والله تعبت ........... ساعدوني

[سالفة]

ارجوكم خواتي ساعدوني شو الحل ويا الريال اللي يموت في الطلعة وهمهة الأول والاخير انة يطلع ويتكشت وبس .....
واذا قلت لة شلنا وياك يتعلث بمليون علثة

تعبت وياة جربت كل الأساليب وياة بس ما شي فايدة

خلاني ابعد عنة صرت اخاف من كل شي وهو السبب ما يحسسني انة انسان متزوج وملتزم


اذا بنطلب شي يخص العيال ما بيسوسة وبيتعايز وحق الطلعة والربع فالكم وطيب

شو رايكم الحل وهل الحياة ممكنة وياة وهل ممكن يتغير ارجوكم فيدوني صارلي ثلاث سنين نطلع من سالفة ندخل في غيرها ارجوكم والله تعبانة انتو اخر حل لي ....
صبري معه يشوفة ضعف وتجاهلي لة يخلية يتمادى .

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[ساميه]

مرحبااا

حبوبه الريال من اول الزواج يعودونه على الالتزام ببيته اذا في اول زواجكم استحيتي وما

خليته يلتزم خلاص بعد صعب تلزمينه عقب ثلاث سنوات ..

اذا فيج صبر الحين وبدون عصبيه صممي على انج تظهرين وياه وتخلصين اشغالج

واذا ما قدرتي .. عليه ... اثبتي شخصيتج ومعظم الحريم حاليا يخلصون اشغالهم

بروحهم ( معظم الرياييل مثل ريلج ) .. اذا كنت ما تسوقين اطلبي انج تاخذين الليسن

بسبة انه معظم الوقت برع وانج مب لازم تترينه عشان يلبي احتياجاتج

يمكن لو شاف انج جاده في الموضوع ... يتغير

الموضوع يباله صبر

والله يعينج

[*nawari*]

أختي عااادي

أنا بعدني ما كملت سنه من عرست و دوم ويا ربعه ما اقول انه ما يطلعني امبلى بس كل شئ حق ربعه بيسويه وأنا دوم اخر شئ و عااادي عندي الدريول متى ما ابا اطلع بطلع ولا بقصص على عمري و اضايج عمري

[ام شما11]

لا لا تاخذونها بان الرياليل كل مع ربعهم اذا هو يبغي الزواج لازم يصبر ويعرف ان عنده مسؤليه وكيف لازم يعرف؟؟


هذا طبعا من اهتمام الحرمه للريال مثل ماقالت اختنا ساميه اهم شي الصبر


ومثلا سويله مفاجات في البيت فرحيه ويوم الثاني اطلبي منه انكم تظهرون معاه مكان حلو وتستانسون


يعني بعد رقدي الياهل وخلي الجو حلو وهادي وسولفي معاه عن حياتكم وتخطياطتكم للمستقبل عشان يحس انج مهتمه فيه

ترا هذي الاشياء افضل من الطلعات


والله معاكم الغاليه.....


اختج


ام شما

[سالفة]

مشكووووورين على المرور الطيب والله كريم


يسلمووووووو

[...(مريّة)...]

لازم اختي من البداية يكون تعودينههعلى الالتزام ،
لازم يعرف إن في فرق بين حياته السابقة قبل الزواج وحياته الحالية ،
لازم يحس بالمسؤولية ، سواء في عيال أو لاء ،
مجرد ما يتزوج لاااااازم يحس بالمسؤولية ، في أغراض بيت ، الجمعية ،
أقساط ، مصرف .......إلخ .
لاااااااااازم تحطين له ورقة وااااضحة بالأشياء اللي لازم يسويها ،
إذا ما سواها هو وشاف إن إنتي تسوينها بيتعود ...

[لمسة دفا]

انا كنت مثلج انقهر يوم يطلع ويروح يدور مع ربعه واحنا مالنه نصيب فالطلعات..ويووم كنت اقوله خل نطلع اندور انروح اي مكان انشالله بالسياره بس يقولي وين تبون تروحون البيت اريح لكم واسكت عنه لين ما خلاص حسيت اني بمووت من الخنقه بين طوف البيت والله قمت اخذ عيالي واطلع مع السايق كل يوم مكان وحتى ولااقوله اني بطلع قمت اطنش مثل ماهو مطنشني ليمن متى بموت نفسي عشانه والله طلعي وروحي دوري ولاعليج منه مثل ماهو يستانس انتي ونسي عمرج بعد ...

[%Om_Khalid%]

الله يعينج

[شوق القلوب]

شوفي حبيبتي الريال يوم اي فجاء ويتزوج ايحس عمره مخنوق
لانه مب تعود على المسؤليه
فانتي لااااتضغطين عليه
خلج حنونه وعطووفه ورحومه
خلي ايحس معاج بالامان وانج انتي
الوحيده الي لو صارله شي لاسمح الله الي راح توقفين معاه
خليه ايحس برجولته وكيانه
اختاري الوقت المناسب وتكلمي معاااه قوليله انج محتاجتله
قوليله ان لج حق عليه وانه لازم ايخصص لج وقت

وشوي اشوي الريال بيتعود على وجودج معاه

[ضحكة قلب]

الله يعينج الصراحه ويصبرج فديتج الريال على ما تعودينه من البدايه وااذا مااتعود من البدايه صح بيكون صعب شوي عقب بس اصبري السالفه يبالها صبر خذيه باسلوب حلو ولا تتضايجين اوتتضاربين وياه كل ما يطلع ويا ربعه وانتي واسلوبج حببيه في يلسة البيت او الطلعه وياكم وقوليله اطلع ويا ربعك ما عليه بس نحن لنا حق بعد تدرين أنا وزوجي من فترة الملجه متفقين في إجازة نهاية الإسبوع يوم لنا ويوم لربعه والحمدلله شوفي حبيبتي الريال مثل الياهل شوفي شواللي يحبه سويله اياه حببيه في اليلسه وياكم فاجئيه في اشياء حلوه يحبها مثل اكله حلوه البسيله ابتسمي دايما في ويهه لا تقصرين وياه بالكلام الحلو بين فتره وفتره حطيله رسالة حب وشوق على المخده او اي مكان شوفي شوهواياته أو الأشياء اللي يحبها سولفي وياه في هالأمور وادعي في كل صلاة الله يسخره حقج

[سالفة]

مشكووووووووووورين خواتي على المرور بس هو كان ما يطلع جي التم لي على شلة عودتة على هالامور
صدقوني انا احبة موووووت بس احس اني وصلت حدي معاه ابا يهتم فيني ويدلعني مثل ما انا ادلعة واهتم فيى واشتاقلة الحين انا مطنشتنة من يومين وبشوف شو بيستوي وياة

[سالفة]

مشكووووووورين على المرور

[مزنه الكعبي]

\اختي يوم بيلس وياج طالعي الساعه وقولي له يله اطلع ربعك يتريونك
ويلسي طالعي الساعه
بيقول شوه بلاها تبي تفتك مني وايوم ايي من الهوامه لا تيلسين وياه روحي غرفه وخلي عمرج مشغوله
اي يمين روحي يسار واهتمي بكشختج حبتين
ولا تقولين له وين رحت وين ايت تره بيطلع لو ما يبي يطلع

[المنقبة]

اصبري بعد وش تسوي الله يهديه