بنات أريد حد يصبرني

**أنا من أكون ؟** · 2011-08-09, 00:28

السلام عليكم ورحمة الله وبركاته
بنات أنا بخبركم موضوعي، أنا عرست تقريبا من سنة ،وصارت وايد مشاكل بينا وبين زوجي بسبب أمه حتى وصلت لدرجة إنها تضربني ،وقبل خمسة شهور طردتني من البيت وأنا حامل الحين في شهر السابع واتصلت في أهلي تصورن حتى سوال طول هالفترة ما سال عني ولا فكر فيني أو إني حامل أهلي بين اليومين يتصلوا فيم كل أسبوع يقولوا بنجي ولا عبرونا زوجي من النوع أبدا ضعيف شخصية ووايد يخاف أمه ،المهم من أسبوع طلقني والله يا بنات تعبانة كثير ،أهلي يقولوا باعك ولا فكر فيك ولا كانك حرمته لا تبكي عليه
أنا كنت أريد ياخذلي بيت بس امه رفضت وقالت له طلقني وعلى فكرة أخوة بعد مطلق حرمته على نفس السبب كانت تريد بيت بروحها
أنا الحين أريد أنساه

المزيد من آخر المواضيع من نفس القسم:

**Vanilla.Box** · 2011-08-09, 00:31

اللهّم اغننا بحلالك عن حرامك ،

وبطاعتك عن معصيتك ، وبفضلك عمن سواك ،

اللهّم لا تكلنا إلى أنفسنا طرفة عين ،

اللهّـــم آميـــن .

**بزيت أمها** · 2011-08-09, 00:31

ربي يكتبلج الخير ويسهل أمرج

**فرحة عمر** · 2011-08-09, 00:32

الله يكون بعونج ويصبرج اختي

**ريلي حياتي** · 2011-08-09, 00:46

الله يصبرج اختي

**وحييدهـ** · 2011-08-09, 00:47

الله يعينج حبيبتي..

ويصبج على ما ابتلاج..

**أنا من أكون ؟** · 2011-08-09, 00:48

بصراحة أبدا ما مصدقة إيلي صار أكثر معذبني إني حامل بس لازم اصبر

**الله يحفظهم** · 2011-08-09, 00:54

ربي بياخذ حقك حبيبتي
لا تضايقين عمرج ..زوجج ما يستاهلج ..لانه ضعيف الشخصيه
ويلي مثله صعب تكونين حياه معاه ..لا اذا تغير
اكثري من الاستغفااار حبيبتي ..في شهر الكريم
ودعي ربج يسهل عليج امرج ..وينصرج على من ظلمج
ربي يوفقج عزيزتي

**حلآتي بحجآبي** · 2011-08-09, 00:54

حبيبتي و الله،،

اهتمي بصلآتج و ادعي ربج فهالشهر الفضييل إنه ينسيج همج،،حاولي تلهين عمرج بأي شي عشآان تنسيين إلي صآار يعني ايلسي

مع هلج و خواتج أو ربيعاتج سوولفي و اضحكي و عقي إلي صآر ورآج ..إلي فآت مآات..

أصلآا إذآ ريلج ضعيف شخصية و ولد أمه شتبين فيه و من غير إلي سوته فيج عمتج و إنتي حآاااااااااااامل!!،، أصلآا هذيلآ مآ يستآهلون تفكري فيهم ..

وربي يعوضج بوآااحد يصووونج و يكووون سندج فهالدنيآاا ..

**without heart** · 2011-08-09, 00:58

لآ حول ولآ قوة إلا بالله . . شو تسوين ي ختيه . . أكيد هآ خيره لـج . . ودآمـه ولد أمـه وشخصيته ضعيفـه ألحين ولآ بعد 10 سنين مآ بيتغيـر . . وأحمدي ربج إنه رزقج منه ب يهال وآحد ولو كانو أكثر ، عذابج بيكون أكبـر . . والحمدلله يبيين أن أهلج واقفين ويآج ويعزونـج . . بيعي إلي بآعـج وإشتري إلي أشتروج . . وأحمدي الله ف السرآء والضراء . . ربـي يوفقج دنيـآ وآخره

**انثى بس غير** · 2011-08-09, 01:05

الله يعينج

شو ذنب الياهل ><

**ذوقي صعب** · 2011-08-09, 01:20

الله يصبرج اختي .. وحاولي تتقربين من رب العالمين في هذا الشهر الفضيل .. ترا بعض الرياييل مافيهم اي ذرة احساس وقلوبهم من حجر .. على بالهم الرجوله بأنهم يحتقرون الحرمة و يستصغرونها .. وحرام الحرمة تظيع وقتها وشبابها مع واحد ما يستاهلها .. *

**غلا الشامسي** · 2011-08-09, 01:29

الصبر حبوبه والعمه تغار ع ولدها من حرمته حاولي تكسبينها وبتكسبين قلب ريلج

**AL-jawaher** · 2011-08-09, 01:32

لاحول ولاقوه الا بالله

***نيويورك*** · 2011-08-09, 01:35

ولا تحاتين عساه خير لج وسد باب المشاكل وربي يعوضج واحد اخير منه يريحج ويسعدج ان شاء الله تعالى ..

الموضوع: بنات أريد حد يصبرني

أدوات الموضوع

عرض

بنات أريد حد يصبرني

المزيد من آخر المواضيع من نفس القسم:

المواضيع المتشابهه

من يصبرني على الدنيا غيرك ....

الله يصبرني يارب

اللهـ يصبرني بس !!

من يصبرني على الدنيا غيرك؟؟‏

•!¦[• من يصبرني على الدنيا غيرك ‏•]¦!•