حجم الصدر !!!

**Lotus5** · 2011-08-21, 04:58

السلام عليكم خواتي ..

خواتم مباركة ..الحمدلله الذي أعاننا على الصيام و القيام

عزيزاتي عندي استفسار بخصوص أعراض ما قبل الدورة الشهرية !

البعض يحس بألم في الصدر ,البطن أو الظهر و البعض لا .. أنا من الأشخاص اللي أحس الصدر يصير حساس و ألم عند الضغط عليه .. ويكبر شوي و أحس جسمي ينتفخ وخصوصا البطن ..بس ها الشهر صار شي ما أدري اذا طبيعي أو لأ ..صابني قلق من الموضوع هههه ..جهة وحده من الصدر أكبر عن الثاني بالتالي حلمة الصدر صارت أكبر شوي عن الجهة الثانية !!!!!!!!!!
الموضوع صار قبل الدورة بتقريبا 3 أيام وشرفت البارحة ( بالضبط أول ما دخلنا العشر الأواخر) ولين الحين ما تغير شي , هل بيرد طبيعي شرات قبل بعد ما تخلص الدورة ؟ هل ها الشي طبيعي ؟
ما فيني صبر لين تخلص و أشوف قلت خلني أسأل و أستفسر الموضوع شاغل تفكيري

الحمدلله على كل حال و دعواتكم لي بالصحة و العافية ..و لأمة محمد أجمعين

شاكرة لكم مروركم و الافادة
حفظكم المولى من كل شر

المزيد من آخر المواضيع من نفس القسم:

**قطوطة النت** · 2011-08-21, 06:02

عادي حبيبتي أنا اعرف وحدة كل مرة جذي يستوي لها بس تخلص الدورة يروح
لا تحاتين....

**Lotus5** · 2011-08-21, 06:05

هلا أختي قطوطة .. مشكورة فديتج ريحتيني الله يريحج دنيا و آخرة , بتريا لين تخلص و بشوف , بس استغربت ان صدر واحد اللي كبر شوي غير كل شهر ..صابني قلق و ما قدرت أصبر لين ما تخلص و أشوف هههه .. جزاك الله خير أختي ومشكورة على المرور و الرد المطمئن

**الفراشهـ** · 2011-08-21, 08:11

هاشي طبيعي ^_^

**احتاجك..** · 2011-08-21, 09:58

لا اله الا الله
محمد رسول الله

**shamoOo** · 2011-08-22, 02:27

هذا طبيعي فديتج

**دلوعه فزاع** · 2011-08-22, 02:30

طبيعي الغاليه لاتقعدين توسوين ترا الوسواس نص المرض هههههههه انا كنت شراتج وعقب عادي توكلت على الله

**ميميه88** · 2011-08-22, 02:31

هو طبيعي صدر واحد يكون اكبر عن الثاني

**شمـ إمرأة ـوخ** · 2011-08-22, 02:52

والله انتي نفس حالتي........... صابني وسوساس ومادريت وش اسوي....لاحظت ان واحد اصغر من الثاني.. وكأن الحلمة بعد صغرت فخفت...

**FreeHeart** · 2011-08-22, 02:53

شيء طبيعي حبيبتي لا تحاتين قبل لا تخلص بيرد لطبيعته انا يستوي فيني جي،، وعند اغلب السيدات

الموضوع: حجم الصدر !!!

أدوات الموضوع

عرض

حجم الصدر !!!

المزيد من آخر المواضيع من نفس القسم:

المواضيع المتشابهه

جهاز البرا لتمارين الصدر الالكترونى لرفع وشد الصدر المترهل

تمارين الرجيم شد الخصر و شد الصدر و تصغير الصدر وانتي بالبيت بالصور