]

عادي يالغاليه

يمكن يفاجأج عقب يومين

عاد انتي كوني الاحسن منه وسوي له شي جونان

وغاوووي

[ALAYAH224]

لا اختي ايصراحه ما يستاهل موووووووووووووووووووووووووول

[ALAYAH224]

خلاص شو الفايده اي مفاجاه واي بطيخ والله مول مب مسولي سالفه وثاني شي خلاص طاف عيدميلادي وخلص

[بدور 2000]

حبيبتي خلي عنش فكرة العيد ميلا د ولا تعتبرين إن هذا اليوم مهم بالنسبة لش
إهناك وايد مناسبات أحسن من هاى المناسبة ممكن يقدملش فيها هدايا
ولا تاخذيين على خاطرش من ريلش حرام بالعكس جمعي إشتري هدية لريلش
وقدميها له في أي يوم ثاني غير عيد ميلاده لأن هناك أمور أهم وأوقات أهم
يفكر فيها الريال عشان يهدي زوجته وهاى نصحتي وإسمحيلي

[عيناويه_111]

اقوووووووووولج ماعليييييييج من حد يوم عيد ميلاده زهبيله الهديه اللي فخاطرج ..
وحتى اذا ماياب لج هديه عادي لاتزعلين يمكن مضايج من شي والله يعلم ..

[ضحكة قلب]

أنا مريت بهالموقف أول سنه من زواجنا كان ناسي وهو اصلا بعدما عنده هالسوالف اتخيلي كان ناسي وانا مول ماذكرته وفييوم ميلادي صديقاتي واهلي كل شوي يطرشون مسجات ويتصلون يباركولي هو استغرب قالي على شو يباركولج شو السالفه قلتله ميلادي وحسيت انه مااهتم في البدايه وقالي كل عام وانتي بخير صح اتضايجت بس سكت ويوم يا تاريخ ميلاده سويتله مفاجآت وهدايا حسيت انه افتشل وايد واتلوم وحس اشكثر الفرحه في انه اقرب الناس يتذكرونك في يوم ميلادك انا مااالومه لأنه في من الريايل مب متعودين على هالسوالف انت تعودين ريلج والله مااقص عليج ثاني سنه يوم يا تاريخ ميلادي اول واحد هومطرشلي مسج من الساعه 12فليل اول ما يبدأ اليوم مع انه يرقد من وقت وخذالي هدايا وعزمني في مطعم بصراحه استانست وااااااااااااااااايد وما توقعت وحسيت انه يوم غير

[الزهبه]

الله يهديكم سواء ياب والا ما ياب كله واحد
المهم اتكونون مستانسين ومرتاحين وياهم
اذا هوه ما عطاج انتي قدميله هديه مره مرتين صدقيني بيستحي وبنفسه بيبادر بالمثل
وموفقين جميعا

[أم منــصور]

هلا الغاليه شوفي الريال بطبيعته ما يميل للاشياء الرومنسيه و سوالف هدايا و انتي خلج احسن منه فكل شي و حق يوم ميلاده جهزي الي كنتي تبين اجهزينه من هدايا و اشياء دلع و خلج الأحسن و انا متتأكده انه بيستانس واااااايد وايد و بسج لاتزعلين على كل شي

[لافاندر]

الشباب طبيعتهم ما يهتموووون بهالأشياء .. أول سنه ما عبرني لأنه ما يهتم وبالصدفة كان مودني مطعم ويت الساعه 12 فالمطعم ربيعتيه الروح بالروح اتصلت تبارك وهو خبر خير .. تميت أنغزه وزعلت وحسسته انها مناسبة مهمة بالنسبة حقي .. والسنه اللي عقبها وداني فندق مميز و يابلي هدية طقم من داماس فدييييييييييييت ويهه .. قلبي عورني علييه .. لأن ما كان شي في خاطره ويوم عرف بأهمية الأمر بالنسبالي سوالي سالفة ..

حتى لو ريلج مب مهتم صدقييييييييييني ما يهم دامنه عندج ومؤيحنج في كل شي .. ولا تقولين ما يستاهل .. وسوييييله ودلعيييييييييييييييه وبيستانس وبيحس بأهمية المناسبة بالنسبالج


وعسى ربي يهنيكم

[أم حنان]

أولا ماله داعي تنقهرين ولاشي
ثانيا عيد الميلاد حرام حرام حرام حرام حرام

ثالثا لاتستوين عاطفية زيادة عن اللزوم بتمرين بمواقف أخس عن جيه

والله يوفقج

[FrAsHa]

صاري نفس الموقف........صح انقرهت وعصب ...وتميت مضايجه اسبوع ....بس كشخت نفس اليوم ولبست احلى شي عندي....وطبعا حاول يبرر موقفه...


بس اختي مفروض ما ترديله الحركه خلج كووووول....اصلن لو سويتله شي يجنن يوم ميلاده .....بيحس باليوم اللي طوفه...اللي هو يوم ميلادج......


الله ييسر امورج