مصدومة خواتي

**ريلي حياتي** · 2011-08-13, 22:37

السلام عليكم
بنات انا توني ياية من العيادة
اول شي بخبركن بسالفتيه

الله يسلمكن انا حملت قبل سنة ونص تقربيا وعقيت
طبعا الي متابعة مواضيعي بتعرف ان ريلي خليجي وانا عايشه وياه فبلاده
المهم
رمضان الي طاف سرت اتعالج هني في الامارات
طبعا ريلي رفض انه يفحص وهو في بلاده
انا سرت بروحي قالتلي الدكتورة ان التبويض عندي ضعيف
وعطتني كلوميد قبل سفري له
خذت كلوميد بس ما فاد استغربت يا ربي شو السالفة
حاولت انسى يمكن من كثر ما افكر بسالفة الحمل

المهم مرت الشهور وحنيت على ريلي ليما خليته اقتنع
وقررنا نتعالج هناك في مستشفى معروف طبعا مواعيدهم بعيدة بسبت الزحمة
ريلي قال انه هذا اول واخر مرة افحص فيها
خذوا منه عينة من السائل وسحبو مني دم عاساس يشوفون الهرمونات وووو
طلعت نتيجة فحص ريلي استلمتها من المختبر وحجرنا الموعد الثاني
بس الدكتورة سافرت وتأجل الموعد وأنا صارت لي ظروف ورديت البلاد
ريلي عطاني نسخة من نتيجة فحصه واحنا طبعا ما نعرف شو مكتوب فيها
المهم اليوم سرت العيادة كنت تعبانة شوي وخبرت ريلي
ذكرني وقالي راوي ورقة الفحص حق الدكتورة خذيت الورقة وياي

دخلت عليها وقلتلها اني ساعات احس بالعوار تحت فحصتني وقالت فطريات
وراوتني البويضة قالت حجمها زين

عقب طلعت الورقة من الشنطة وراويتها
وانا قلبي يدق بسرعة وخايفة واقول في نفسي ان شاء ما في شي
قالت ان حركة الحيوانات مب زينة بطيئة ولازم ريلج يتعالج
هني انا انصدمت ما اعرف شو صار فيني مسكت عمري من الصياح
ظهرت من العيادة والف فكرة فبالي توديني وتيبني
وريلي ياس يدق لي ويطرش مسجات يبى يطمن بس ما اقدر ارد عليه اخاف يحس ان في شي
بنات انا يوم ضايج افضفض حق ريلي
احين مااباه يعرف خاصة وانا بعيدة عنه مااعرف شو بيكون موقفه

بنات في حد منكن ريلها جي وحملت؟
طمني
ادري ان وايد طولت وكلامي ملخبط

بس مااعرف اشكي لمنو محد يعرف هالشي غيركن
حتى امايه ماخبرتها ولاناويه اخبرها

وابى خلطات حق تقوية وزيادة حركة الحيوانات المنوية الي تعرف لا تبخل
دعواتكن
مضايجة

المزيد من آخر المواضيع من نفس القسم:

**تفاحه الخضرا** · 2011-08-13, 22:49

ربنا كبير اصبري والله يعود صبرج على خير
خلي سوي ريلج زياده الخصوبه وان شاءالله خير يااااااارب

**ام قاايد** · 2011-08-13, 22:56

خلي ريلج يتعالج و ان شاء الله بهالشهر
ربي بيسهل عليكم و يرزقكم بالعياال ياارب

**ftat** · 2011-08-13, 22:57

اختي لا تضايقين و.لا شيء

ريل أختي كان عنده نفس المشكلة بس خذ شوية فيتامينات وماشاء الله اختي احملت في نفس الشهر..ربي يكتب لج الذرية الصالحة وتحملين في القريب العاجل

**ياقوتةخضرا** · 2011-08-13, 22:58

أكيد هالشي له علاج
وانتي ليش مصدومة ؟

معظم الريايل يمرون بفترات جذيه نتيجة الاجهاد وطبيعة الحياة
واللي أعرفه ان هالاشيا الحين وايد اتطورت وممكن علاجها

أول خطوة تسوينها انج تخبرينه وتقولين له انه أكيد شي علاج عشان يشوف له دكتور يبدأ وياه العلاج

وطمنينا

**تفاحه الخضرا** · 2011-08-13, 23:02

كلام الخوات كل صح كل شي له علاج وان شاءالله يرزقج ويرزق كل محرومه يارب
اللهم شفينا وعافينا يارب

**ريلي حياتي** · 2011-08-14, 00:58

تفاحه الخضرا
ام قاايد
مشكورات حبيباتي ع المرور

ftat
مشكورة حبيتي ريحتي قلبي
الله يريحج دنيا واخرة ويوفقج

ياقوته خضرا
مشكورة اختي ع المرور
ما اعرف ليش ارتحت لج

**تفاحه الخضرا** · 2011-08-14, 01:02

العفو اختي والله يوفقج

**أشواق333** · 2011-08-14, 01:11

ربي بيسهل عليكم و يرزقكم بالعياال ياارب

...

