ريلج و السيارة

**همسة حب2009** · 2011-08-03, 23:00

الله يوفقج حبيبتي

**افناان** · 2011-08-03, 23:18

المشاركة الأصلية كتبت بواسطة اهلين و سهلين

الريال مب مجبور يشتري موتر لحرمته اصلا

كفاية معيشها ف بيت و سوي لها عرس الوحدة بروحها تشتغل و اتييمع لها

احلفي انتي بس
و اذا حضرته 24 ساعة دوام و شغل وما يرد الا حزة النوم
منو بيقضي مشاوير البيت و مشلويرها الخاصة و تطعيم البيبي و مواعيده ؟؟
لا يكون تطلع جناح و تطير
و لا تطلب من اهلها يشترون لها سيارة ؟؟؟؟

**لأنني مختلفة** · 2011-08-03, 23:42

اذا تقصدين ان الكشخة عندج النيسان الصالون والتويوتا ما يقصرون وينفعون حق الدروب اكثر عن البي ام والبورش

تبين نصيحتي خذي سيارة قد الميزانية الحين ..
وان شاء الله بعد ما تبنون بيت العمر خذي السيارة اللي خاطرج فيها

**شوق_العين** · 2011-08-04, 00:08

انا كلامي كان واضح انا ما قصدت انج تبين تخقين سألتج سؤال وسؤالي كان واضح عندج نسيان وتويوتا وكالات معروفه واسعارهم معقوله ،،، حبيبتي الريال اذا يقدر يظهرلج اللي فخاطرج فيه بالبركه بس انا افضل الوحده تظهر حق عمرها احسن ع الاقل سيارتج لو لا سمح الله صار شي محد بيلومج ولا بيعق عليج رمسه ولا نغزه

بعدين البيت احسن من السياره لين متى تبين تعيشين فالايجار والله الوحده تعدل حق بيتها احسن لها ع الاقل تحطين وتسوين حق بيتج مب بيت الايجار

المهم الغاليه انا مب قصدي شي السموحه منج

**laila226** · 2011-08-04, 00:14

الغالية انا احس ان البيت اهم بوايد من السيارة
موفقه

**om dana2012** · 2011-08-04, 00:34

بناااااااااااااات شو مالكم عالحرمة شوي شوي حرام
قل خيرا او فلتصمت
حبيبتي افنان وانت كمان وسعي صدرك شوي همه حابين ينصحوكي وبس وما توخدي بخاطرك
وانا بنصحك انك تستشيري زوجك بالموضوع لانه هوه المقصود وهو الادرى بمصلحتك وشوفي رايه بالموضوع وازا حكالك انو ما بقدر يشتري استني لما تتوظفي ان شاء الله (طبعا حلينا لما تتوظفي خخخخخخخ) اشتري اللي بدك اياه والله يوفقك اختي

**نقنوقة** · 2011-08-04, 00:41

اشتري. لقزز تراها مال مكدة
واشوف تجمعون لبيت العمر احسن

**كلي_جاذبيه** · 2011-08-04, 00:42

المشاركة الأصلية كتبت بواسطة افناان

و اذا حضرته 24 ساعة دوام و شغل وما يرد الا حزة النوم
منو بيقضي مشاوير البيت و مشلويرها الخاصة و تطعيم البيبي و مواعيده ؟؟
لا يكون تطلع جناح و تطير
و لا تطلب من اهلها يشترون لها سيارة ؟؟؟؟

لو صدق محتايه سياره تقضين فيها مشاويرج جان رضيتي بأي سياره وخلاص
اما تتشرطين عالريال تبين موتر كشخه وبالمبلغ الفلاني وخقه عالفاضي
وريلج مش مجبور ياخذلج الريال وراه مصاريف تبين اشتغلي وخذي لعمرج

**om dana2012** · 2011-08-04, 00:58

المشاركة الأصلية كتبت بواسطة كلے جاذبيـــہ

لو صدق محتايه سياره تقضين فيها مشاويرج جان رضيتي بأي سياره وخلاص
اما تتشرطين عالريال تبين موتر كشخه وبالمبلغ الفلاني وخقه عالفاضي
وريلج مش مجبور ياخذلج الريال وراه مصاريف تبين اشتغلي وخذي لعمرج

حراااام شوي شوي عالبنت بالكلمة الطيبة كل شي بسير

**om dana2012** · 2011-08-04, 01:00

المشاركة الأصلية كتبت بواسطة شوق_العين

انا كلامي كان واضح انا ما قصدت انج تبين تخقين سألتج سؤال وسؤالي كان واضح عندج نسيان وتويوتا وكالات معروفه واسعارهم معقوله ،،، حبيبتي الريال اذا يقدر يظهرلج اللي فخاطرج فيه بالبركه بس انا افضل الوحده تظهر حق عمرها احسن ع الاقل سيارتج لو لا سمح الله صار شي محد بيلومج ولا بيعق عليج رمسه ولا نغزه

