مالجه ولا

**مشكله** · 2011-08-11, 13:50

السلام عليكم بنات شخباركم

بغيت اقولكم قبل لا افتح الموضوع بان هذا النك نيم مخصص لمشكللاتي انا وبعض صديقاتي ،، بالرغم ان كل وحده منا عندها نك نيم ثاني تشارك فيه بس هذا للخصوصيه

مشكله :

ينات انا مخطوبه وملجتي قريب بس مشكلة العادات والتقاليد في عايلتنا ، انا بياخذني واحد من اهلي ووافقت عليه ولكن نحن مابينا تواصل يعني الرياييل رالحريم بس نشوفهم ونسلم من بعيد ،، يعني ماعرف عنه شي ابدا وانا اريد اكلمه بعد الملجه عشان اتعرف عليه لاني وايد خايفه ماعرف كيف تفكيره كيف اولوياته ؟

كيف اقولهم ابا اكلمه الموضوع صعب وايد وهوو طبعا مب من النوع الي يحب ااكلام فوقت الملجه بسبب مشاكل اخته مع زوجها ؟

المزيد من آخر المواضيع من نفس القسم:

**..قلب طفلة..** · 2011-08-11, 14:42

الله يسر أمورج حبوبة..

**أم حمد 11211** · 2011-08-11, 14:55

المفروض يرمسج ع الأقل لو مرتين بالأسبوع عسب تعرفين أطباعه ويعرف أطباعج ^^

مادري كيف هالناس تفكيرهم بهالطريقه الله يعينج أختي ويسر أمورج يارب

**بنوتـــهـ** · 2011-08-11, 15:19

اذا هو طلب حاولي تقعنين اهلج
لكن اشوف انها صعبه انتي تقترحين

!!

والله ييسر لج حبيبتي

**"زوزو1"** · 2011-08-11, 15:25

يارب لقد ضعفت ولا غيرك يقويني...لقد يئست ولم أفقد فيك يقيني ... لقد ضللت ولا سواك يهديني
لقد غرقت وأنت وحدك منجيني ... يارب ارحمني في لحظة ضعفي وابعد عني شيطاني ونفسي واهدي لي قلبي وعقلي واغفر لي خطيئتي ويأسي اللهم إملا قلبي لك حمدا واكتب لي في قلوب العباد وداً,وأمدني من فضلك في الرزق مداً,ولا تسلط على من أهل السوء أحدآ وأجعل كل أيامي مباركة تدوم نفحاتها على وعلى أهل بيتي ما دمت أبدآواجعلني ممن يحشرون إلى الرحمن وفدآ

ربي يسر لج اختي

**Mall.08** · 2011-08-11, 15:28

الله ايسر لكم ويجمعكم لى الخير

**bellegirl** · 2011-08-11, 16:12

بِسْمِ اللهِ الرَّحْمَنِ الرَّحِيم

رب اشرح لي صدري .. ويسر لي أمري .. واحلل عقدة من لساني .. يفقهوا قولي ..

ربي يوفقج أختي

وبنظري اقترحي وبادري

هذا مستقبلـج غاليتي ومستقبـل اسرة بالكامل

خذي الوالدة على صوب وقولي لها هذا بيكون ريلي وبعيش معاه شرات ما عشتي ويا الوالد ربي يحفظه ^^

والحين نحن على سنة الله ورسوله عليه الصلاة والسلام

وزمان مب مثل الحين ,, الرياييل تغيرو والتطلعات تغيرت

فلازم أعرف هو شو مشاريعه وشو تفكيره وشو إرادته من هذا الزواج

شي أساسي وضروري لا تتهاونين فيه أختي

**ابتسامتي غير** · 2011-08-11, 18:12

رمسي الوالده ولو ما صار خلاص توكلي شو بتسوين بعد

وترا مهما رمستيه ما بتعرفينه لين تعيشين وياه لان كل واحد يحب يطلع احلى ما عنده

**laila226** · 2011-08-11, 20:20

ربي يوفقج اختي
حاولي انج اتكلمين امج
واتفهميها
لان هذا زواج مب لعبة

**نسيم الليل37** · 2011-08-11, 20:32

ربي ايسر اموركم ويبـآرك لكم وعليكم ويجمع بينكم ع خير .. ~

سبحان الله وبحمده

**حـ uae ـلا** · 2011-08-11, 20:37

المشاركة الأصلية كتبت بواسطة بنوتـــهـ

اذا هو طلب حاولي تقعنين اهلج
لكن اشوف انها صعبه انتي تقترحين

!!

والله ييسر لج حبيبتي

ويا الاخت ^^

و اصلا هو بكون ريلج يعني ما فيها شي لو كلمج

**سوارة** · 2011-08-11, 20:37

**وردة ساطعه** · 2011-08-11, 20:55

كيف هذا
المفروض تقعدين معه قبل الملجه كمان جلسه شرعيه تكوني جالسه انتي واهلك وهوه عشان تسمعي كلامه وتعرفي افكاره وعقليته واذا ارتحتي له
بعد الملجه لازم تتكلمي معه كيف يعني فجأه تروحي على بيته بدون كلام
مش منطقي بصراحه

**مجنونة و تجنن** · 2011-08-11, 22:07

الله يسهل اموورج حبيبتي
و توكلي على الله

**سحلوت** · 2011-08-12, 01:40

ماعرف بشوه اشور عليج

لانها نفس التقاليد
منقووووود

الموضوع: مالجه ولا

أدوات الموضوع

عرض

مالجه ولا

المزيد من آخر المواضيع من نفس القسم:

المواضيع المتشابهه

شو ذنبي اني كنت مالجه واطلقت؟

انا مالجه ... بس !!

مالجه وماعرف كيف اتصرف ’

إلي مالجه

سؤال لكل بنت مالجه ؟؟