ساعدونس يا حلوات

[فاتنة الخليج]

السلام عليكم ورحمه الله وبركاته
شلونكم يابنات
حابه احكيلكم معناتنا مع حشره البق
يبنات والله مجننا وملعوزنا جربنا كل شي تصدقون مايموت بالمبيدات الحشريه
يعني حاله مايعلم بها الا الله
الله يجزاها خير اللي عندها اي معلومه او حل نهائي تفيدني والله لادعليلها من كل قلبي

المزيد من آخر المواضيع من نفس القسم:

• طريقة ازالة الدهون من الاوني بسهولة وفعالية
• طريقة عمل منظف للزجاج طبيعي في المنزل
• خطوات تنظيف المنزل بوقت قليل وبدون تعب
• افضل طرق تعطير غرف النوم سهلة وفعالة
• طريقة عمل معطر هواء طبيعي في المنزل حصري
• طريقة تنظيف العباية السوداء من بقع المناكير
• طريقة تنظيف الجينز بسهولة وفعاليه
• طريقة تنظيف حوض المطبخ بسهولة وفعالية
• فوائد تخزين القهوه في الفريزر
• كيفية استخدام الخل لتنظيف السجاد

[غناة الروح]

شوهاي حشرة البق؟؟؟ كيف شكلها؟؟

[فاتنة الخليج]

اختي سوي بحث عنها من النت وبتعرفين كل شي

[برق لمع]

هاتي شركة مكافحه الحشرات وفكي عمرج

[ملكه دبي]

الله يفكم منها، لازم اتغيرون كل الاثاث، و اتصلوا فالبلدية عشان اييون يرشون البيت

[أمـ فيصل]

للرفـــــــــع

أستغفر الله وأتوب إليه

[ياقوتةخضرا]

هذي طريقة وحدة قريتها في احد المنتديات :


"طريقه القضاء عليها سهله :

اول شي تجيبين هالادوات ...

1 بف باف
2 نفتالين ماعندي صورته بس معروف
3 الشمس

الطريقه :

شلي خشب السرير وحطيه في الارض
هاتي بف باف وبخي على كل منطقه فيه
وبخي تحت السرير

بخي على المرتبه والثنيات

بعد هالشي افتحي الدريشه علشان الشمس هي اللي فعلا تقضي عليها وماتخلها ترجع لبيتك

انا خليت الدريشه اسبوع كامل وماشاء الله الشمس طول الوقت تسطع على الخشب والمرتبه

بعد اسبوع كل شي راح يكون تمام الحمد لله

جيبي المكنسه الكهربائيه وكنسي المرتبه وركزي بين الثنيات

بعدها هاتي كلوركس واريال وبروش الموكيت ونظفي المرتبه
وخليها تتهوى الين ماتنشف

حطي نفتالين على خشب السرير
خاصه لما تتركي بيت اي مكان فيه خشب حطي نفتالين عليه
بعدها رجعي كل شي مكانه ودايم خلي الشمس تدخل الغرفه"

الطريقة الثانية تغيرين المراتب
وتحطين الأثاث برع في الشمس
وتيبين شركة مكافحة الحشرات وتكون متخصصة في البق Bug

[reem hamad]

كلام الاخت ياقوته صحيح ... بس اتحملي اتخلين عيالج في البيت يوم اترشين الاثاث...
والحلوت اللي مايعرفون حشرة البق .. هذا اليوتيوب مالها ... وللعلم يكثر تواجدها في الاماكن المظلمه ... مثل الاسقف الجبسية .. داخل سوكيتات الكهرباء... حياتها مثل الدراكولات .. تنخش بالنهار وتظهر في الليل .. تمص الدم وترد مكانها تنخش ...

http://www.youtube.com/results?searc...&aq=0&oq=bedbu

[فاتنة الخليج]

والله يا اخواتي لقيتها بفرشة التخت ورميته وجبت غيرة ونظفت ما خليت شي الا استخدمته اختفت اسبوعين وعقب اسبوعين لقيتها علي مخدة بنتي الصغيرة وهيني رشيت الغرفة بايقن كلها ونظفتها بالكلور والجاز علي امل انو ما اشوفها تاني وطول النهار مشغلة سورة البقرة وربي المعين انشالله

[اريج الندى]

السلام عليكم
اختي العزيزه لزم تغيري اثاث البيت الخشبي يعني السراير او الكنب لانه يتجمع بالخسب ويبض فيه
يعني ممكن تموت وحده تولد بدالها 10 اذا ما زال الخشب موجود ، جارتنا صار معها نفس الشي غيرت اثاث البيت كله والفرش وجابت شركة ترش مبيدات خاصه للبق وخلت البيت بعدها معرض للشمس وهو فاضي يومين وبعدين جابت فرش جديد والحمد الله اختفى من عندها .
تحياتي الغاليه

[Rock n Rose]

حبيبتي احنا بعد كان عندنا هالحشرة في البيت وتلعوزنا وااايد واايد كلنا تحسسنا بعيد الشر عنكم
لازم ما تصبرين اكثر ويبي شركة مكافحة للحشرات هم متخصصين وبيساعدونكم
في مبيد خاص بس بهالحشرة وينباع الغرشة بـ 70 او 80 من عند هالشركات المتخصصة بتلقين ارقامهم في الوسيط
لازم اتطلعون الاثاث كله في الشمس كم يوم وترشونه بهالمبيد اكثر عن مرة
لان البق الله يبعده عنا يتكاثر بشكل كبير ويبيض بالملايين صغيير ومؤذي مجرد اني اذكر اسمه اتقشعر لاني جربت المعاناة منه
الله يعينكم اختي ولازم تتخذون الاجراءات بسرعه وهو يطلع في الفراش والكراسي اكثر شي
ويكون على شكل تجمعات صغيرة في الزوايا الضيقة والصغيرة وينتشر بشكل فظيع
هي حشرة شفافة تمص الدم يوم تعض فحتى اذا رصيتيها ما تلقين منها إلا دم

الله اعلم سمعت ان هالحشرة تطلع من الحسد
الله يبعده عنا وعنكم وعن كل المسلمين

[شما المرر]

هآتي شركـه اتنظف البيت ولا طلبـي من البلديـه . .

[Miss Tashy]

يبالج تظهرين الاثاث يومين بالحوش + ييبي شركه ترشلج مبيد وطبعا يومين لازم تكونين برع البيت ولاحظي اكثر الاماكن اللي يتواجدون بها تحت الموكيت والفراش واذا شفتي بقع سووده باي زاويه بالبيت يعني بتكون مكان تواجدهم
ولاتعبين عمرج بسوالف السم والبف باف لانها مابتخووز
والله يعينكم

[ام حمداني ^_^]

الله يعينج صدق يبهدل الواحد بس يموت البف باف *