تقرير سفرتي الى الصين وبالأخص سور الصين .. صيف 2010

**عينـــاويـــه** · 2011-08-15, 01:36

مرحبا السلام عليكم والرحمه

اشحالكم خواتي المحبين للسفر مثلي والغير محبين للسفر بعد لا تزعلون

رجعتلكم بعد غيبة طويلة طالت سنتين تقريبا انقطعت فيها عن تقارير سفراتي

وياني حماس وحبيت احطلكم السفرات اللي ما حطيتها من وقت ما انقطعت عنكم

سفرتنا في صيف 2010 كانت الى الصين

الهدف الرئيسي كان زيارة اكسبو شنغهاي 2010 في مدينة شنغهاي الصينيه ،، لأنه بابا كان السنة كلها هناك فما انروم انسافر الا هناك ههههه

اهلي ساروا لمدة شهر واستمتعوا

أنا لظروف خاصة ما رحت الا لعشر أيام

وبخبركم عن الرحلة بشكل عام ،، لكن أي وحدة منكم عندها أي استفسار عن أي شي ما ذكرته في التقرير .. الساحة لها وتتفضل تسأل ..

وترى الصور قليلة جداً اللي تناسب اني احطها فالمنتدى .. لأنه الباقي اهليه ورازين فيها الويه

ما حبيت ابخل عليكم بالصور القليلة اللي ولفتها لعيونكم

ما بطوّل عليكم وببدأ بدخل في الموضوع .. لأنه الموضوع لسفرة في صيف 2010 (جديمة) فما بعطيه اكبر من حجمه

any way

---

بسم الله الرحمن الرحيم

انا سويت دعاية من قبل عن معرض اكسبو شنغهاي في هذا الموضوع

http://forum.uaewomen.net/showthread.php?t=706233

والحمدلله نجحت مشاركة جناح الامارات بجهود الجميع

سرت تقريبا لمدة 10 أيام

اهلي ساروا قبلي من 3 اسابيع .. بس بسبب ظروفي كانوا عارفين اني ما بسير.. وتيسرت الأمور ورتبت مع ابوي عالتلفون وسرت سويتلهم مفاجاة ههههههههه طبعاً اتخبلوا .. لأنه السفر بدوني ما يحلى وهاي كانت اول سفره لهم بدوني خخخخخخخ

المهم على طيران الامارات من دبي الى شنغهاي

أول الأيام تميت ازور المعرض بشكل يومي وكان وايد حلو وطبعاً جناح الامارات احلى جناح كان في نظري ونظر الجميع .. والحمدلله تصميم الجناح فاز

والتصميم هذا شغالين على أساس يفكونه من هناك ويركبونه في جزيرة السعديات قولوا على اول السنة اليايه ان شاء الله

ما اريد اتكلم وايد عن المعرض ولا بحط صور عنه >> مافيني كسلانه ههههه

لكن صورة لعيونكم من جناح الامارات

وصورة الجناح ما بحطه .. شوفوه عالطبيعية في جزيرة السعديات ان شاء الله

وبعد الحواطه في المعرض وزيارة أكثر عن جناح

لفيت في مولات شنغهاي سريع سريع خطافي ههههههه

وعقبها حجزنا على طيران داخلي من شنغهاي إلى بكين (لزيارة سور الصين العظيم)

ومن هني بحطلكم الصور عن السور وبس

وبينتهي التقرير ان شاء الله

كانت رحلتنا فالليل ووصلنا بكين المسا وعلى طول عالفندق ووينك يالفراش

وثاني يوم الصبح سيده خذنا درب سور الصين

وهذا الموديل مالي في أغلب الصور

وحبيتلكم هالصورة

وصلنا منطقة السور وكان شي ناس على قد حالهم يبيعون شغلات للسياح وهالأمور اتعرفونها

وكم صورة خظافي

وشكرت الويوه السمحه اللي سمحتلي بتصويرها لكن بدون ابتسامة هههههه ما ادري ليش

كابات رجالية وممكن يلبسونها الحريم

مظلات نسائية لكن ما تنفع للرياييل خخخخخخخخخ

هذا اللي صورته فالبداية من الخلف والحين من الجدام (اقصد من الامام) << متأثره بـ شومبيه زعيم الحاره هههههههه

ما اعرف شو يبيع ولا شو يسوي لا تسألوني

هذا دليل الصين في كل مكان ههههههههه

وللتقرير بقية ..

المزيد من آخر المواضيع من نفس القسم:

**لمسة فن99** · 2011-08-15, 01:48

نااااااايس

مشكورة ع التقرير

**عينـــاويـــه** · 2011-08-15, 02:32

انكمل ،،

عشان توصلون للسور .. في أكثر عن محطة تلفريك وهذي اللي اخترناها وقصينا التذاكر وصعدنا

والزحاليق الصيفية كانت موجوده لكن ما لعبنا لضيق الوقت .. لأنه كان عندنا بس يوم واحد انروح للسور وسيده عالمطار عشان نرجع شنغهاي

السور على امتداده

معلومات بسيطه عن السور ،، وبتحصلون اكثر عن هالمعلومات في الانترنت فما بكثّر منها

تم بناء السور لأغراض عسكرية أهمها حماية المنطقة في هذاك الوقت من الترك والمغول وتم البناء في سنة 204 قبل الميلاد بمشاركة أكثر من 300,000 شخص

طول السور تقريبا أكثر من 6000 كيلومتر على أطراف الجبال بتعرجاتها وتضاريسها ،، شي فوق وشي تحت

وبعد كل 200 متر تقريبا تم بناء برج حراسة مثل اللي اتشوفونه بالصورة

وهذا من قريب

وانبنى السور من طين وحجارة طويلة عريضة ،، اتخيلوا في هذاك الزمن كيف كانوا يشيلون الحجارة فوق الجبال !!

