محتاره بامي واخوي

[الأساور]

كيف اتصرف مع امي واخوي

مرحبا حبيباتي وتقبل الله طاعتكم*
اليوم جايبه لكم موضوع شاغلني ومخلني بحيره قلت اشوف رايكم واعرف كيف اتصرف

يا طويلات العمر عندي اخو يتيم ابوي رحمة الله عليه متوفي عنه من كان عمره خمس سنيين*
وين المشكله*
امي الله يهديها مدلعته اخر دلع لانه اصغر واحد فصار الولد عصبي جدا ومدلل جدا وحساس جدا لدرجة انه يثير المشاكل في المدرسه وكم مره ضارب المعلمات ومتلفظ عليهم بالفاظ
انزين وبعدين?
امي تعبت من مشاكله وحطت مسؤوليته علي راسي بحكم انه بنفس سن ولدي *بس انا ما قدرت عليه خلوا الاشيا الماديه ما بقصر فيها حاله حال عيالي*
لكن التربيه !!!!الحين هو مراهق تقريبا ساكن عندي حسب المزاج يوم بيضارب ويا *عيالي بيرد لامي ويوم بيضايج من امي *بيي عندي

وبديت احس ان ريلي بعد مضايج من المشاكل اللي ياته من ورا اخوي*
اخر مره ضرب ولد جيرانا واهله كانوا بيسوون بلاغ بالشرطه*
وما سده بعد مره ثانيه ضرب ولدي اللي من سنه وهشم له ويهه واسنانه كامل الله ستر لو الضربه كانت عالراس كان ولدي خلاص راح فيها
فاحس عقب هالمواقف زوجي بدا يلمح انه ما يبي اخوي في البيت ما قال لي صراحه بس لمح لي كذا مره*
وانا بديت المح لامي ان اخواني الاولاد الكبار لازم يتحملون مسؤوليته ويسئلون عنه ويتابعونه انا حرمه وعندي عيال وبيت وزوجي *ينزل اخررالاسبوع من الدوام ما عندي حد يشيل الحمل والمشاكل*
بس كلامي هذا واايد يجرح امي ويحسسني بتأنيب الضمير*
ما عرف شو اسوي ما اقدر اخليه عندي اكثر لاني ما اقدر اسيطر عليه وبنفس الوقت مابي ازعل امي مع ان اخوي الكبير الوصي عليهم ساكن عندهم بنفس البيت وعياله من سن اخوي شو اسويي كيف افهم امي ان الوضع صعب من دون ما ازعلها


*

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[عذب الجوري]

اختي الله يعينك ويسهل امرك

انصحك كلمي اول شئ اخوك نفسه قولي انت رجال وكبير وامي مالها الا الله ثم انت ,, امي محتاجتك عندها ويضيق صدرها من الاشياء اللي تسويها , وانت ماتبي امي تنغث وتنمرض
يعني خذي واعطي معه بالكلام على انه رجااااال ,, هو مسكين فاقد حنان الاب ,, ويمكن يبي يلفت الانتباه له
خليه يسجل بحلقة تحفيظ ولا نادي ينشغل وقته ويلهى,,

حااولي حااولي ,, اذا مانفع

كلمي اخوك الكبير ,, اشرحي له كل شئ,,
قولي امي تعبانه مافيها تتحمل ,, وانا عجزت عنه مايطيعني
انت لازم تخلي الولد تحت عيونك لازم رجال يخاف منه ويهابه ,,

ترى سن المراهقه اصعب مرحله

والله يسهل اموركم ويهدي اخوك واخواني ويصلحهم من عنده ,,
لكن امك لاتكلمينها ولا تقولين لها شئ ,,

[Om Rodah]

الله يعينج

[ليتك تفهمني]

الله يعينج اختي.... وانا احس اذا طبعه جيه يبالها ريال يربيه مب حرمه

وانتي وضعج مايسمح اتربينه لانج وحيده طول الاسبوع واخوج عصبي ومايسمع الرمسه فيباله ريال يهزبه ويوقفه عند حده وهالشيء انتي ماترومين عليه

[فرحة عمر]

بصراحة اختي الله يكون بعونج..

