رجيم الدكتور

**REMIA** · 2011-08-26, 03:41

سلام عليكم ورحمة الله وبركاته

انا وحده مثل كل البنات اللي يلبسون فساتين ... ويتمنون لو مثلا كانت اضعف عشان جسمها يطلع احلى ... او كانت مثل فلانه ... بجسمها الحلو .. وماادري شو ... انا ببدا من يديد ... اللي بيبدا معاي حياه ... واليوم يبت لكم رجيم ... الصراحه مشيت عليه لمدة شهر مع مشي لمدة نص ساعه ... تزلت 3 كيلو ... يعني طبيعي 100%... واحيانا اخربط ... لاكن يوم ودرته الحلو فالموضوع ... انه وزني مازاد على طول ... لا بالعكس تم فتره ثابت .. لاكن مع التخبيصات رجع وزني نفس ماكان ... الحلو الموضوع انه بعض الرجيمات ... يوم تهدينه يرجع وزنج دبل ... لاكن هاذا لاا ... والحلو انه دكتور كاتبنه ... وشي الحلو الثاني ... انه مول مب حارم شي ... كل شي موجود ... وغير جي ... في وجبه فريي ...خبصي على كيف كيفج بدون ماتفكرين حتى ... ترى هالكلام مو منقول ... بالفعل صار هالكلام ليي ... انا ببدا بهالرجيم ... وكل يوم بكتب شو بيستوي معاي ... طبعا بعد رمضان ... فخل نعقد العزم من الحين ... عشان حياة احسن وشكل احلى ونفسه اروع ...

ترى الرجيم هو المنقول اما الباقي كلامي مو منقوول ... والله على كلامي شهيد

المهم هاذا الرجيم

وتوكلووا على الله

بسم الله

=============================================

الاسبوع 1

الافطار : كوب شاى او نسكافيه بلبن خالى الدسم + معلقة صغيرة عسل نحل + شريحة جبنة شيدر او فلامنك + 2 توست
العشاء : علبة زبادى + 2 ثمرة فاكهة
الغذاء :
1- وجبة مفتوحة.
2- 4/1 فرخة مشوية + خضار (يصفى من الصلصة ) + 4 معالق ارز + سلطة
3- شريحة لحمة مشوية + خضار + 4 معالق ارز + سلطة
4- علبة تونة + سلطة + رغيف سن
5- 2/1 كيلو سمك مشوى + 4 معالق ارز + سلطة
6- 4/1 فرخة مشوية + ربع كيلو بطاطس مسلوقة + سلطة
7- علبة تونة + رغيف سن + سلطة

==================================

اسبوع 2

الافطار : كوب شاى او نسكافيه بلبن خالى الدسم + معلقة صغيرة عسل نحل + 3 معالق فول او بيضة اومليت + 2 شريحة توست
العشاء : علبة زبادى + 2 ثمرة فاكهة
الغداء :
1- وجبة مفتوحة
2- علبة تونة + رغيف سن + سلطة
3- شريحتين بيتزا + سلطة
4- 2/1 كيلو سمك مشوى + 4معالق ارز + سلطة
5- 4/1 فرخة مشوية + 8 معالق مكرونة بالصلصة + سلطة
6- علبة تونة + سلطة + رغيف سن
7- 8 معالق فول + معلقة صغيرة زيت زيتون او زيت بذر الكتان + رغيف سن + سلطة

============================

اسبوع 3

الفطار : شاى أو نسكافية بلبن خالى الدسم + كرواسون أو باتية أو فنجان كورن فليكس بلبن خالى الدسم
الغذاء :
1- وجبة مفتوحة
2- 1/2 ك سمك مشوى + سلطة خضراء
3- 8 ملاعق كشرى + سلطة خضراء
4- علبة تونة + سلطة خضراء + رغيف سن
5- سيخ شيش طاووق ( 4 قطع ) + بطاطس مسلوقة + سلطة خضراء
6- 2 برجر مشوى + سلطة خضراء + 2 توست سن
7- علبة تونة + سلطة خضراء + رغيف سن
العشاء : 3ثمرات فاكهة

=========================

ترى مو بس هالرجيم لا هو اصلا 22 اسبوع لاكن بنزله على دفعات

واي سؤال انا حاظرة وبشوفه

بس يابنات من الحين ابا حماااس

" اللهم انك عفو تحب العفو فعفو عنا "

المزيد من آخر المواضيع من نفس القسم:

**REMIA** · 2011-08-26, 03:46

بسم الله

الوزن :: 81.2
الطول :: 157

الهدف الاول : 75
الهدف الثاني : 70
الهدف الثالث : 65
الهدف الرابع : 60
الهدف الاخير : 55

