بنتي لعوزتني

**سلة زهر** · 2011-08-16, 09:51

عندي بنت عمرها تقريبا 4 سنوات والحين الحمد لله ربي رزقني ولد عمره شهرين
المهم بنتي ملعوزتني وااااااايد ومطلعتلي قرووووون موول ما تسمع الكلام ما تخاف من أي حد وأنا وااايد أضربها بس ماشي فايدة الصراحة مفشلتني يدام الناس ما أقدر أطلع بيت حد ولا أقدر أتسوق بسبتها والله محتارة شو أسوي معاها والكل يعايرني ويقولي بنتج شيطاااانة ومو متربية وهالكلام وايد يقهرني وخاصة إني ساكنة بيت أهلي وطبعا حريم اخواني ما يقصرن وبنتي بعد عندها عادة مب زينة إذا شوي ملابسها توسخت تعاند إلا أبدلها واذا رفضت طبعا تسير تفصخ كل ملابسها وتي وهالموقف محرج وايد خاصة انها بنت وطبعا يوم اروح الدوام اخليها عند امايه وهي واااايد تلعوز امي وتضرب الصغارية اللي في البيت حتى اللي اكبر منها تعبت منها ساعدوني ارجوووووووووووووكم
وشي ثاني عندها طبع خايس تبا تاكل 24 ساعة كل ما شافت حد ياكل تسير تاكل معاه ووزنها ما شاء الله 22 كيلو المفروض يكون بين 15-18 محتااااااااااارة شو اسوي؟؟

المزيد من آخر المواضيع من نفس القسم:

**emy261** · 2011-08-16, 11:56

اسال الله ان يهديها للخير..وللاسف ما عندى الخبرة الكافية لانى ام جديدة وان شاء الله اخواتنا يفيدوكى

**المزروعية1** · 2011-08-16, 14:03

بسم الله عليها يارب .. الله يخليها
شوفي حاولي تيبينها بسياسه قولي لها ان يالست ساكته وهاديه وماضربتي حد بعطيج اللي تبينه >>عاد شوفي انتي هي شو تحب تسير تلعب في المراكز تودينها ع البحر او الحديقه المهم مكان يعيبها او تاخذين لها هديه

اما عن سالفة الاكل حياتي حاسبي عليها بسم الله عليها هي توها كتكوته .. حدديلها 3 وجبات يوميا وماتاكل ويا اي حد الا انتي عشان تراقبينها وانتي حطيلها اكلها .. وخاصه يوميا سويلها اشياء مشويه ويا خضار وبعدي عنها الدهون يعني بس خليها تاكل في الاسبوع مره مقالي لانه اكيد اليهال يموتون على هالاشياء

ها اللي عندي ان شاء الله افدتج

**::ملاك::** · 2011-08-16, 14:30

الغالية وديها الحضانة عشان تظهر طاقتها و هناك بيرومون عليها،،

**قلبي نفسي** · 2011-08-16, 14:34

المشاركة الأصلية كتبت بواسطة ::ملاك::

الغالية وديها الحضانة عشان تظهر طاقتها و هناك بيرومون عليها،،

انا اايدها ...خليها في حضانه وبتهلك من التنطيط واللعب ...وبيعلمونها الاساسيات

**ابداااع للتصميم** · 2011-08-17, 02:23

لللللللللللللللللللللرفع

**سلة زهر** · 2011-08-17, 10:05

مشكورين حبيباتي الغاليات على ردودكم ورفع موضوعي

**عالية الغالية** · 2011-08-17, 11:01

4 سنوات

يعني في سن الروضه

سجليها في روضه

**Mall.08** · 2011-08-17, 11:11

الحمد لك ربي حمدا كثيرا طيبا مباركا فيه

**الدانــة** · 2011-08-17, 13:58

دخليها الروضة وايد بتتغير..
ولانج ساكنة عند هلج ما تقدرين تتحكمين بسلوكها وايد لانهم يشوفون عندهم حد يدافع عنهم لو انتي بتعصبين عليها وبتعاقبينها..
بنتي سنتين ونص بس فاهمة هالنقطة ومن اروح عند قوم هلي ولا اهل ريلي ما تسوي سالفة لا لي ولا لابوها وتستوي عنيدة وايد وما اقدر عليها..

الموضوع: بنتي لعوزتني

أدوات الموضوع

عرض

العرض المتطور