بــلادي تــايلاند

[وفاء ولين]

برنسيسه
كل الشكر لج حبيبتي وماقصرتي وبارك الله فيج

المزيد من آخر المواضيع من نفس القسم:

• اهم المعلومات عن وسائل المواصلات والتنقل في...
• ألينتيخو البرتغالية اجمل الوجهات السياحية...
• جزيرة بالاوان اجمل الجزر الطبيعية في الفلبين...
• كانازي قرية إيطالية خيالية بأجواء لامثيل لها...
• اجمل الأماكن السياحية في كوتور
• جولة سياحية لاجمل المعالم في ألبانيا
• بولندا تفتتح أعمق مسبح في العالم
• اجمل اماكن سياحية من العصور الوسطى في كوينكا
• طيران الإمارات و«فلاي دبي» تستعيدان 70 و50%...
• لقطات مثيرة من جودبور المدينة الهندية...

[Snyoreeta]

السلام عليكم

بس بغيت اسألج عن الميزانية اللي تتوقعينها
ل 10 اشخاص (6 كبار و 4 صغار)
من تذاكر كم يبالها
وصرف هناك كم يباله
مع العلم الدخل الشهري 25 إلى 30 ألف دلاهم

[The-Princess]

وفاء ولين / العفووو ياقلبي

-------------


Snyoreeta

هلا ياقلبي والله مب عارفة شلون اسعاركم بالامارات حبوبة لأني انا من ( قطر )
ومن ناحية الصرف عاد انتي ومشتراج يالغاليه تبين شي ماركة او رخيص على حسب يعني

[روح16]

هلا اختي اشحالج' بغيت اروح على اخر شهر 6 و ابا اخذ ميكاب و كريمات و ادوات للصالون من اى. مكان تنصحيني اخذ الاغراض و ابا ماركات تقليد درجه اولى بالنسبة للشنط و اكسسوارات بليز دليني على اماكن حلوة في بانكوك و ابا اروح مستشفى حق الليزر الله يخليج دليني على اماكن. مضمونه و مشكوره حبيبتي

[The-Princess]

هلا فديتج

بالنسبة للميك اب عندج وايد مجمعات موجوده هناك وحتى عندهم ماركات عالمية وعندهم ماركاتهم

سيام براجون - سنترال شت لوم - أمبوريوم - سنترال وورد

شوفي اذا تبين شركة طبية تشبة ( بادي شوب ) في ماركة اسمها ( اورنتال ) بتحصلينها في وايد اماكن وعندج أم بي كب في الطابق الثاني قريب من محل ( باتا ) بتحصلين هالمحل بعد / عندهم ميك اب وعندهم كريمات

في شركة تبيع كريمات وشامبو وكل شي يخص الجسم للامانة من احسن الشركات الي مرت علي صدق صدق رهيبه بس للأمانه غالية هب رخيصة هو الكشك بتحصلينه في مجمع سيام براجون بشوف لج اسم الشركة

وخذت بعد صابون رحيته مثل ريحة البي بي صدق عجيب بس من ماركة ثانية بعد في سيام براجون

ومن ناحية الشنط التقليد عندج مجمع ام بي كي في اكثر من محل يبيعون كوبي 1

ومن ناحية الليزر للامانة انا شفت اسعارهم اغلى من عندنا ما ادري اي ليزر بالضبط تبين حق الجسم انا حسيته اغلى لأن شفت في كذا مكان

شفت في ( بانكوك هوسبيتال ) حسيته اغلى وحتى في مجمع سنترال شت لوم بعد شفت الاسعار وقارنتها مع اسعارنا الصراحه اغلى


اي استفسار حبوبة انا بالخدمة

[روح16]

مشكورة حبيبتي برنسيسه كنتي ويائ في بلاكبيري مسنجر بس احين مو موجودة كفيتي و وفيتي حبيبتي

[دهن_العود]

هلا وغلا
فديت روحجً انا بسير ويا بناتي ربي يحفظهم

9 سنوات
7 سنوات
5 سنوات

وبتكون الرحبه 10 ايام
فلو ماعليج امر اتسويلي جدول ل هال 10 ايام
نحن سايرين حق عيالي

بانكوك وبوكيت

يزاج الله كل خير
للعلم انا اول مره اسيرلها
واول مره اشل عيالي ويايه

ابو العيال كان يبا يسير صوب المانيا ميونخ وزيلامسي
بس حسيت تايلند فيها متعه واماكن للعيال اكثر
والفنادق او نسكن في منتجعات

بكون شاكره لج غناتي



السفره بتكون باذن الله من تاريخ ٢٤-٦-٢٠١٣
الين ٤-٧-٢٠١٣

ويزاج الله كل خير

[zezu & luza]

مشكوووووووووووووووورة ع المعلومات عن بانكوك

[The-Princess]

دهن عود / سوري ع التأخير حبوبة

هلا فديتج

من ناحية بوكت ترى حدها بالكثير يومين او ثلاثة

للأمانة ترى مافيها شي غير ( بحر و فتاسيا للأطفال )