اللهم الهمني الصبر وقوة العزيمه

ادعولي يبنيات

**REMIA** · 2011-08-26, 17:46

باكولي سجلت في فتنس فيرست

وبديت التمارين

11
11
11
11
11
========
======
===
==
=

الى الرجيم معتدل سررر

**شجون العنا** · 2011-08-27, 02:52

بالتوفيق

وطمنينا شو يصير معاج

**REMIA** · 2011-08-27, 04:26

سلام عليكم

رجعت لكم حبيباتي

اليوم في فيتنس فيرست كان بدون اكتفتيز لان هم اصلا يوم اليمعه والاحد عندهم بدون اكتفتي لاكن الجيم مفتوح للي تبا تسوي رياضه على المكاين

على العمووم

الرياضات اللي سويتهم اليوم

اول شي (( السير الكهربائي ))

الوقت : 10 دقايق
السعرات التي حرقت :: ما اذكر الصراحه
المسافة :: بعد ما اذكر

ثانيا ::

الة (( ماعرف شو يسمونها )) >> هلكتني هالالة الصراحه

الوقت :: 10 دقايق
السعرات التي حرقت :: 76 >> اقولكم هلكتني
المسافه :: ما اذكر

الاله الثالثه ((الة شرى سيكل مادل اسمها ))

الوقت :: 8دقايق
السعرات التي حرقت :: 39
المسافه :: 2.4 كيلو

وحمام سونا

سبع دقايق

وحاليا بس مخففه اكل

من باجر بحسب معاكم كم السعرات الحراريه اللي حرقتهم

وان شاء الله عقب رممضان بحسب معاكم كل وجبة كم سعره حراريه وكم حرقت على اثر هالرجيم

"" الله يثبتنا ويلهمنا الصبر وقوة الاراده ""

>> دعواتكم ياحلوات <<

وبليز لا تبخلون علي بردودكم الحماسيه

**REMIA** · 2011-08-27, 18:24

السلام عليكم

توني راده من الجيم

اليووم بالفعل هلكت

شكلي حرقت 1000 كالوري

كل عاده سويت الة المشي والات الثانيه

لاكن بعدين استلمتني المدربه وتمت اتسويلي تمارين لين ما حسيت عمري برجع

صدق صدق برجع

ان شالله على هالتعب اخر شي اضعف

دعواتكم

**REMIA** · 2011-08-28, 18:32

اليوم استلمتني المدربه رياضه ساعه كااااامله

وحاليا عضلات بطني يعوروني

بس كل شي في سبيل الرشاقه يهوون

المهم قررت ابدا اشرب عصير يحرق السعرات الحراريه

الصراحه ماعرف اوكي ولا بس بنجرب ماورانا شي

المهم

المقادير
حبتين كيوي
شريحه اناناس
عصير كي دي دي اناناس او اي نوع اناناس غير محلى

عن نفسي بس بخلط اناناس طبيعي وحبة كيوي وثلللللج

والله يسهل علييينا

**REMIA** · 2011-08-30, 23:29

عيدكم مبارك

اليوم الصراحه مارحت الجيم

وزياده رحت شيليز

يعني ام وابو التخبيص

لاكن البارحه قست وزني الجيم

نزلت كيلوييين

81.2>>>>>79.5

الله يلهمني الصبر

**REMIA** · 2011-08-30, 23:33

نظام الاسبوع الرابع

الفطار : كوب شاى او نسكافيه بلبن خالى الدسم + بيضة اومليت او شريحة جبنة شيدر + 2 توست سن
العشاء : قطعة جبنة قريش + خيار + ا توست سن + ثمرة فاكهة
الغداء :
1- وجبة مفتوحة
2- 4/1 فرخة مشوية + خضار + رغيف سن + سلطة
3- 2 شريحة لحم مشوى + خضار + رغيف سن + سلطة
4- علبة تونة + 4 معالق ارز ( او رغيف سن او مكرونة ) + سلطة + خضار
5- 4/1 فرخة مشوية + خضار + 4 معالق ارز + سلطة
6- 8/1 كيلو لحم مشوى + خضار + 4 معالق ارز + سلطة
7 - 8 معالق فول( يمكن اضافة معلقة زيت زيتون او زيت حار ) + سلطة + رغيف سن

**رضاك همتي** · 2011-08-31, 01:38

مشكوووورهـ اختي

الموضوع: رجيم الدكتور

أدوات الموضوع

عرض

رجيم الدكتور

المزيد من آخر المواضيع من نفس القسم:

المواضيع المتشابهه

رجيم الدكتور الشمري

رجيم الدكتور نيوترشن

رجيم من الدكتور ماجد زيتون

رجيم الدكتور جميل