مشكلتي مع الضيجة

**مها الكعبي** · 2011-09-03, 05:53

السلام عليكم والرحمه
هلا خواتي

الصراحه انا كنت افككر اكتب موضوع هون عسب الاقي حل بإذن الله تعالى

المهم عندي صديقه واعتبرها اكثر من اخت بالنسبه لي
قريبه مني وااااايد ولو كنت مهمومه ورمستني ع طول استانس وانسى كل شيء

المهم مشكلتي هيه يوم مثلا اطرج لها مسج وما ترد عليه او ادق عليها وما ترد
اعصب واتضايج واتم اصيييح لابعد شيء احس بحرقه في قلبي
ويتم الشيطان يوسوس لي واشيك بغلاي ومعزتي عندهاا

ومرات يوم ترمسني ع المسن اتم اقولها كلام يخليها تتضايج مني بس والله ما اقصد
وعاد انا ما استحمل انها تتضيج واتضايج واصيييييح
بتقولون هاي شو ما عندها سالفه اتصييييح
بس صدقوني حاولت وحاولت ابعد عني الضييجه او اني ما اصييييح
بس ما ااقدر

حتى هيه تتضايج مني

اريد اتخلص من الضيييجة يلي مسبببه لي ازمه حتى ع اتفه الاسباب اتضايج واعصب
اخاف اخسر اقرب الناس لي سبت ضيجتي

ان شاء الله تساعدوني وتنصحوني شو اسوي
والسموحه قرقرت واااايد هههههه
الله يحفظكن يااارب

المزيد من آخر المواضيع من نفس القسم:

**USA Online** · 2011-09-03, 06:05

uuuuuuuuuuuuup

**غلا شهوب** · 2011-09-03, 08:34

اقري سورة البقره كل يوم

**الأحلام الملونة** · 2011-09-03, 12:03

حبوبة الدنيا لا تستاهل نضغط روحنا أكثر من المفروض

نصيحتي لك تقربي من الله أكثر أكثري من الطاعات والتسابيح وأشغلي نفسك بربك أكثر من آي أمر بالحياة

وكوني على قناعة كل شي فاني أللي وجهة الكريم أذا قويت هذة الطاقة عندك لن تهتمي بآي شي دنيوي

الله يهديك لما يحب ويرضا

**ابداااع للتصميم** · 2011-09-03, 12:32

للللللللللللللللللللللللللرفع
ان شاء الله حد يفيدج

**bellegirl** · 2011-09-03, 14:57

لا حول ولا قوة إلا بالله

غاليتي

استهدي بالله وكبري عقلج

استغفري واذكري رب العالمين

اقري قرآن وطمئني قلبــج

ما يسوى عليج الهم والغم بتشردين من حولج كل من يحبج ^^

أكيد انتي ما تقصدين بس الشيطان شاطر أختي

والمؤمن بطبعه ايجابي متفاؤل يرى الحياة بمنظور الخير

أنا شخصيا كمثال ما أرد وايد على الموبايل ما أحب

عادي توصلني مسجات وما أرد عليها

بس مب معناته هالناس مب في قلبي وما أحبها لا ابددا

ويمكن ربيعتج نفس الشي أو يمكن فقط تنشغل في مشاغل الحياة

فلازم انتي تعذرينها وأهم شي تفكرين في نفسج

وكيف بتتغيرين للأفضل ويكون أفضل ان قريتي كتب ودشيتي دورات عن تطوير الذات والتفكير الإيجابي

والله يوفقج لكل خير

**شعاع امل** · 2011-09-03, 16:25

اختي انت حساسة واااايد ولازم بالاول تشوفين شو السبب وتعالجين المشكلة يعني تتقبلين نفسك بالاول عشان الناس تقدر تتقبلك الناس ترى ماتتحمل صديقتك اكيد انسانه طيبة بس في النهاية هي بشر مابتتحمل.

**بـقـايا حـلمـ** · 2011-09-03, 16:45

كـم عمـرج .؟

فديتـج صح صديقتـج ، بس حولـج نـآس وآيد يحبونـج ويخـآفون عليـج
حولـج خوآتـج خوآنـج أمـج وأبوج ، شو ذنبهـم يشوفونج مضـآيقه .؟

أول مـآ تحسين أنـج تبين تصيحين لـ هذآ السبب ، قولي السبب مـآ يستاهل وصغريـه فـ دآخلج ،
واستغفري ، وتمي استغفري ، وسيده غيري مكـآنـج ، ولا تيلسين بروحج
روحي يلسي ويـآ هلج فـ الصالـة ،

ترآ مـآ في شي يستـآهل ، وعقب بتندميـن أنـج ضايقتي بـ عمرج لهـآ الأسبــااب
تنكيـديـن على عمرج ، وعلى النـآس اللي حولـج وعلى ربيعتـج ، والسبب بسيط ومـآ يستاهل ،

الله يهدي بـآلج يـآرب

**الكـــــاذي** · 2011-09-03, 17:28

لازم تحطين شي في بالج،،، وقتج مب ملك لج،،100%،،، صح؟؟؟
وربيعتج نفس الشي؟،، وقتها مب ملك لها،،، يمكن مشغوله؟؟،، نايمه؟؟،،، او عندها ظروف خاصه

