يومياتي من جديد .. و بأراده قويه

**,,Cupcake,,** · 2011-08-09, 20:27

السلام عليكم و رحمة الله و بركاته

حبيت افتح موضوع يديد و يوميات يديده
انا هاي مب اول مره افتح موضوع هني في نفس القسم فتحته قبل بنكي الجديم و للاسف ما حسيت انه في حد حمسني
فقمت اهمل لو اني نزلت بس ما حافظة و رديت كل الي نزلته
انا تقريبا من 4 سنوات و انا اقول بسوي رجيم من كان وزني 60 و انا اقول بسوي و بسوي وبسوي
ابدا و ما اكمل لحد ما وصل وزني حاليا 72
اشتركت في الجم بس ما نفع وياي حسيت اني بديت اعرض يبت مدربه البيت انا و خواتي نفس الحاله
يبت وحده صينيه تسويلنا مساج بالجهاز نزل وزني بس عقب ما ودرته رديت انتفخت ما خليت شي
بس الشي الوحيد الي نفع وياي كنت ايب وحده فلبينيه تسويلي مساج بيدها و نفعلي و نزلني واايد بس ما استمريت وياها لانه الوالده تخاف من هالاشياء
و بعد مره خذت فتره تقريبا سبوعين و انا انط عالحبل و ماشاءالله نزلت 7 كيلو
انا قبل لا اسافر بديت في رجيم كان وزني 72.2 و نزلت لين 70.6 بس للاسف رديتهم و اليوم وازنه وزني 72
فحبيت ابدا وياكم و ياريت القا بينكم من يحمسني و يقولي تجاربه

الطول :- 155 سم
الوزن الحالي:- 72كيلو
الهدف الاول :- 67 كيلو
الهدف الثاني :-62 كيلو
الهدف الثالث :- 57 كيلو
و الاخير :- 52 كيلو

المزيد من آخر المواضيع من نفس القسم:

**سوارة** · 2011-08-09, 20:36

**بنـــت الفلاسـي** · 2011-08-09, 23:58

ربي يقدرج وتنزلين ان شاء الله ...

يلا أبدي ويانا ... ( تخفيف + رياضة مكثفة + ماي وااايد + شاي اخضر ) .. وباذن الله كلنا نازلين ^ـ^ ..

وبتابعج كل يوم ...

ربي يوفقج

**lollypop.84** · 2011-08-10, 00:22

المشاركة الأصلية كتبت بواسطة بنـــت الفلاسـي

ربي يقدرج وتنزلين ان شاء الله ...

يلا أبدي ويانا ... ( تخفيف + رياضة مكثفة + ماي وااايد + شاي اخضر ) .. وباذن الله كلنا نازلين ^ـ^ ..

وبتابعج كل يوم ...

ربي يوفقج

يامرحبااااا بج في قسمنا هههه
نحن تقريبا كلنانفس الاوزان
ونفس الهدف

وابدي ويانا
وان شاء الله بتوصلين لهدفج
لاتعتمدين عالجلسسات والرياضه بس
عليج بالرياضه والتخفيف^^

شدي حيلج حبيبتي

والله يوفقج

**,,Cupcake,,** · 2011-08-10, 06:07

يا مرحبابكن نورتن الموضوع.
أنا بخفف و بلعب رياضه
بأجر ان شاءالله قبل الفظور بروح أنادي. و بشترك و بحاول أخفف قد ما أقدر
المصيبه أنه أختي أمسات راده من أسفر و كل يووم يتيمعون و أيبون من كل ما لذ و طاب.

**,,Cupcake,,** · 2011-08-10, 17:42

منو من العين و ترووح نادي الاكسير؟ قبل الفطوور؟

----------

انا اليوم سرت و حسيت بهبوط اهئ
يمكن لانه اول يوم و لاني صايمه

**bellegirl** · 2011-08-10, 19:36

بِسْمِ اللهِ الرَّحْمَنِ الرَّحِيم

رب اشرح لي صدري .. ويسر لي أمري .. واحلل عقدة من لساني .. يفقهوا قولي ..

ربي يوفقج ويثبتج أختي

**,,Cupcake,,** · 2011-08-10, 19:43

يزاج الله خير

**,,Cupcake,,** · 2011-08-10, 20:01

نظامي لليوم

رحت النادي و لعبت جيم ويال المدربه من اساعه 4 ليين اساعه 5
بالكووره بس شو تعبت لانه اول يووم و لانه صايمه و عقولت خالتي الله يعينج من اول يوم كوره ههه

و الفطور اول شي شربتلي كوب ماي و حبت رطبه
و الوجبه الرئيسه كانت عباره عن صحن نصه سلطه بس شكله في اصوره اقل
و انص الثاني عيش و صالونة دياي ( ما اقدر ما اكل عيش) بس كلت نصص العيش ما كلته كله
و حبة سمبوسه
و كوب فيمتو

و الحين قاعده اشرب كوب جاي اخضر ويا زنجبيل

و باقي اليوم بكمله ويا السحور p: معني ما اعتقد لاني حسيت اني كثرت في الفطور

**ام حمود وعبود** · 2011-08-10, 20:10

**بنـــت الفلاسـي** · 2011-08-11, 00:33

حلو يومج ولا تحاتين ما كثرتي ع الفطور دامج كلتي نص العيش مب كله ^ـ* .. ودامج مواضبه ع شرب الشاي الاخضر بالزنجبيل انتي صح ...

