بنت خالي........ليش

[دلوعه ريلي m]

السلام عليكم

حبيت اقولكم بشي وايد مضايجني وابا نصيحتكم

انا وبنت خالي وايد مع بعض قبل العرس وانخطبت شهر 4 وشافتني عمتها وخطبتني بعدها بشهر لولدها الثاني وعرسنا ف يوم واحد ومن يوم الملجه وهي متغيره وقلت لان ريلها يعاملها معامله مب ذاك الزود وانا ريلي الحمد لله وايد اوك وياي وبعد العرس بشهر حملت وهي لا مع ان نيتها تحمل علشان تقهرني وانا ماكنت افكر بالعيال لاني بعدني ادرس ف الجامعه وهي تغيرت علي لدرجه قامت ترمس علي وعلى اهلي برمسه خايسه وتطعن بشرفي وطبعا دريت بهالشي بعد مرور سنه ونص من عمتي لان بنت خالي تناجرت وياعمتي وبعد ماراضيتهم ردت حليمه ع عادتها الجديمه برمسه وانا ماعرف ليش شو سويت لها ولا اقدر اواجها لان عمتي تحلفني ماارمس وماعرف كيف اتصرف وياهن لان عمتي سرعه تنير بالكلام

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ليتك تفهمني]

الله يعينج واضح انه بنت خالج تغار منج خلي علاقتج وياها سطيحه لا تتعاملين وياها وايد شكلها تتريا الزله عليج

فخلج في حالج ان طلعت رمسه عليج ربج فوق وبيحاسبها خاصه القذف في المحصنات اثمها عظيم

بالعكس اختي اكظمي الغيض ولج اجر عظيم ان شاء الله

[إمنوره بيتي]

لاحول ولا قوة إلا بالله ...

الله يهديها إن شاء الله ...

[فرحة عمر]

ادعيلها بالهداية والله يالف بين القلوب وحاولي تهدينها الهدية تربط بين الناس اكثر وربي يكفي شرها عنج..

[مهرووووووه]

انتي متأكده من كلام عمتج؟؟ اقصد واثقه من كلامها وانها ماتبا تسوي مشاكل من بينكم!!؟؟

[أبحث عن ذاتي]

الله يهدي النفووس .. خلج بحالج ولا عليج منها .. بس عامليها بالطيب يمكن تحس ..

[بنت زاايد]

ادعي لها بالذريه الصااالحه وان يصلحها انتي صفي نيتج دوووووم وخلج عااااديه كانج ماتعرفين زعلااانه عامليها عااادي نفس اوووول ولي نيته صاااافيه الله يحبه سبحان الله

[hanoOOody]

الله يهديج
انتي الحين سمعتي الكلام من عمتج
بس انا ما ابغي اسوي فتنه
انتي متاكده من كلامها !!
وافرضي انها هي تتكلم عنج عندها !! ونفس الشي لج
يعني باختصار لو كانت هي لي يالسه تخرب بينكم
ما بحط في ذمتي بس اوضح لج
الافضل انج تيلسين وبنت خالج وتتكلمون وشوفي الكلام لي بيطلع
لا تقولين لها ان عمتج قالت شي
عادي ك سوالف قوليلها اح انج شاله فخاطرج عسى ما شر في شي انا سويته زعلج

[h2h]

لاحول ولا قوة إلا بالله

الله يهديها إن شاء الله .. الغيره وما تسوي

وايد ناس جي

[زهرة الشحوح]

حبوبه مثل ماقالوا لج الخوات واذا خاطبهم الجاهلون قالوا سلاما
خليج واثقه من نفسج وخل معاملتج لها سطحيه واتحملي على عمرج

[ميانه بوظبي]

الله يهديها

[وحييدهـ]

الله يعينج واضح انه بنت خالج تغار منج خلي علاقتج وياها سطيحه لا تتعاملين وياها وايد شكلها تتريا الزله عليج

فخلج في حالج ان طلعت رمسه عليج ربج فوق وبيحاسبها خاصه القذف في المحصنات اثمها عظيم

بالعكس اختي اكظمي الغيض ولج اجر عظيم ان شاء الله

100 %

[Mall.08]

استغفر الله العظيم

[لأنني مختلفة]

اسمعي من اذن وطلعي من الاذن الثانية
انتي سعيدة في حياتج ومتهنية ..
ولا كلام بنت خالتج ولا عمتج بيأثر فيج ...
انتي بس عليج تدعين لهم الله يهديهم في سرج ..
وربي بيعطيج ع قد نيتج ان شاء الله

[نوف الطائي]

خبري زوجج على الاقل احسن ما يوصل شى كذب عنج و عقب يصدقهم

عادي تصير بين البنات مجربتها هالغيره
مدري شو فيهم الله يهديهم بس