يبون بالغصب اخذ واحد مابيه

**جرحو** · 2011-08-21, 09:58

السلام عليكم ورحمة الله وبركاته

شحالكم

الحينن اهلي خطبوني من دوون شوري اقصد يعني حيروني

يت وحده الله يهديها يت قالت لامي عن ولدها وامي قالت موافقه من دون ماتخبرنيي

وبعديين عرفت السالفه من وحده تقرب لي بالصدفه

وابوي يحب ها الناسس

بس الولد صغيير

وانا مماابي غير دراستتيي

فأخاف ابوي يغصبني وانا ممابيييي

بلييز لو سمحتوو \

قولو ليي

الحيين صح انه يوم نروح المحكمه يوم القاضي يسأل اذا انا موافقه ولا ء

وقلت له لا ينكسلون كل شي

ولا ؟

او المطوع اذا يا يكتب الكتاب مادري شووه وقلت لها اني مو موافقه خلاص يتكنسل كل شي صح ولا !!

واذا رحت بنفسي المحكمه امنعهمم من انهم يغصبوني اهلي المحكمه بتوقف معاي ولا ؟

مع العلم الحين كملت توني السن القانوني ع قولتهم
18 !

والسموحه

المزيد من آخر المواضيع من نفس القسم:

**Mall.08** · 2011-08-21, 10:03

ليش المحكمة على طول ؟؟

اقعدي ويا امج وتفاهمي ياها
وما ظن في اهل للحين يغصبون بناتهم !!

**فرحة عمر** · 2011-08-21, 10:04

من دون موافقتج اختي ما يتم شي لان القاضي يسالج اذا موافقة او لا

***مهرة*** · 2011-08-21, 10:04

وعليكم السلام ورحمة الله وبركاته

هلا الغاليه

كل اسالتج جوابها نعم .. يعني يتكنسل كل شي من تقولين قدام القاضي او المليج لا مب موافقه .. وما يخلي حد يجربج على ها الشي

بس علشااااااااااااااااااان لا تحطين نفسج واهلج في موقف محررررررررج قدام الناس قولي لهم من الحين وتفاهمي وياهم من الحين قولي لهم انا مب موافقه؟؟؟

مع انه وايد بنات يتزوجون ويكملون دراستهم ... بس كل انسانه وهي حره بحياتها

بس لا تحطين نفسكم في موقف مب حلو ومحرج قدام الغير تفاهمي وياهم من الحين احسن مهما يكون هذيلا اهلج لا تنزلين روسهم قدام الناس خلوا الموضوع ينتهي بينكم احسن

وبعدين انتي استخيري حبيبتي .. والله يكتب الي فيه الخير لج يارب

**جرحو** · 2011-08-21, 10:04

بليييز ساعدوني ابا حلل انا خايفه مابييه
اابي دراستتي

**الدرر** · 2011-08-21, 10:05

صح كلمي اهلج اوول

والله ايسر امورج يارب

**جرحو** · 2011-08-21, 10:07

يب يب
كلمت امي
اميي تقولي مايخصني ابوج لا حط شي براسه يسويه

=(

ابوي مال اول يعني قوم عادات تقاليد بس انا ممابي ابي دراستي
وابوي ربي يحفظه جدا متعصب وجييه
فررررررررحت انا فديتكمم ثاننككس

**الورد الأحمر** · 2011-08-21, 10:07

كلمي اهلج احسن او من اقرب شخص لج من اخوانج او خواتج .... خلي يقول لامج او ابوج اذا انتي ما تقدرين ترمسين

**جرحو** · 2011-08-21, 10:15

اختي انا اكبر وحده وكلمت امي بس ابو ما نقدر عليه لا انا ولا اممي

بس مدام المحكمه فيها قانون خلاص ارتحت

ثانككس خواتي

وانا وايد فاهمت مع امميي اميي حاولت مع ابوي قد ما تقدر لكنه مايبي

مادري ليش

مع اني ابا اكمل دراستي عشانهم والله ربي يحفظهم

اشوه فرحتت

ع فكره انا وبنت خالتي نفس السالفه بنت خالتي صغيرها توها رايحه تاسع ياحليها
لا اناولا هي لنا شده ع زواج =))

**تسال الروح** · 2011-08-21, 14:13

لازم موافقتج انتي مستحيل يستوي شي وانتي مب موافقه ..

