نزول دم بني

**ام عبووود** · 2011-08-06, 01:38

شلونكم بناات,,

حبيت اسألكم منوو نزل لها دم بني وثبت حملها مع العلم اني حاامل من شهر ونص والدكتوره قالت لي الحمل ضعيف واحسن ينزل,,
سويت تحليل الدم وطلع لي الهرمون 2600 ومدري اذا اوكى ولا
الصراحه ما ابي اضيع علي شهر رمضان اقولها بااخذ مثبت لين يخلص رمضان تقولي لا خليه ينزل وانا الصراحه ما بخاطري اوقف المثبت ,,,
نصيحتكم بناات

الله يتقبل صومكم يااارب ,,
ويرزق كل محروم من الذريه ياارب..

المزيد من آخر المواضيع من نفس القسم:

**ككاوة حبيبي** · 2011-08-06, 17:54

حبوبة انا شراتج

بس روحه نزل

بس شهر رمضان ما بيروح عليج بس ايبوع لين 10 تيام

**^%سمر%^** · 2011-08-06, 18:27

الله يكتبلج إلي فيه الخير ...

**ام عبووود** · 2011-08-07, 03:31

يسلمووووووو حبوباات على الرد ,,
الله يكتب الي فيه الخير للكل ياارب,,
رحت لدكتوره ثانيه اليوم وتوقلي اونه الصيام ممنوع في الاشهر الاولى قلت لها اول مره مره اسمع بذي الفتوه وعصبت ههه تقولي ما راح تنالي من من صيامك غير الجوع والعطش على بالها هي الي تحااسب عن الصوم واجره اخر زمن والمصيبه انها مسيحيه ,,

لاحول ولاقوة الابالله اللهم اجرني في مصيبتي وخلف لي خيرا منها ...

**ZoOyA** · 2011-08-07, 03:53

الغالية لا تخافين اذا الله كاتب انه ينخلق بينخلق واذا لا ترا كل الامور فيها خير

توكلي على الله وفوضي امرج اليه

اذا كنت تحاتين الصيام تقدرين تراجعين موقع الاسلام سؤال وجواب بتعرفين ان الشهر ما بيروح عليج وانج تقدرين تصلين وتصومين حتى لا قدر الله ولو نزلتي الحمل لانه بعده ما نفخت فيه الروح

**FoOo** · 2011-08-07, 04:29

للرفع

**يقايا جروح** · 2011-08-07, 10:15

مرحبا اختي شحالج ؟؟

بصراحة انا حملي كان ضعيف في بداية حملي وهرمون الحمل كان عندي 164 تقريبا وهو المفروض يكون الف وشي وبعد 48 ساعة المفروض يكون 3000 وشي بس انا مازاد غير شي وثلاثين يعني نسبة بسيطة جداااااااا

المهم الدكتورة قالتلي هذا ماينفع وبينزل لانه وايد ضعيف وكانت واصفتلي فوليك اسيد ومثبت .. بعد ماعرفت درجة الهرمون طرت الورقة جدامي وقالتلي حملج (باااااااااااايز) باللهجة المصرية .. يعني مامنه فايدة وقالتلي مابيثبت مستحيل يثبت وبينزل ومايصير تاخذين المثبت وتثبتين شي ماينفع ..

احبطتني وحطمتني الصراحة والدنيا اسودت في عيني لأن الكل كان يعرف عن حملي وريلي كان وااااااااااااايد مستانس ..

بعد اسبوع تقريبا نزل عليه دم بني وسرت عند الدكتورة زينب وفحصتني وقالتلي ان الجيس موجود بي الجنين مايبين قلتلها يمكن نزل قالتي لا لا بعطيج ابرة تثبيت واذا موجود بيثبت واهم شي لا تجامعين ريلج اسبوع والا اسبوعين وتمي كله منسدحة عسب الجنين يثبت في مكانه ومايتحرك وينزل ..

الحمدلله الحمدلله الحمدلله انا الحين في الشهر الخامس وحملي ثابت ولله الحمد .. والحمدلله شفت الجنين وسمعت نبضه والحين اشوفه يتحرك فديته ربي يحفظه من كل شر ويسهل ولادته يااااارب ..

لا تسمعين كلام حد ابدا .. بس اهم شي تمي هالثلاث شهور منسدحة على طول .. انا ريوقي وغداي وعشاي كله كان يوصلني لين الغرفة وعلى السرير حتى الدوام كله كنت اخذ سك ليف وأأجز ..

الله يتمم حملج على خير ويثبتلج حملج انشالله وتشوفين ولدج والا بنتج في حظنج انالله يااااااااارب ..

**ام عبووود** · 2011-08-08, 01:08

يسلموووووووو حبوبات على الرد ,,
الله يرزقكم الذريه الصاااحه ياارب
بقاايا جروح الله يتمم لك حملك يارب وتقومي بالسلامه وماقصرتي ويارب تفرحي بعيال عيالك ,,,

الصـــــراحه انا وقفت التثبيت وبديت اخذ شيء ينزل ,,
حومت نفسي من الحبه الحمراء والحلبه زااد الدم بس احسه باقي مانزل ,,
الله يكون بالعون ,,
الله يخلف علي ياارب ويرزق كل محروم ,

**لك غلاي** · 2011-08-08, 02:27

ربيعتي نفس الشي من قريب بعد و الحين الحمدالله
حبيبتي مب كلام الدكتورة يمشي
كلام رب العالمين ودعايج هو اللي يمشي
يا الله ان شاء الله تبشرينا بكل خير فديتج

**طالبةالعلم** · 2011-08-09, 22:29

يارب يارب يارب انك ترزق كل وحدة في المنتدى وبرا المنتدى بالذرية الصالحة يارب ياقادر ياكريم يارحمن يارحيم يارب ان شاء الله مايمر شهر رمضان الا وكل وحدة تتمنى الحمل تكون حامل امين رب العالمين وانا معاكم اللهم ااااااااميييييييييين

**تفاحه الخضرا** · 2011-08-09, 23:43

سلام عليكم ولي شرف اشارك وياكم وانا بصراحه يديده عندكم ورمضان مبارك والله يحفظ كل الحوامل يارب:

**تفاحه الخضرا** · 2011-08-09, 23:44

الله يكمل حملج ع خير

الموضوع: نزول دم بني

أدوات الموضوع

عرض