بــلادي تــايلاند

[راعية الدار.]

رحت لها 3 مراااااااات

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[The-Princess]

هلا فديتج ام بيات / هو تقريبا المجمع صوب المطار بس وايد كبير كل شي فيه واسعاره مناسبه حبيبتي

[أم بيات]

مشكووووره غناتي ما قصرتي

[musk2013]

شخباركم بنات وحشتوني

كل عااااام وانتو بألف وخير وصحة وسلامة

حبيت أقول لكم انا رجعت لكم والي حاب يتسفسر عن اي شي يخص تايلاند انا في الخدمة

يعطيج الف عافية والله يجعلة في ميزان حسناتج
اختي انا راح اروح بانكوك بعد العيد انشاللة وحجزت فندق قريب من المستشفا الامريكي لاني انا رايحة علاج مع زوجي اسمه اجنة اركيديا Arcadia Suites بغيت اسالج هل اهو زين ويصلح للعوايل مع العلم انا معاي عيالي سبع سنوات وست سنوات وبغيت اسالج ابي منتجع في بانكوك عشان اخر جم يوم ودي اسكن فيه ويفضل فيه حمام سباحة خاص ومشكورة واسفة اذا طولت علية

[The-Princess]

musk2013 / هلا فديتج اي ياقلبي الفندق اوكي ونظيف

بس انتي لو سايره المستشفى الملكي ( بانكوك هوسبيتال ) بملايين المره احسن من الامريكي

الامريكي وايد ينهبون الواحد صايرين ماديين وبعدين الملكي تعاملهم وعلاجهم وايد احسن

منتجعات في بانكوك صعبه تحصلينها لأن بانكوك نفسها مافيها بحر

بس لو تسيرين بوكت او هواهين او كوساموي او في في او شنق ماي او شنق راي

عندج بعد محمية خوسوك / كلمة روووعه شوي عليها انصح اي وحده تروح لها واايد حلوووه والحلو الي فيها العرب مايعرفونها

[*غرنوقه*]

نحنا إن شاءالله بنسير تايلاند عقب العيد و بنسير بوكيت بس شو تنصحيني أول ما أوصل بانكوك نحجز لبوكيت على طول ولا نقعد كمن يوم نرتاح من السفر و عقب نحجز لبوكيت،، و شو الأماكن الترفيهية في بانكوك وبوكيت للعوايل و اليهال ؟ وشو تنصحيني أفضل الفنادق في بانكوك وجريبة من الأسواق و في بوكيت؟؟
السفرة ل 10 أيام هل بيكلفنا إذا رحنا ل 3 مدن بانكوك وبوكيت وشنغماي؟

[musk2013]

مشكورة ماقصرتي انزين جم تبعد محمية خوسوك عن بانكوك وهل في ملاهي وشلون الجو فيها وفيها سوق ويعطيج الف عافية

[The-Princess]

هلا فديتج

المشكلة في خوسوك مافيها مطار

يعني لازم تنزلين في مطار كرابي او بوكت او سورات ثاني

اذا نزلتي في هالمناطق تقدرين تروحين خوسوك يا بالباص او الباخره او قطار

شوفي تقدرين تروحين بانكوك ومن بانكوك تطلعين على سورات ثاني ومن عقبها تاخذين باص يوديج خوسوك ( من سورات ثاني لين خوسوك تقريبا ساعتين او ساعه ونص )

بس مب متذكرة حبيبتي شكثر تبعد عن بانكوك

خوسوك في الجنوب

[*غرنوقه*]

غريبة ليش ما رديتي علي؟؟

[شمخاويه]

ابا اعرف وين اقدر احصل سوالف ماركات تقليد درجة اولى

من شنط.. جواتي..كعووب.. اكسسواراات.. ملابس..احزمة ..ساعات

بس تكون درجة اولى

[سارا البنا]

مرحبا وكل عام وأنتوا بخير وينعاد عليكم بالصحه والعافيه ، بخصوص البضاعه التقليد الدرجة الاولى بتلقينها في سوق الليل في المحلات اللي عالاطراف مب الاكشاك اللي في النص عندهم احدث الموديلات ومن كل الماركات ، وخبرونا بكل يديد تلقونه في تايلند

[شوق الشهد]

فديتج وين بحصل محل لأدوات المطبخ والكيك والحلويات في تايلند ............

[مريم الفهد]

هلا اختي
بغيت اعرف وين اقدر احصل شركة شحن تشحني اغراض من بانكوك الي للامارات وتوصلها بامان وبسعر معقول

[عيون الطير]

هيه غناتي حتى أننا بغيت أعرف شركه شحن للأمارات

[سارا البنا]

مرحبا ، الخوات اللي يسألون عن الشحن بتحصلون وايد مكاتب سياحه في فريج العرب (نانا ) يشحنون ، انا أتعامل مع مكتب الفرسان عند وحده اسمها (جميله ) وشغلها ممتاز وأمينه وايد واسعارها في المتناول ، ان شاالله أفدتكم