بس لا تطولين وتكبرين الموضوع وتحرجين أهلج .. قوليلهم من البدايه انا مابغيه وان اذا جبرتوني بقول للقاضي لا مب موافقه عسب تكون عندهم خلفيه للموضوع او شو الي بيصير ..

:

\•̣̇•آللّهُمَ صَلّيۓِ ۈسَلّمْ عَلۓِ سَيّدنَآ مُحَمّدْ••̣̇

**اذكروا الله** · 2011-08-21, 15:02

فهميهم انج مب موافقة و مب مرتاحة لهالزواج

بس اذا وصل الموضوع انه يغصبونج ارفضي يوم بيسألج المطوع

واذا انحرجوا هم اللي حطوا نفسهم بهالموقف

الزواج مافيه مجاملة و مسايرة

**احتاجك..** · 2011-08-21, 15:31

حبيبتي لو الموضوع موضوع دراسة ترا عادي تعرسين وتكملين

***نيويورك*** · 2011-08-21, 15:48

طبعا لو رفضتي القاضي ينهي كل شئ ..بس استخيري ماتدرين مصلحتج وين

**فرح راكـ** · 2011-08-21, 16:06

اختي انتي جي بتسوين مشكله فالمحكمه وبتحرجين ابوج لو مب موافقه من الحين ارمسي
مب فالمحكمه ولا جدام المليج لو بتيبونه البيت
غير جي لو الريال زين ليش لا وافقي بس اشترطي انج تكملين دراستج

حبوبه فكري في ابوج وموفقه جدام الريال والقاضي

وصلي استخاره بدال المره عشر مرات ولو خير بتتسهل الامور
وأسألي عن الريال ومن الحين ارمسي عن الدراسه وانج تبين تكملين

**أم دانووه** · 2011-08-21, 16:17

ليش تجي عاد ؟؟؟؟

يعني امج ما خبرتج بالموضوع فمعناه انه ممكن ماشي من هالقبيل ..

وممكن هي تبغيج تركزين في دراستج و بعدين بتخبرج لنه مافي شي رسمي ليومج هذا فقط كلام .

حبيبتي خلج من كلام الناس و على ما اعتقد انه لو في شي رسمي اكيد الوالدة بتخبرج لنه مافي احد تهمه مصلحتج غيرها .

لا تتسرعين في اتخاذ القرارات و إسألي الوالدة عن الموضوع و لعله خير فديتج .

بعدين 18 سنة هذا سن وايد حلو عشان البنت تبدأ حياتها مع انسان يحبها و تحبه ..

لنه اكثر عن تجي خلاص البنت بدش الجامعة و تصير تهمل دراستها اكثر اذا صابتها حمى الرفقة السيئة .

فانا اقووولج ما في احسن من انج تتسترين يابنت الحلال و تعيشين حياتج و تقدرين تكملين دراستج و انتي معرسة

بس على الاقل تكونين استغليتي الوقت في تكوين اسرة + ضمنتي مستقبلج و الضامن الله .

الغلااا لا تسمعين كلام البنات وااايد و استشيري اهلج احسن مننا نحن هم اولى و ادرى بمصلحتج حبوبة

الموضوع: يبون بالغصب اخذ واحد مابيه

أدوات الموضوع

عرض

يبون بالغصب اخذ واحد مابيه

المزيد من آخر المواضيع من نفس القسم:

المواضيع المتشابهه

شهادت بكالوريس اذا اغلب الشريكات و الاماكن ثانيه يبون هاي الشهاده و لا يبون دبلومه او

أحس نفسي مابيه؟_؟

ثلاثه ريايل يبون يخطبونج اي واحد تختارين