**ريلي حياتي** · 2011-08-15, 17:11

المشاركة الأصلية كتبت بواسطة أشواق333

ربي بيسهل عليكم و يرزقكم بالعياال ياارب

...

آمين يا رب

**ريلي حياتي** · 2011-08-14, 02:07

157مشاهدة و8 ردود بس!!!!!!!!!!
لهالدرجة متعايزات
تكتبن دعوى تفرحني؟؟؟؟؟؟

**khalejeya** · 2011-08-14, 02:57

حالة زوجي مثل حالة زوجج

بس قاعدين نتعالج

ربي يرزقنا جميعا

**ريلي حياتي** · 2011-08-15, 17:20

المشاركة الأصلية كتبت بواسطة khalejeya

حالة زوجي مثل حالة زوجج

بس قاعدين نتعالج

ربي يرزقنا جميعا

آمين يا رب

**آم سع ـيد** · 2011-08-14, 02:58

حبيبتي حبيت أطمن قلبج وآريح بآلج ..
آن مشكلته بسيطه بأذن آلله ..وعلاجهآ شهر آو شهرين وآن شـآء آلله بتحملين ..
بخبرج عن مرقف ..
مره كنت رآيحه عن آلدكتورة مآلتي .. آللي كنت آتعآلج عندهآ ..
وصآح تليفونهآ وكآنت وحده من آلحريم آللي تعآلج عندهآ .. فخبرتهآ آلدكتورة آن ريلهآ عنده مشكله في آلحركه آنهآ بطيئه شوي ..
وتخيلي مآ وصفتلهآ لآ دوآ ولآ غيره .. قآلتلهآ خليه يشرب حليب بزنجبيل آعتقد كل يوم قبل لآ يرقد وآن شـآء آلله بيتحسن! >> مب متآكده من آلوصفه عدل بس آللي آحيده آنه زنجبيل بحليب ومآآذكر آذآ شي ثآني ويآه آو لآ

وآن شـآء آلله آنتي بعد ريلج مآ بيحتآي لآدويه وعلآج طويل ..
لآ تكبرين آلموضوع وآآآآيد وتبينين آنهآ مشكله كبيره ... حآولي قد مآ تقدرين تفهمينه بآسلوبج آنهآ مشكله بسيطه مع آلعلآج بتختفي ..
بس ضروري يعرض نفسه على دكتور .. عسب يقيم حآلته ..

وآلله يرزقني ويرزقكم ويرزق كل محروم بآلذريه آلصآلحه يآرب ..

**ريلي حياتي** · 2011-08-15, 17:26

المشاركة الأصلية كتبت بواسطة آم سع ـيد

حبيبتي حبيت أطمن قلبج وآريح بآلج ..
آن مشكلته بسيطه بأذن آلله ..وعلاجهآ شهر آو شهرين وآن شـآء آلله بتحملين ..
بخبرج عن مرقف ..
مره كنت رآيحه عن آلدكتورة مآلتي .. آللي كنت آتعآلج عندهآ ..
وصآح تليفونهآ وكآنت وحده من آلحريم آللي تعآلج عندهآ .. فخبرتهآ آلدكتورة آن ريلهآ عنده مشكله في آلحركه آنهآ بطيئه شوي ..
وتخيلي مآ وصفتلهآ لآ دوآ ولآ غيره .. قآلتلهآ خليه يشرب حليب بزنجبيل آعتقد كل يوم قبل لآ يرقد وآن شـآء آلله بيتحسن! >> مب متآكده من آلوصفه عدل بس آللي آحيده آنه زنجبيل بحليب ومآآذكر آذآ شي ثآني ويآه آو لآ

وآن شـآء آلله آنتي بعد ريلج مآ بيحتآي لآدويه وعلآج طويل ..
لآ تكبرين آلموضوع وآآآآيد وتبينين آنهآ مشكله كبيره ... حآولي قد مآ تقدرين تفهمينه بآسلوبج آنهآ مشكله بسيطه مع آلعلآج بتختفي ..
بس ضروري يعرض نفسه على دكتور .. عسب يقيم حآلته ..

وآلله يرزقني ويرزقكم ويرزق كل محروم بآلذريه آلصآلحه يآرب ..

آمين يا رب
الله يسمع منج
مشكورة حبيبتي صدق ريحتي بالي وطمنيني
أنا خبرته وفهمته السالفة
,إن شاء الله خير

أختيه أنا متابعة مواضيعج
و تعيبني أسلوبج في النصح والكتابة
ما شاء الله عليج ربي يحفظج لأهلج
ويتمم حملج على خير
إن شاء الله أكون وياك في التجمع

الموضوع: مصدومة خواتي

أدوات الموضوع

عرض

العرض المتطور

مصدومة خواتي

المزيد من آخر المواضيع من نفس القسم:

المواضيع المتشابهه

مصدومة من اختي!!

مصدومة:(

أنا مصدومة

مصدومة من ربيعتي

مصدومة !!!!!!!!!!!!