مشكلتي مع ريلي

**خدن امورد** · 2011-08-04, 13:03

السلام عليكم

وكل عام وانتو بخير ..

ياريت تساعدوني بنات انا تعبت من ريلي نحن مالجين وعرسنا عقب شهرين ويزعل مني على اشياء بسيطة ومالها اي معنى والله مرات اتاسف على شي ماسويته قولولي كيف اتعامل وياه يعصب عالشي ويهدا وعقب يقولي طبعي جيه وانا تعبت من هالحالة احاول اصلح الموضوع وعقب يومين يزعل مني ويحب الاجوبة الواضحة ونا ماتعودت اجاوب جواب كامل جني في امتحان والله قمت احاسب ع كل حرف اقوله قمت اخاف وافكر واقول اخاف اقول جيه ويزعل واذا ما قلت جيه بيزعل وايلس اراضيه توقعت الملجة احلى وبيدلعني ومادري شو بس للاسف ما صار كل هذا ساعدوني خبروني شو اسوي وياه

ساعدووووووووووووووني

المزيد من آخر المواضيع من نفس القسم:

**h2h** · 2011-08-04, 13:11

حبيبتي الصبر زين وتسوي هالامور في بداية الزواج وتحملي عزيزتي

وحياتكم بتتغير صدقيني وحصني نفسج وريلج وبيتج

كل يوم

**سوارة** · 2011-08-04, 13:14

**كلمات** · 2011-08-04, 13:16

لازم تتفاهمون على طريقة للتعامل .. ماقولج اتضاربي وياه .. بس يلسو وارمسو فالموضوع وقوليله انج مب مرتاحه جذي .. واتفقو على اسلوب التعامل مبينكم ..

**خدن امورد** · 2011-08-04, 13:19

والله ما يعطيني فرصة ارمس انا والله ماقول ولا سوي شي غلط ليش اتاسف ع شي ماسويته صار هذا الموال كل يوم يزعل هو واتاسف انا يعني مايستوي الحرمة تزعل ودي مرة يقولي ماعليه انسي وحصل خير ويراضيني

ساعدوني

**لأنني مختلفة** · 2011-08-04, 13:47

خلج واضحة وياه يعني يوم بيسألج جاوبي ع قد السؤال بدون لف ولا دوران ..
واذا عصب من البداية فهميه ان ما في شي يستاهل العصبية ..
وهو صح ان الحياة الزوجية تنازلات بس مب لدرجة انج تيلسين تتأسفين ع شي انتي ما غلطتي فيه من البداية!
خلكم واضحين من البداية ..
ومثل ما قالت وحدة من الخوات أيام الملجة وايد تفرق عن العرس ..
الله يصلح حالكم يا رب

**بنوتـــهـ** · 2011-08-04, 14:20

ماعليه تصير مثل هالامور لين الواحد يفهم ا

**um7amdan** · 2011-08-04, 15:46

الغاليه ماعليج الصبر زين وهو يبا يتغلا عليج بس صدقيني

وانا ف بداية ملجتي شراتج والله
بس قمت اقوله عن كل شي قبل ماهو يسالني
يعني الوقت الي مايكلمني فيه اطرش له مسج
شوسويت وشو ماسويت ويلست مع منو وكلمت منو
وكان يستاانس وايد واتعود هو جيه بعد يقولي كل شي قبل ما اسال

والله يوفقج حبيبتي

***كسر الخواطر*** · 2011-08-04, 15:56

اختي فديتج لاتحاتين

كل الرياييل يتغيرون بعد الزواج بفترة صبري فديتج ولاتكبرين المواضيع

**laila226** · 2011-08-04, 16:39

ربي يوفقج اختي

**بنت بحور** · 2011-08-04, 16:43

كلهم جيه بالبدايه وعقب بيتعود عليج وبروحج بتتعودين عليه ..

**فديتني نونو** · 2011-08-04, 17:04

يدلع عليج لا تعطينه اهتمام وايد عسبت يهتم فيج اكثر ويقول شبلاها ماستوت تهتم فيني

**أم يمن** · 2011-08-04, 17:06

هو الحين يبي يتعرف عليكي فيسأل عن كل شي ويبي يعرف كل شي أنتي كوني واضحه معاه وصادقه من البدايه وخبريه هالشي وأنك ما متعوده تكذبي ولا أنك تلفي وتدوري
وهو راح يتعود منك هالسالفه ويصير لوحده يعرف وبعدين أنتي دوم خبريه الشي قبل ما يسأل يعني وين رحتي وين جيتي
والله يوفقك أختي

**Pheno-m-enon** · 2011-08-04, 20:37

خليج ريلاكس وياه
يعني حاولي تاخذينه بالكلام الحلو
يمكن ريلج طبعه عصبي
بس عقب الزواج ان شاء الله بيتغير ^^

**عروس يديدة~** · 2011-08-04, 21:38

الله يعينج حتى انا يوم اقوله كيفك اللي تشوفه ما ادري يمكن يعني يعصب

بس فترة الملجة شيء طبيعي انج ما تجاوبين ومن حقج لانج مستحيه وبعض الاسئله تحسين فيها احراج وتبين تشردين منها

دامج في فترة الملجه خلج ملكه اتغلي عليه وقوليله انا جيه ما اقدر لازم تستحملني لاني عروستك ولايرضيك اتم زعلانه واصيح. وانا قريب بصير عروسك مع الايام بصير مثلما تبا يبالي اتعلم ع اسلوبك بس مب كل شوي والثاني تمد بوزك وتزعل علي

هو يسوي جيه لانه يباج تتعودين ع اسلوبه ويسيطر بعد فخلي لج كلمتج ولا تعتذرين الا اذا كنتي غلطانه

الموضوع: مشكلتي مع ريلي

أدوات الموضوع

عرض