دور ....وله دورين... ؟!!

[أثير88]

....السلام عليكم ورحمة الله وبركاته.....

سيدات الإمارات المحترمات:

،لو قدر الله لك أن تبني عش الزوجيه كيف تريدنه من دور أو دورين ؟ ...... وليش؟

وإلي بنولاتنسوا تشاركونا من واقع تجاربكن....


وللكل خالص شكري واحترامي...

المزيد من آخر المواضيع من نفس القسم:

• احدث ديكورات مكاتب منزلية بتصميمات انيقة...
• ديكورات داخلية باللونين الأخضر والبني...
• صور ديكورات مطابخ لعشاق الرقي والاناقة
• صور ديكور غرف نوم مفعم بالرقي والفخامة
• اجمل تصاميم غرف طعام انيقة للعزومات والضيوف
• اروع تصاميم ديكورات مداخل غاية الرقي والجمال
• صور ديكورات مداخل منزل انيقة وعصرية
• احدث تصاميم غرف اطفال جميلة وعصرية
• اجمل ديكورات غرف طعام لاناقة منزلك في...
• ديكورات مكاتب منزلية غاية الرقي والاناقة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[biskoota81]

انا اتمنى يكون بيتي دور واحد لكن ريلي فديته يحاتي الحوش فقالي انشالله بنبدا بدور واحد لكن الاساس لدورين للمستقبل


وانت كيف تبينه أثير 88

[أم الطويل]

مرحبا
نصيحتي لج تصميم الدور الواحد أحسن عن تجربه بتقولي ليش؟
بقولج لأنج اذا قعدتي فوق ماتعرفي شوه يستوي تحت والعكس, وبعد تحسين ان العايله ما تلتم في مكان واحد كل واحد مايعرف الثاني وين؟؟؟
بش المشكله اذا كنتي في وسط فلل من دورين بتضطري انج تكوني شراتهم لآنج بتظيعي من بينهم هذا رايي ولج حريه الاختيار طبعا

[um_abduallah]

انا عن نفسي اقوولج اذا الأرض كبيرة فأحسن دور لكن اذا الأرض صغيرة دورين وانا فخاطري دورين بس الصالة مع الميلس وغرفة الطعام تحت مع مطبخ وغرفة وفووق صاله اطل علىجميع الغرف وخاطري اربع غرف بدرسينج روم ومطبخ وصاله يارييت والله لو وحدة اتساعدنا وتعرض مخططات جديدة لفلل خليجية حلوة وجديدة

[ام ندى ...]

انا افضل ايكون دور واحد ....لان مثلا حتى ما عندج شغاله تقدرين بنفسج تشتغلين وتخلصين شغل البيت في وقت معين عشان ما تطلعين وتنزلين .....وشوفي اراء الاخوات وتوكلي على الله .....

[أثير88]

أشكر كل وحدة منكم ردت وساهمت في الموضوع....
أختيbiskoota81(اسمك لذيذأحسنه يوعني)
أختي أم الطويل (أنا عكسج أم القصيرلأن ولدي قصير وينادونه ربعه بـــمحمد الصغيرلأنه أقصرهم)
أختي أم عبد الله
أختي أم ندى...
ألحين بقولكم رايي وليش كتبت ها الموضوع....أنا عندي ملحق (مثل غيري وايد يبنون ملحق الين الله يسرها ويطلع لهم مال الإسكان)..حسيت انه الملحق رغم صغره (غرفتين وصاله)أكثر لمه بمعنى أكثر ولفه..وبعد فيه شيء ثاني يوم سافرت شغالتي تميت أكرف كراف قلت ياربيه ملحق وجذيه شغل (تعرفون اليهال بعد)عيل لو فيلا بدورين كيف فمن يومهاوقلت لوطلعلي مال الإسكان مستحيل أبني دورين لو كان (المنظر واستغلال مساحة في الدورين أكبر)..بس الكل يلومني ويقولي أحسن لج الدورين عسب جيه كتبت الموضوع علشان أعرف الآراء وأنتم فيكم الخير و البركة
بس بغيت إلي بنو أويبغون دورين شو رايهم ليش بخلانين علينا بالرد..
سامحوني طولتها

[الماسة88]

اتمنى يكون بدورين..

عشان اتفنن فالاثاث والديكور اكثر..

[قطوه_دلوعه]

دورين


عشاااااان اتيج فترات ترتااحين من حشرة اليهااال...عكس الدور


ومبرووووووووووكين ^_^


عقبال الجميييع

[أثير88]

أختي قطوه دلوعه والله لو أشرد وأروح المريخ حشرنهم (الله يحفظهم ويخليهم)ورايي ورايي..

[ذويقة]

لو عندج مساحه دور وعلى شكل حرف L ولو ماشي دورين تعرفين ليش هالشكل عشان تبعدين الصاله والميجلس وحشره اليهال عن غرف النوم ....وانا اشوف الدور الواحد وايد اريح ولموم وكل حد جدامج فديتهم اتشوفينهم وتعرفين شو يشيطنون احسن لج عن تشردين عنهم او اللي فوق ما يعرف عن اللي تحت ووووواريح والسموحه

[&المزيونه&]

الصراحه انا على وشك انا نبني بيت 00لأنه السكنيه ولله الحمد طلعت لنا وسرينا على دور واحد بس ساس دورين للمستقبل 00لأنا الحين عايله صغيره انا وريلي و3 عيال الله يحفظهم انشاءالله000 وبسويه واسع 4 غرف نوم مع حماماتها كرمتو ولدرسنغ روم مالها ويلسه لنا 000وصاله وسيعه وميلس وغرفة طعام ومطبخ تحضيري وبعد حمام كرمتو لضيوف الصاله بس ع زاويه 000 وملاحق بس بعدنا ما رتبنا 000والله يسعد الجميع انشاءالله ويرزقهم بعش الزوجيه

[الووليد]

اكيد دورين او ثلاثة مع سرداب احنا بالكويت نبني سرداب وثلاث ادوار
السرداب للمناسبات الكبيرة ومطبخ تحضيري وحمام عزكم الله للضيوف وحوش ساقط و الدورلاول نصه صالات استقبال للمناسبات العادية او زيارة الصديقات وحمام للضيوف عزكم الله والنص الثاني غرفتين معيشة وحدة للكبار ووحدة للصغار بتقولون ليش بقولكم لان الصغار يبون يلعبون بليستيشن ويبون الفيديو والكبار يبون يسولفون بدون ازعاج وحمام لاهل البيت و طبعا المطبخ الرئيسي بيكون بنفس الدور يعني الاول
والدور الثاني فيه غرف النوم مع حماماتهم عزكم الله ومطبخ تحضيري
الدور الثالث يكون عبارة عن شقتين كل شقة فيها 3غرف وحمامين ومطبخ ولهم مدخل خاص واصنصير
الشقتين للايجار اذا كانوا العيال صغار ولما يكبرون يتزوجون فيها
واللي عنده اي تعليق يرسله على الخاص اذا امكن لاني ما افتح النت كل يوم
وشكراااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااا

[شوكولاتة]

افضل الدور لانه فيه لمه وتعرفين منو موجود ومنو مب موجود اما دورين اللي فوق ما يدرون عن اللي تحت والعكس صحيح انا جربت دورين بيت اهلي وشفت المعاناه بس دور اوكيه..