شو رايكم في الخدامه اللي عمرها 40 سنه

[سنين الحرمان]

سلام عليكم

مثل ما واضح ف العنوان

شو رايكم في الخدامه بهالعمر ما بتكون واااايد كبيره

وخبره عندها في الكويت وقطر وهي اندنوسيه

المزيد من آخر المواضيع من نفس القسم:

• طريقة ازالة الدهون من الاوني بسهولة وفعالية
• طريقة عمل منظف للزجاج طبيعي في المنزل
• خطوات تنظيف المنزل بوقت قليل وبدون تعب
• افضل طرق تعطير غرف النوم سهلة وفعالة
• طريقة عمل معطر هواء طبيعي في المنزل حصري
• طريقة تنظيف العباية السوداء من بقع المناكير
• طريقة تنظيف الجينز بسهولة وفعاليه
• طريقة تنظيف حوض المطبخ بسهولة وفعالية
• فوائد تخزين القهوه في الفريزر
• كيفية استخدام الخل لتنظيف السجاد

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[برق لمع]

عادي حبيبتي بس اتكون بصحه خدامة امي تقريبا 45 بس شغيله وحبوبه

[رقيقة]

انا خدامتي عمرها جريب الخمسين هههه بس سيلانية
وكانت عندي اندونيسية عمرها 47
عادي يشتغلون ويكرفون بس الاندونيسية كانت هيزة اشوي
وانا ما انصحج اتيبين وحدة مشتغة في الكويت ايون قوايا والسانهم طويل

[ابتسامتي غير]

هذا اذا عمرها صدق 40

مره يبا وحده اونها 28 في ذمتي انها فوق ال 40

المكاتب جذابين

ييبي باخر العشرين احسن

لان احسهم يفهمون اسرع ويعرفون للالكترونيات وهاي الامور اما اذا مربيه لو كبيره شووي احسن لكن بالثلاثين

[kash5ah_girl]

اذا كانت بصحة و عافية بتشتغل ان شاء الله ^^

[Little Steps]

[بنت المعالــي]

الخدامه بعمر كبير احسن وعن تجربة ..والله ان اختيه مانفعت عندها الا الكبيره مع انها كانت تقول هاي وهاي وهاي لكن من جربت الصغار تابت وتنوح عالاوليه وتمت تتصل فيها تباها ترد لكن هيهاااات خلاص الخدامه اللي تابت عن اختيه ..يابتلها خدامه فلبينيه طبعا لكن صغيره عمرها 22 سنه لكن صراحه من اللي تسويه هاي عمرها مااتعدا ال16 كلما تقوللها شي اختيه وتعلق على شغلها تربع الحمام وتصك الباب وتصيح شرا اليهال ومحد يظهرها ولاتطيع تظهر الا بالموت وانا اترشاها عسب تظهر واتم قابضه الباب مايريد مايريد يريد سير فلبين خلاس مدام مافي زين انا يرووه فلبين وسفرتها ويابت ثلاث عقبها اقبضن الباب واسرحن من دون رجعه وكلهن في العشرينات ..يعني الاخت حطمت الرقم القياسي فخلال شهرين اربع خدامات وكلهن ترانزيت فبيت اختيه..انا عندي فلبينيتين وحده 35 والثانيه 38 وصدق يبين عليهن لانهن راعيات عيال وثجيلات وراعية العيال يعني اللي عندها عيال ومتزوجه ماتشرد وتتحمل الشغل عسب حايتها هذا من وجهة نظري وتجربة

[الوتر الحزين]

والله ياغناتى تجربتى يبت وحده عمرها 39 مانفعت والى قبلها كنت عندى من اربع سنوات عمرها 36 وكانت زينه والحين وحده عندى عمرها 23 والله انها لهلوبه لان ماشي هاد حيلها ياختيه يعنى يوم قارنت الصغيره تنفع اكثر وبوايد

[ام عبووود]

الصراحه انا لقيت لي وحده عمرها في الاربعين ومتردده فيها ,,

كان معي قبل خدامتين كبار في الاربعين وامي تهاوشني تقول ما تستحي تامري عليهم ,, والله بتلشنا اقول هذي الي تبي احد يخدمها بس قبل بيت خفيف وعاد الكبار فيه بس مع العيال والبيت لكبير ما ينفع ما يقدرن ,,

[۞ ملاك ۞]

كانت عندنا خدامه فلبينيه بهالعمر

والله يذكرها بالخير كانت تشتغل وتنظف من الخاطر

وبعدها يبنا وحده عمرها تقريباّ 24 سنه مامنهاااااااااااا فايده

[كواكب]

ما انصحج الصراحة ثبتها عمرها 39 وتمت عندي ست شهور وسفرتها كل شي تبي تسويه على كيفها ولا مره طلبت منها شي وسوته مثل ماعلمتها أونها خبره ومب محتايه تعليم طفرتني ورفعت ضغطي غير أني اكتشفت انها سراقه وتراقبني كيف اصرف يوم أسير السوق تجمع الفواتير وتجمع أنا كم صرفت هاليوم مثلا 0000

[عطر 77]

هذي بروحها تبغي حد يعابلها . وشكلها شبعانه من الغشل والكراف
هاتي لج وحده في الثلاثين ولو اتكون مب مشتغله احسن . بتسير على شغل ايدج

[سوارة]

المهم انها تكون عندها خبرة ومشتغلة قبل في بيوت خليجية

[دلوعه فزاع]

الاثيوبيه كان عمرها فوق 40 وتقول لنا عمرها 27 هههههه اصلا امبين من الشكل وكانت هيييييييز ترفع الظغط لما تشتغل او تمشي والحين الفلبينيه عمرها 41 بس ابصراحه شغيله وتطبخ ومشتغله ف لبنان وتسوي كل شي ابروحها

[$ عفاري $]

اذا حق الطبيخ أوكي والإندونيسية هيزه وبطيئه مابالج بوحده كبيره

انتي استخيري احسن