شو الحل ويا الشغاله؟

**●●ندى الروح●●** · 2011-08-16, 04:30

السلام عليكم ورحمة الله وبركاته

شحالكن خواتي

عساكن بخير

خواتي انا عندي مشكله و يا الشغاله

المشكله ان الشغاله تتواصل ويا ريال من اول ما يت من بلادها و مخلتنه كل يوم يتصل البيت وتسولف
وياه طبعا من ورانا نحن

الريال يدق كل يوم و كل يوم ورا يوم الشغاله تستقوى وهو يقص عليها طبعا يباها تشرد

المشكله انه لين يومك ها الريال يتصل لا تنفع تهديدات وياه ولا شي ثاني

ويوم قلنالها ان لو هالريال اتصل بنبلغ عليه الشرطه تتحدى وتقول بلغو عادي

الحين يوم هي عرفت انه اختي عرفت انها ترمس تمت خيفانه وايد و سوت سالفه جذب

و يوم كلمت امي عنها امي قالت خلوهاا

انا اخافها باجر اتييب الريال لين البيت و ترقده بفراشاتنا

عطوني حل خواتي عشان اروعها و اخليها تتروع وما ترد ترمسه

المزيد من آخر المواضيع من نفس القسم:

**um-beereg3** · 2011-08-16, 04:31

الله المستعان

**كالالوهm** · 2011-08-16, 04:48

طبعاً بدون اي تفكير قبضوها الباب لانها ممكن تسويلكم مصيبة في اي وقت !!!!!!!!!!

***نيويورك*** · 2011-08-16, 04:48

غريبة ان اصلا سمحتوا لها تكلم واحد ماتعرفون شو يقرب لها
نحن جي تمت وحده عندها وحده جاااااااااااااهله و لا تعرف حتى اشقايل ينمسك الموبايل ولا التلفون وتمت وحده تتصل بها (( عصابة )) وقعد بوي يكلمها ويقولها منو انتي وشو تقربين لها واخر شئ طلعوا يبون يهربونها وتقص علينا و تقول انا اختها و هي اصلا ماعندها خوات كبار يشتغلن برا و ترمس عربي زين ... عقب ماصدقنا انها عصابة ويضكون عليها و هي مصدقة انهم بيشغلونها ع مكتب ( وهي أمية ) المهم عقب استكبرت و تقوت وقالت يا اتييبون لي موبايل او اروح وفعلا سفرناها وضحكوا عليها هالناس .. وندمت و حبت ترجع بس خلاص ..

ونفس هالوحده تمت ادق حق الثانية اثانية عاد نصحناها واستنصحت .. وقالت لو دقت قولولها انا ماعرفج ..

يعني المفروض انتوا تداركون وتمنعونها تتواصل مع حد لين تضمنونها يا اهلها او خلاص ...

**jorooh** · 2011-08-16, 04:51

والله ودوها المكتب بصرف وياها
وهو من او في البلاد اذا من البلاد الريال شلو رقمه وودوه الشرطه بيتفاهمو وياه
المشكله انه امج ساكته عنها

**kash5ah_girl** · 2011-08-16, 04:55

للرفع

سبحان الله و بحمده

**●●ندى الروح●●** · 2011-08-16, 05:00

كلامج خوفني شكلي جي بسوي

**عين غلا** · 2011-08-16, 05:52

خلي حد م̷ـــِْט شباب يتصل حق هاا شخص يقول تعال مكان. أسألو شو يشتغل عقب خل أي صخوه أضربوه ودووه. شرطه

**۞ ملاك ۞** · 2011-08-16, 10:10

المشاركة الأصلية كتبت بواسطة كالالوهm

طبعاً بدون اي تفكير قبضوها الباب لانها ممكن تسويلكم مصيبة في اي وقت !!!!!!!!!!

**ماحد شراتي** · 2011-08-16, 10:20

ردوها المكتب..لا تستهيني بهالموضوع ..والله ربيعتي فالدوام خبرتني عن بشكارتها تخيلي متعرفه على هندي وكل يوم صبح تكلمه وتشوفه ومره شكلها الاخت تمت راقده تخيلي بس سارللها البيت ويوم فتحوا الباب تم يصارخ يسال عنها..

تحملي عزيزتي وربي يحفظكم

**بـحـور** · 2011-08-16, 11:04

خذو الرقم وودوه الشرطة وودوها الشرطة بتطلع كل اللي تعرفه من ا الخوف وخلهم اييبون الريال هذا .. هالمسائل ما فيها استهانة او تاخير في التصرف شو الفايدة لو شردت او سوت مصيبة الندم ما بيفيد .... وهاي قويه عين مالها الا الشرطة تادبها

**دمعـــة زايــد** · 2011-08-16, 11:19

تخلصوا منها كيف تسكتون على هاي الشي

هي مالقت العين الحمره كان تأدبت ولزمت حدودها

الافضل تتخلصون منها وبأسرع وقت انتوا ما تعرفون

شو المستخبي لكم من عمايلها ممكن سارقه ومسويه مصيبه

او حامل مثل شغاله اربيعتي الجار شك في بنت الجيران تطلع بالليل

وطلعت الشغاله الاندنوسيه تطلع مع واحد لين ما حملت الله المستعان

المهم تمسكون هاي الحرامي الهندي وتأدبونه كم من عائله اختربت بسبته

**حــــلاوه** · 2011-08-16, 11:56

لا اله الا الله

**MIROTA** · 2011-08-16, 15:22

ماادري ليش ساكتين عنها !!!لين تيب لكم مصيبة لاقدر الله؟؟

**Rabosh** · 2011-08-16, 15:50

سفروها واخلصو منها لا حول ولا قوة الا بالله هي هي مشكال الشغالات اللي بندخلهم بيوتنا وبنستأمنهم على بيتنا واطفالنا
الله يعينكم يا اختي

الموضوع: شو الحل ويا الشغاله؟

أدوات الموضوع

عرض

شو الحل ويا الشغاله؟

المزيد من آخر المواضيع من نفس القسم:

المواضيع المتشابهه

ش اسوي ف الشغاله؟

رد الشغاله

شو الحل أخلي البيبي مع الشغاله و اروح الدوام ؟!

لبس الشغاله