مثل ما قلتلكم انه طول السور اكثر من 6000 كيلومتر ،، لكن مب كله مسموح انه السياح تمشي فيه .. فاتحين بس جزء بسيط منه وهذا الجزء يمكن ربع أو ثلث السور هههههههه

ونحن مشينا تقريبا كيلوين وهلكنا بمعنى الكلمة، لأنه كله طلعه ونزله ،، وفي هذاك اليوم كانت الشمس رأسية على رؤوسنا

صورة من داخل أحد أبراج الحراسه

وهذي بعد

يتبع >>

**هوى الروح** · 2011-08-15, 02:36

في انتظارج يا القاطعه خخخخخخ

**عينـــاويـــه** · 2011-08-15, 02:44

الجزء الأخير من التقرير ،،

في الأبراج في أماكن مبنيه تحت السور يتخبون فيها من العدو وهذي مخارجها

وبعدنا مواصلين المشي نتريا محطة تلفريك اتنزلنا اااااه تعبت من المشي هذاك اليوم

مثل ما شفت في باريس ،، عرسان يتصورون عند برج ايفل وقوس النسر ،، وفي الهند عند تاج محل ،، بعد في الصين عند سور الصين عرسان شادين حيلهم للتصوير هههههههه ،، احييهم الصراحه على هالتفيج خخخخخخخ

[/QUOTE]

موديلي حبيبي ،، الحين فالصورة بالتي شيرت ،، في الأخير فصخ التيشرت وبس بالفنيله يمشي عالسور من الحر ههههههههه

زخيت اخوي يالس يصوّر هههههه

وهذا اخوي الثاني البطل ما شاء الله كان سابقنا ونحن نتسحب من التعب هههههه

واخر صورتين قبل لا اختم التقرير

فالختام اقولكم ،، زرت من قبل برج ايفل (ما تحمست له وايد) وتاج محل (انبهرت فيه) وسور الصين (صدق صدق تعجبت وااااااااااايد كيف بنوا هالسور في هذاك الزمن اللي ما كانت متوفره فيه لا تكنولوجيا ولا آلات ولا معدات ،، صدق انه سور عظيم .. وانصح باللي يسير الصين لازم يزوره وما يطوفه
- - -

تم بحمد الله

التقرير صغير وايد بالنسبة لتقارير القبلية ،، لكن ان شاء الله يكون امتعكم

وحاضرين لأي استفسار

تحياتي لكم >> عينـــاويـــه <<[/CENTER]

**عينـــاويـــه** · 2011-08-15, 02:52

لمسة فن99 ،، الله يسلمج

هوى الروح ،، لا تقولين قاطعه ،، والله مب بيدي ظروف الدراسه صادفتني وما كنت الحّق اسوي شي

وع فكرة كل يوم اتابع تقريرج لتركيا صفحة ولا صفحتين

لكن لين الحين ما حطيت رد

ما عرفت ارد على شو ولا شو

بس بخلصه ولازم احطلج رد يليق بتقريرج الغاوي مثل ما عودتينا

**هوى الروح** · 2011-08-15, 02:55

رووعه الصور و خاصه الاخيره

وباين شمس>< وحررر

والمعرض بس ها ما توقعت ؟؟

اشكرج اختي

**مواليد2010** · 2011-08-15, 03:01

ناااايس

**عينـــاويـــه** · 2011-08-15, 03:01

هوى الروح ،، مرورج الأروع عزيزتي

الصور يت جميلة لوجود الشمس اكيد .. والحر لا حيله

المعرض صوره وااااااااااااااايد بس حسيت ماله معنى اني انزل صوره عرفتي ..

ومثل ما قلتلج انا اتكلمت عن المعرض في موضوع سابق وما حبيت ارمس زيادة هني او احط صور

وصور الجناح عندي اهليه اكثر شي فما حبيت احطهم

لكن بتحصلين في قوقل واليوتيوب عن الجناح وايد اشياء اكتبي

Uae Pavilion expo shanghai 2010

ووايد شباب وبنات من تكاتف ساهموا فالجناح وحطوا صور في الفيس بوك واليوتيوب ،، اذا تحبين اعطيج وصلات بطلعلج وبطرشلج

**سوارة** · 2011-08-15, 03:11

**عينـــاويـــه** · 2011-08-15, 13:49

سواره ،، يزاج اللّھ خير

**ms.goldy** · 2011-08-16, 03:08

مطوول الغيبات ياب الغنايم وماشالله تقريرج حلو وتصووويرج ولو حطيتيلنا صور من الجناح حق الي ما بيقدرون يزورون جزيرة السعديات

وبنتريا باقي التقارير يا حلوووه

واسمحيلي مسحت صورة العروس لانه مخالفه وبس غطي جسمها وردي نزليها

**برق لمع** · 2011-08-16, 03:14

روعه بس عاد يوم قلتي حر ^_^ غيرت رايي

**ياروح الروح** · 2011-08-16, 03:34

لله رووووعه
اي روعه بس خيااااالي
بس صج عجيب سور الصين ولله انا الصور ابهرتني

شايف تقرير عنه بالتلفزيون بختصار عن العجايب السبع

بس ولله رووووعه

لو انا ساير بس بفج حلجي من كثر مب مبهره ههه ههه ههه هه ه هههه

يسلمووو ع الصوور العجيبه

ولله يعطيج العافيه

ان شالله اسير واشوفه ع الطبيعه

**يابانيه كوريه** · 2011-08-16, 03:42

ما شاء الله...تسلمين على هذا التقرير الحلو...الله يوفقج

الموضوع: تقرير سفرتي الى الصين وبالأخص سور الصين .. صيف 2010

أدوات الموضوع

عرض