بعد هو بسن خطير والمراهق يباله تعامل خاص

ليش ما تسجلونه بالمدرسة العسكريه اشوية يمكن ينظبط هناك وهم يسون لهم دورات حتى اعتقد فالصيف لهم برنامج خاص بهم..

[أبحث عن ذاتي]

اختي لازم تكلمين اخوانج .. ما يصير جيه الولد بسن خطرة ومحتاج لريال .. او انج تدخلينه العسكرية بس بعد يمكن يتمرد اكثر .. الله يكون في عونج ..

[bellegirl]

ربي يوفقج أختي

وأحسن خلي الموضوع بينج وبين اخوانج بدون لا تقولين للوالدة

أو دخلوه ما أدري إذا في بالإمارات كامبينج مال الشباب

وبعد أختي اعرضيه على اخصائي مراهقين هالحالـة مب عادية

والله يصلحه

لا حول ولا قوة إلا بالله

[Mall.08]

الله يهدي سركم

[رضآٳڪ يٳ ربٳه]

اللَّهُمَّ إِنَّكَ عَفُوٌّ كَرِيمٌ تُحِبُّ الْعَفْوَ فَاعْفُ عَنِّي

[الفدعانية]

للرفع

[الأساور]

اختي الله يعينك ويسهل امرك

انصحك كلمي اول شئ اخوك نفسه قولي انت رجال وكبير وامي مالها الا الله ثم انت ,, امي محتاجتك عندها ويضيق صدرها من الاشياء اللي تسويها , وانت ماتبي امي تنغث وتنمرض
يعني خذي واعطي معه بالكلام على انه رجااااال ,, هو مسكين فاقد حنان الاب ,, ويمكن يبي يلفت الانتباه له
خليه يسجل بحلقة تحفيظ ولا نادي ينشغل وقته ويلهى,,

حااولي حااولي ,, اذا مانفع

كلمي اخوك الكبير ,, اشرحي له كل شئ,,
قولي امي تعبانه مافيها تتحمل ,, وانا عجزت عنه مايطيعني
انت لازم تخلي الولد تحت عيونك لازم رجال يخاف منه ويهابه ,,

ترى سن المراهقه اصعب مرحله

والله يسهل اموركم ويهدي اخوك واخواني ويصلحهم من عنده ,,
لكن امك لاتكلمينها ولا تقولين لها شئ ,,

مشكوره الغاليه عالنصيحه انا دايما اتكلم وياه ويوعدني يتغير بس مشكلته سريع الغضب والعصبيه
الله يعين

[الأساور]

الله يعينج

ويعين الجميع

[مالتيزرس]

أب أب

[بنت زايد6]

ما اعرف بس همني الولد اكيد هو حاس انه محد يبيه لا انتي ولا اهلج عشان جيه بعده عدائي والمفروض تستحملونه واحس امج كبيرة فالعمر عشان جيه ما تقدر عليه ويمكن هي تخاف من اخوج الكبير يضربه والمراهق المفروض ما ينضرب فهالعمر لانه سن طيش فبيشل عمره وبيظهر من البيت مثل ما قلتي اذا اضايق منج راح عند امج والعكس صحيح بس اذا انتي ما تبينه وامج ما تبيه واخوج احسه ما بيتحمله وين تبونه يروح؟

[السيدة_الأولى]

السلام عليكم ورحمة الله وبركاته
أختي بالنظر للموضوع اللي طرحتيه وبحسب كلامج أعتقد أن موقفج في هذه الحالة صحيح من حيث انج ماتقدرين تتحملين أخوج المراهق وخاصة أن الزوج شبه رافض لوجوده , والحقيقة أن الأولاد في هذا السن وفي الزمن بالذات محتاي ريال يتابعه بكل دقة و أمانة وأعتقد بحكم أن عندكم أخو كبير ووهو الوصي المفروض هو يتابعه ويربيه حتى يحقق معنى الوصاية الحقيقي.
حاولي تفهمين الوالدة وتقنعينها بأن محتاي ريال يتابعه ويداريه ويحافظ عليه وان أخوج أصلح واحد ممكن يقوم بهالدور وأنج حرمة وما ترومين على هالشي .