فخذيها قاعده اتصلي مره وحده،، وبس إذا ردت ع اتصالج كان بها،، واذا ما ردت يعني مشغوله
واذا عندج شي ضروري طرشي لها مسج،، وصدقيني لما تفضى بتتصل بج

فديتج أعرف ان شي حلو انج تلاقين شخص تفضفضين له،، بس الله ما رزقنا الحياة عشان نعيش فيها المآسي وبس،، سولفي مع ربيعتج عن الأمور الحلووة في الحياة،،

ترى مهما كانت صديقة صدوقة،، لها حد معيّن تتحمل ضيقتج،، لأن هي مب اسفنجة تمتص شحناتج السالبه ،، وتفكيرج السلبي،،
انتي بتخسريها بهالطريقة،، لأنج غرستي في عقلها،، كل ما شافت رقمج،، ان عندج مشكلة وبتشتكين

لازم تتدربي نفس على الصبر وضبط النفس،،

**ورده شتاء** · 2011-09-03, 22:27

عزيزتي سبب الضيج انج تربطين سعادتج بصديقتج
اختي السعادة لازم تنربط برضا رب العالمين

**سماويه** · 2011-09-03, 23:08

الله يعينج اختي

حاسه فيج لاني مريت في هاي التجربه قبل سنيين

الحمدلله الحين يوم اعيد شريط الذكريات اضحك و اقول اشكثر كنت خبلة

هدرت دموعي و ليالي واحيانا ايااام .. على ناس مش حاسين باللي احسه

قبل كل شي هل انتي مقتنعه بأعذارها يوم ما اترد ... والا انتي متأكدة انها تسوي هالشي عشان تتجاهلج؟؟

((لا اتقولون عني سلبيه يا بنات .. لان في ناس جيه في الدنيا .. يتعمدون التطنيش)) خلونا واقعيين

وانا متأكدة 100% انج خبرتيها اشكثر تجاهلها لاتصالج يضايقج

مع هذا هي احيانا ما ترد عليج !!

طيب يوم الشخص يعرف ان هالشي يضايقك و مع هذا يسويه ... معناته ما يستاهل ضيقتك

صح نحسن الظن .. و نعذرها .. واحتمال كبير انها اتكون مشغولة و الخ الخ الخ

بس اعتبريني مثل اختج العودة و تعلمي من تجربتي

احيانا الشخص يتعمد يتجاهل الناس اللي يركضون وراه .. لا تزعلين من كلامي

انتي تحبينها .. و حلو هالشعور .. لكن خليه بينج و بين نفسج

ما يحتاي تشرحيلها اشكثر انتي مب قادرة اتعيشين بدونها

لما اتصير تصرفاتج طبيعيه (اقصد مش مبالغه في الحب)

صدقيني بترجع علاقتكم طبيعيه

وبالعكس بتستانس ع سوالفج و كلما اتصلتي بترد عليج

واذا ما اتصلتي .. هي بتتصل وبتتطمن عليج

خليها صديقه .. و اخت .... مثل باقي البنات

لا تعطينها اكبر من حجمها (اللي هي للاسف ما تقدر تستوعيه)

طبعا كلامي هذا في حال هي كانت تتعمد تجاهلج ... اما اذا هي صدق مشغولة ومعذورة .. معناها المسامح كريم

وما بقولج لا اتصيحين

لان اذا الصياح يريحج و يفرغ الطاقه السلبيه اللي في داخلج

صيحي كثر ما تبين

واعتقد صياج سببه مش عدم رد البنت على اتصالاتج (فقط)

انما هو تجمع الاسباب كلها .. لانج متصله تشتكين و مب محصلتنها و متضايقه من شي اولردي

وفوق هذا تجاهل ربيعتج والا انشغالها

و تذكري ان (الشكوى لغير الله مذلة)

صدقيني كلما تضايقتي توضي و صلي ركعتين ما تاخذ من وقتج خمس دقايق

واشكي لرب العالمين ... بتحسين براحه نفسيه ما تتخيلينها

وعسى الله يديم محبتج لربيعتج ومحبتها لج

ولا يحرمكم من بعض يااارب

والله يوفقج حبيبتي ^_^

**رضآٳڪ يٳ ربٳه** · 2011-09-04, 02:54

" حسبنا الله سيؤتينا الله من فضله انا الي الله راغبون "

***نيويورك*** · 2011-09-04, 03:05

وزعي اهتماماتج ومارسي هواياتج لا تسوين فراغ وقتي عشان مايصير عندج فراغ عاطفي وان شاء الله ماتحسين باي ضيجة

**LADY LOVE** · 2011-09-04, 03:32

اختي اكثري من الاستغفار وحاولي شتغلين عمرج

**شهد الظاهري** · 2011-09-04, 08:55

إاتقربي من اللـه ..

الموضوع: مشكلتي مع الضيجة

أدوات الموضوع

عرض

مشكلتي مع الضيجة

المزيد من آخر المواضيع من نفس القسم:

المواضيع المتشابهه

ردت علي الضيجة دخليلكم ادخلووا

بموت من الضيجة

ساعدووووني صدق بموت من الضيجة

حور المجروحة بتموت من الضيجة

ادعولي يابنات الله يطلعني من الضيجة الي أنا فيها