من ناحية تايلاند عندج ( مدينة الألعاب دريم وورد - سفاري وورد - سيام أوشن )

واذا حبيتي تتسوقين + لألعاب للأطفال عندج مجمع سيكون سكوير ( خامس أكبر مجمع بالعالم )

بس خليها على الاقل يومين شوبنج في بانكوك لأن حتى الشوبنج ماراح تخلصينة في أسبوع

ركزي اكثر شي الشوبنج على ( أم بي كي - سيام براجون - باتينام سنتر )

من ناحية الطيران تقدرين تحجزين عن طريق موسى البانكوكي هو في شارع العرب وايد ( أمين ) عن الطريق الطيران التايلاندي وايد اوكي داخلي


يعني مثلا :

انتو بتسيرون من 24-6 لين 4-7

تاريخ 25-6 سيرو أول شي صوب شارع العرب احجزو حق أي مدينة ألعاب ( دريم وورد او سفاري ) وبعدها سيرو ام بي كي تتسوق ( بس لين تبون تحجزون من أي مكان أنا اقول أحسن تحجزون سيارة من موسى البانكوكي اظمن لكم اسألوه اي احسن وقت تسيرون حق الألعاب لأن في أوقات يودون المدارس ويصير وايد زحمة تقدرون تحجزون عندج تذاكر الدخول بس احنا دوم نسير هناك ونحجز لين وصلنا بس ناخذ من عنده باص فقط

تاريخ 26-6 بتكونون ان شالله في مدينة اللالعاب واذا رجعتو تقدرون تسيرون اي مجمع ثاني مثلا سيام براجون أو سنترال شت لوم او ZEN

تاريخ 27-6 سيرو احجزو حق بوكت انا اقول 3 ايام وايد عليها

28-29-30 ( بوكت )

تاريخ 29 سيرو فنتاسيا بس تحملو تفوتون ( الشووو ) صدق حلوو

تاريخ 1-7 ارتاحو شوي بتكونون تعابه من بوكت سيرو مجمع ام بي كي

تاريخ 2-7 سيرو مجمع ( سيكون سكوير ) او تقدرون تسيرون مثلا سفاري وورد

تاريخ 3-7 اذا مارحتو سيكون سكوير تقدرون تسيرون


هاي الرحلة حبوب رتبتها لج

ولج الاختيار فديتج


اوقات المجمعات من الساعه 9 صباحا حتى 9 ونص ليلأ

واذا تبين فنادق حلوة في بانكوك احنا دوم نيلس في فندق ( جي دبليو ماريوت ) هذا وايد امان وعداله مجمع تابع حق الفندق فيه سوبرماركت يفتح من الصبح لين 9 في الليل وهالفندق في الحي العرب

واذا تبين في بوكت انصحج بفندق ( لوميريديان ) صدق صدق راح يستانسون فيه اليهال

[روح16]

اخت برنسيس اشحالج حبيت اسالج تعرفين عن فندق دوسلدورف في بانكوك و كيف من ناحبية النظافه و اذا قريب من الاسواق و حيالعرب و كيف بليز ارشديني

[فيونكه ورديه]

بس انا حاليا ادور على شقق فندقيه ف شنغماي وتكون قريب او ف موقع النايت بازار بنات لو تعرفوون أتمنى تساعدوني فديتكن ...

[فيونكه ورديه]

فندق رويال سويت ف بانكوك هو عباره عن شقق فندقيه قريب المستشفى التايلندي الملكي نظيف ومرتب وخدمهتم راقيه واسعارهم معقوله ماشاءالله ومعاملاتهم حلوه ومحترمه وهذا رابطهم http://www.agoda.ae/asia/thailand/ba...residence.html

[بين الرموش]

مرحبا خواتي

بغيت اعرف شو محلات الملابس الحلوة في ام بي كي ، سمعت عن محل للفساتين الدانتيل وايد حلوة وراقية ، اللي تعرف ترد علي
بانتظار الرد

[سارا البنا]

مرحباً اختي بين الرموش ، بخصوص محل فساتين الدانتيل في ام بي كيه هو موجود في الدور الأرضي ان وقفتي مجابل مستر دوناتس بيكون على يسارج بالضبط وفعلا فساتينها تجنن ، اما الأخت الي تسال عن المسافة بين المستشفى الملكي وفندق اماري تقريبا نص ساعه ان ما شي زحمه ، بس الله يعين للي بيسافرون تايلند بعد العيد لانه بتكون وايد زحمه والي أعرفهم كلهم حاجزين لها بس نصيحه اسكنوا بعيد عن نانا هالفتره ، أجازه سعيده للجميع

[The-Princess]

شخباركم بنات وحشتوني

كل عااااام وانتو بألف وخير وصحة وسلامة

حبيت أقول لكم انا رجعت لكم والي حاب يتسفسر عن اي شي يخص تايلاند انا في الخدمة