بعدين البيت احسن من السياره لين متى تبين تعيشين فالايجار والله الوحده تعدل حق بيتها احسن لها ع الاقل تحطين وتسوين حق بيتج مب بيت الايجار

المهم الغاليه انا مب قصدي شي السموحه منج

وراي الاخت كتييير حلو ومقنع

**ام مـ2003ـايد** · 2011-08-04, 01:19

**الغزال ش** · 2011-08-04, 01:36

Uuuuup

**مهرووووووه** · 2011-08-04, 10:44

اختي..
الدنيا فيها اولويات..
انتوا ساكنين بالاجار.. ووراكم بيت..
البيت اولى من سياره ب 300 او 400 الف.. شغلي مخج فديتج
إذا انتي تبين سياره توديج تردج.. خذي سياره سعرها معقوووول تفي بالغرض!!

كل الناس خاطرهم ف هذا وهذا .. بسسسس الواحد يعطي الالويه للأهم!!!!!!

انا على سبيل المثال.. مثل حالتج ورانا بيت.. وابا سياره اروووح فيها الدوااام واقضي حاجياتي.. فكرت اخذ سياره وانا اقدر.. عندي حساب واداوم.. وريلي فديته مابيقصر بعد.. بس فكرت فيها!! قلت احنا ورانا بيت!!
فخذت سياره ريلي الثانية .. لأنه هو عنده سيارتين.. والحمدلله السياره عاجبتني ونافعتني وهذا المطلوووووب

**شيطونة** · 2011-08-04, 11:20

المشاركة الأصلية كتبت بواسطة افناان

بنات اشفيكم علي السيارة الراقية مثل البورش و البي ام مب للفشخرة
للكرف
و السيارات الرخيصة ما تعمر وايد و مش مريحة للخطوط و اي خرابة ادمرها ع طول ، انا اريد اخذ شي يتم معاي سنين اكرفها كرف و اطلع جيمتها
شو دخل الفشخرة في الموضوع ؟؟
*

الغالية لا تستغربين ان البنات فسروا الموضوع فشخرة
تراج انت كاتبه في الموضوع "سيارة راقية وبرستيج" عشان جيه البنات فسروها انها فشخرة

ما علينا ...انا بس حبيت أقولج ان السيارات العادية مب شرط انها ما تعمر ولا انها تخرب بسرعة
عندج الكامري.. معرووووووفه حق الكراف وتعمر معاج الدهر كله لو تبين
انا كان عندي تويوتا "أفالون" والله انها كرفت كرف ... وصار لها كذا حادث بس بديها يستحمل
وصار لها 5 سنين عمرها ما اخترب فيها شي
أغير توايرها الاربع بألف ولا 1500درهم <<<قيمة تاير واحد من تواير المرسيدس
و على فكرة ...الحين عدلوا في الافالون وصارت أحسن من يوم انا شريتها

وعن السيارات اللي انت كاتبتهم رأي الشخصي <<على راحتج تحبين تاخذين به أو لأ
لو كنت مكانج وريلي بيشتريها بأقساط ... ما كنت بطلب هالشي
اتوقع الاقساط بتكون في حدود 5000 شهريا ولمدة 4 ولا 5 سنوات غير الصيانة السنوية وكم بيدفع عليها
احس وايد ...أنا وعيالي اولى بهالمبلغ من انه يروح في سيارة اقضي بها مشاويري مثل أي سيارة ثانية

**h2h** · 2011-08-04, 13:29

المشاركة الأصلية كتبت بواسطة bellegirl

رب اشرح لي صدري .. ويسر لي أمري .. واحلل عقدة من لساني .. يفقهوا قولي ..

ربي يوفقج اختي

وما أحس السيارة البرستيج أحسن من بيت العمر

السيارة أختي مب ببرستيجها وانما بعملها وأداء شغلها !!

حتى لو يقدر بالاقساط .. يمكن هالقسط اللي يدفع للسياره الراقيه يفيدهم لشي اهم منه

اذا تبين خذي لج سياره مناسبه ويمعوا لبيتكم احسن لكم

عقب بتتندمين اذا بيغيتي البيت

الموضوع: ريلج و السيارة

أدوات الموضوع

عرض

المواضيع المتشابهه

بعكس موضوع شو تزقرين ام ريلج ...انا بسألج ريلج شو يزقر امج؟؟

شعار السيارة