وحاولي اتخصصين وقت للرياضه من بعد التراويح ... يعني لاحظت انج سرتي النادي وسويتي من الساعه ٤ لين ٥ ..

ابدي بمكاين الكارديو .. اللي تخسرج سعرات حراريه واتزيد من نبض القلب ... وبعدين للاشيا الثانيه ..

فالحين انتي كيف نظامج للرياضه شو مرتبه ؟!

بس يومج حلو مافيه شي لا تحاتين .. ولو تاكلين السحور من الساعه ٣ او ٢:٣٠ يكون احسن عشان تلحقين تشربين الشاي مره ثالثه في اليوم ..

وان شاء الله متابعتنج

**بنـــت الفلاسـي** · 2011-08-11, 00:35

توني اقرى الصفحه الاولى ...

المفروض الرياضه يوم تكون قبل الفطور .. تكون بساعه بالكثير ساعتين .. انتي سويتي قبل بثلاث ساعات لازم بييج هبوط الغاليه ..

ولازم ما تكون رياضه عنيفه .. شي خفيف مثل المشي او الجري .. لان يوم تكملين ٤٥ دقيقه رياضه بنزل السكر اللي في دمج بيؤدي للهبوط والتعب ..

فحاولي اتغيرين وقتج للرياضه .. !

^ـ^

**,,Cupcake,,** · 2011-08-11, 01:36

المشاركة الأصلية كتبت بواسطة بنـــت الفلاسـي

حلو يومج ولا تحاتين ما كثرتي ع الفطور دامج كلتي نص العيش مب كله ^ـ* .. ودامج مواضبه ع شرب الشاي الاخضر بالزنجبيل انتي صح ...

وحاولي اتخصصين وقت للرياضه من بعد التراويح ... يعني لاحظت انج سرتي النادي وسويتي من الساعه ٤ لين ٥ ..

ابدي بمكاين الكارديو .. اللي تخسرج سعرات حراريه واتزيد من نبض القلب ... وبعدين للاشيا الثانيه ..

فالحين انتي كيف نظامج للرياضه شو مرتبه ؟!

بس يومج حلو مافيه شي لا تحاتين .. ولو تاكلين السحور من الساعه ٣ او ٢:٣٠ يكون احسن عشان تلحقين تشربين الشاي مره ثالثه في اليوم ..

وان شاء الله متابعتنج

شو مكاين الكارديو؟ قصدج مثل كريزي فت مساج؟ عندي الجهاز و ان شاءالله بركب عليه عقب شوي لاني توني تسحرت لوول

المشاركة الأصلية كتبت بواسطة بنـــت الفلاسـي

توني اقرى الصفحه الاولى ... المفروض الرياضه يوم تكون قبل الفطور .. تكون بساعه بالكثير ساعتين .. انتي سويتي قبل بثلاث ساعات لازم بييج هبوط الغاليه .. ولازم ما تكون رياضه عنيفه .. شي خفيف مثل المشي او الجري .. لان يوم تكملين ٤٥ دقيقه رياضه بنزل السكر اللي في دمج بيؤدي للهبوط والتعب .. فحاولي اتغيرين وقتج للرياضه .. ! ^ـ^

المصيبه دريولنا مسافر و ملتزمه ويا خالتي اروح وياها
لو موجود كنت بخلي الكلاس من 5-6

**بنـــت الفلاسـي** · 2011-08-11, 01:47

مكاين الكارديو عندج ...

ُTreadmill ... للمشي والجري

Bike ... سيكل ... واايد زين اللي بدون ظهر شرات اللي فالصوره

Cross trainer Elliptical

Elliptical Wave

هاييل تستخدمينهم كبدايه لو جسمج مب متعود مال ربع ساعه .. كل مره اتزيدين .. ^ـ^

حاولي اتغيرين توقيتج من قبل الفطور لعقب التراويح بتاخذين راحتج وبتاخذين ساعتين رياضه بدال ساعه ..

**,,Cupcake,,** · 2011-08-11, 02:17

هييييه عرفتهن
اليوم ركبت على Cross trainer Elliptical

بس 5 دقايق فما اعتبر اني ركبتها
و ما طولت لاني رحت عند المدربه لوول

الموضوع: يومياتي من جديد .. و بأراده قويه

أدوات الموضوع

عرض